ପୂରା ଦେଶକୁ ଗେରୁଆ ରଙ୍ଗରେ ରଙ୍ଗୀନ କରିବାକୁ ଲକ୍ଷ୍ୟ ରଖିଛି ବିଜେପି । ପ୍ରତି ରାଜ୍ୟରେ ଯେମିତି ପଦ୍ମ ଫୁଟିବ ସେଥିପାଇଁ ଦିନରାତି ଏକ କରି ଦେଇଛନ୍ତି ମୋଦି-ଶାହା ଯୋଡ଼ି । ତେବେ ଏସବୁ ଭିତରେ ଉତ୍ତରପ୍ରଦେଶକୁ ପୂରା ଗେରୁଆ ମୟ କରି ସାରିଲେଣି ଯୋଗୀ ଆଦିତ୍ୟନାଥ । ସରକାରୀ ବଙ୍ଗଳା ଠାରୁ ଆରମ୍ଭ କରି ସୋଫା, ସ୍କୁଲ ଏପରିକି ମୂର୍ତ୍ତି ଗୁଡ଼ିକୁ ମଧ୍ୟ ଗେରୁଆ ରଙ୍ଗରେ ରଙ୍ଗୀନ ହୋଇସାରିଛି । ଆଉ ଏସବୁ ପରେ ଏବେ ପାଇଖାନାର ପାଳି ପଡ଼ିଛି । ଯୋଗୀ ଆଦିତ୍ୟନାଥଙ୍କୁ ଖୁସି କରିବା ପାଇଁ ଅଧିକାରୀ ମାନେ ଏବେ ଟଏଲେଟର ରଙ୍ଗ ମଧ୍ୟ ଗେରୁଆ କରିଛନ୍ତି । ଯାହାର ଫଟୋ ଏବେ ସୋସିଆଲ ମିଡ଼ିଆରେ ଭାଇରାଲ ହୋଇଛି ।
Kanak News is now on WhatsApp
Join and get latest news updates delivered to you via WhatsApp
Preparations and renovation work underway at Raskhan auditorium in Hardoi where CM Yogi Adityanath’s event to launch several developmental schemes is scheduled to be held today. (1.06.18) pic.twitter.com/JGqbUP2fxP
— ANI UP (@ANINewsUP) June 2, 2018
ସୂଚନା ଅନୁଯାୟୀ, ଶନିବାର ଯୋଗୀ ଆଦିତ୍ୟନାଥ ଆଠ ଘଣ୍ଟିଆ ହରଦୋଇ ଗସ୍ତ କରିଛନ୍ତି । ଏଥିପାଇଁ ପୂରା ପ୍ରଶାସନ ତତ୍ପର ହୋଇ ଉଠିଛି । ଯୋଗୀ ଆଦିତ୍ୟନାଥଙ୍କୁ ଖୁସ କରିବାକୁ କାର୍ଯ୍ୟକ୍ରମ ସ୍ଥଳରେ ଗେରୁଆ ରଙ୍ଗର ପର୍ଦ୍ଦା ଲଗାଯାଇଛି । ଏହାସହ ସ୍ୱଚ୍ଛତା ଉପରେ ମଧ୍ୟ ବିଶେଷ ଧ୍ୟାନ ଦିଆଯାଇଛି । ଆଉ ଏହି କ୍ରମରେ ପାଇଖାନାରେ ଲାଗିଥିବା ଧଳା ଟାଇଲ୍ସକୁ ବଦଳାଯାଇ ଏଥିରେ ଗେରୁଆ ରଙ୍ଗର ଟାଇଲ୍ସ ଲଗାଯାଇଛି ।
ଏଠାରେ ସୂଚନାଯୋଗ୍ୟ ଯେ, ଉତ୍ତର ପ୍ରଦେଶରେ ବିଜେପି ସରକାର ଆସିବା ପରେ ରାଜ୍ୟ ସଚିବାଳୟ ସହ ବିଭିନ୍ନ ସରକାରୀ ବଙ୍ଗଳା ଗୁଡ଼ିକର ରଙ୍ଗ ପରିବର୍ତ୍ତନ କରି ଗେରୁଆ ରଙ୍ଗ କରାଯାଇଥିଲା । ଏପରିକି ସରକାରୀ ସ୍କୁଲ ଗୁଡ଼ିକୁ ମଧ୍ୟ ଏହି ତାଲିକାରୁ ବାଦ ପଡ଼ିନଥିଲା । ଯାହାକୁ ନେଇ ବିବାଦ ମଧ୍ୟ ଦେଖା ଦେଇଥିଲା । କିନ୍ତୁ ପରେ ନିଜର ଭୂଲ ସ୍ୱୀକାର କରିବା ସହ ଉକ୍ତ ଅନୁଷ୍ଠାନ ଗୁଡ଼ିକୁ ପୁରୁଣା ରଙ୍ଗରେ ପରିବର୍ତ୍ତିତ କରାଯାଇଥିଲା ।