ବିଗବସ-୧୧ରେ ଓଡ଼ିଆ ପୁଅ ସଗୁନ ! ପ୍ରଥମ ଓଡ଼ିଆ ପ୍ରତିଯୋଗୀ ଭାବେ ଦେଖାଇବେ ଦମ
କନକ ବ୍ୟୁରୋ : ରିୟଲିଟି ସୋ’ରେ ପୁଣିଥରେ କମାଲ ଦେଖାଇବେ ଓଡିଆ ପୂୁଅ । କଲର୍ସ ଚ୍ୟାନେଲର ଲୋକପ୍ରିୟ ରିୟଲିଟି ସୋ ବିଗବସରେ ଏଥର ଓଡିଆ ପୁଅ । ବିଗବସ ସିଜିନ-୧୧ ରେ ଓଡ଼ିଶାରୁ ପ୍ରଥମ ଥର ପାଇଁ ସବ୍ୟସାଚୀ ଶତପଥି ଓରଫ ସଗୁନ ପ୍ରତିଯୋଗୀ ଭାବେ ଭାଗନେବା ପାଇଁ ମନୋନୀତ ହୋଇଛନ୍ତି । ଗତକାଲି ଠାରୁ ଆରମ୍ଭ ହୋଇଥିବା ବିଗବସର ୧୧ତମ ସଂସ୍କରଣରେ ସେ ପ୍ରତିଯୋଗୀ ହୋଇଛନ୍ତି । ଚଳିତ ବର୍ଷ ଏହି ସୋ’କୁ ସଲମାନ ଖାନ୍ ହୋଷ୍ଟ କରୁଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଏହି କାର୍ଯ୍ୟକ୍ରମରେ ଅଂଶଗ୍ରହଣ କରୁଥିବା ଅନ୍ୟ ସେଲିବ୍ରିଟିମାନଙ୍କର ପଡୋଶୀ ହେବା ପାଇଁ କେତେଜଣ ସାଧାରଣ ଲୋକଙ୍କୁ ଚୟନ କରାଯାଇଥାଏ । ତେବେ ସାଧାରଣ ଲୋକଙ୍କ ମଧ୍ୟରୁ ଏଥିରେ ଭାଗ ନେବାପାଇଁ ସବ୍ୟସାଚୀଙ୍କୁ ଚୟନ କରାଯାଇଥିବା ବେଳେ ସେ ଓଡିଶାରେ ମଧ୍ୟ ଜଣେ ସେଲିବ୍ରିଟି ଭାବେ ବେଶ ପରିଚିତ । ସେ ପେସାରେ ଜଣେ ଡିଜାଇନର ସହ କିଛି ଟିଭି କାର୍ଯ୍ୟକ୍ରମରେ ଉପସ୍ଥାପକ ଭାବେ କାମ କରିଛନ୍ତି । ସବ୍ୟସାଚୀ ବିଗବସରେ ଭାଗ ନେଉଥିବାରୁ ତାଙ୍କୁ ରାଜ୍ୟବାସୀ ଭୋଟ କରିବେ ବୋଲି ତାଙ୍କ ପରିବାର ଆଶା ପ୍ରକଟ କରିଛନ୍ତି ।