ଦୀପାବଳିରେ ଆସିଲା ଦୁଃଖ ଖବର । ବାସୁଦେବପୁରରେ ଲିଚୁ ଲଗାଉଥିବା ବେଳେ ବିଦ୍ୟୁତ୍ ସଂସ୍ପର୍ଶରେ ଆସି ଯୁବକଙ୍କ ମୃତ୍ୟୁ, ଭଦ୍ରକରେ କୁନି ପିଲାର ହାତରେ ଫୁଟିଲା ବାଣ, ୩ଟି ଆଙ୍ଗୁଠି ନଷ୍ଟ ।
କନକ ବ୍ୟୁରୋ : ଦୀପାବଳିରେ ଆସିଲା ଦୁଃଖ ଖବର । ଭଦ୍ରକ ଗ୍ରାମାଂଚଳ ଥାନା ବଗମରା ଗାଁରେ ଅଘଟଣ । ସ୍ଥାନୀୟ ମୋହନ ମଲ୍ଲିକଙ୍କ ଘରେ ପିଲାମାନେ ବାଣ ଫୁଟାଉଥିବା ବେଳେ ତାଙ୍କର ତିନି ବର୍ଷର ପୁଅ ଗୁରୁତର ଆହତ ହୋଇଛି । ନିଆଁ ଲଗାଇଲା ବେଳେ ବାଣ ଫୁଟିଯିବାରୁ ପିଲାଟିର ତିନିଟି ଆଙ୍ଗୁଠି ନଷ୍ଟ ହୋଇଯାଇଛି । ତାକୁ ଗୁରୁତର ଅବସ୍ଥାରେ ଭଦ୍ରକ ମେଡିକାଲରେ ଭର୍ତି କରାଯାଇଛି ।
Kanak News is now on WhatsApp
Join and get latest news updates delivered to you via WhatsApp
ସେହିପରି ବାସୁଦେବପୁର ଅଂଚଳରେ କାଳିପୂଜା ପାଇଁ ନିଜ ଦୋକାନରେ ଲିଚୁ ଲାଇଟ୍ ଲଗାଉଥିବା ବେଳେ ବିଦ୍ୟୁତ ସଂସ୍ପର୍ଶରେ ଆସିଥିଲେ । ଗୁରୁତର ଅବସ୍ଥାରେ ପ୍ରକାଶ ଓଝାଙ୍କୁ ଭଦ୍ରକ ମେଡିକାଲରେ ଭର୍ତି କରାଯାଇଥିବା ବେଳେ ସେଠାରେ ତାଙ୍କର ମୃତ୍ୟୁ ଘଟିଛି । ସେପଟେ କାମାକ୍ଷାନଗରରେ ବାଣ ଫୁଟାଇବା ବେଳେ ବିଭିନ୍ନ ସ୍ଥାନରେ ୪ ଜଣ ଗୁରୁତର ହୋଇଛନ୍ତି । ଏମାନଙ୍କ ମଧ୍ୟରେ ୨ ଜଣ ଶିଶୁ ମଧ୍ୟ ରହିଛନ୍ତି ।
ଅନ୍ୟପଟେ ରାଜଧାନୀର ବିଭିନ୍ନ ଅଂଚଳରେ ବାଣ ଫୁଟାଇ ୨୫ରୁ ଅଧିକ ଆହତ ହୋଇଥିବା ସୂଚନା ମିଳିଛି । ଏମାନେ କ୍ୟାପିଟାଲ ହସ୍ପିଟାଲରେ ଚିକିତ୍ସିତ ହେଉଥିବା ଜଣାପଡିଛି । ସେପଟେ କେନ୍ଦୁଝର ଜିଲ୍ଲା ଆନନ୍ଦପୁର ଅଂଚଳରୁ ଅଘଟଣ ଆସିଛି । ବାଣଫୁଟାଇବା ବେଳେ ପଂଚୁପୁଲି ଗାଁର ବୁଲୁ ଖଟୁଆ ଗୁରୁତର ଆହତ ହୋଇଛନ୍ତି । ତାଙ୍କ ହାତରେ ଗଭୀର ଆହତ ସୃଷ୍ଟି ହୋଇଥିବା ବେଳେ ତାଙ୍କୁ ଆନନ୍ଦପୁର ଉପଖଣ୍ଡ ଚିକିତ୍ସାଳୟରେ ଭର୍ତି କରାଯାଇଛି ।