ଭୁବନେଶ୍ୱରରେ ପହଞ୍ଚିଲେ କ୍ରିକେଟର ଭଗବାନ ସଚିନ ତେନ୍ଦୁଲକର । ହକି ବିଶ୍ୱକପର ଉଦଯାପନୀ ଉତ୍ସବରେ ହେବେ ସାମିଲ, ସଚିନଙ୍କୁ ଦେଖିବାକୁ ଦର୍ଶକଙ୍କ ମଧ୍ୟରେ ଜବରଦସ୍ତ କ୍ରେଜ
କନକ ବ୍ୟୁରୋ : ଭୁବନେଶ୍ୱରରେ ପହଞ୍ଚିଲେ କ୍ରିକେଟ ଜଗତର ଭଗବାନ ସଚିନ୍ ତେନ୍ଦୁଲକର । ହକି ବିଶ୍ୱକପର ଫାଇନାଲରେ ଯୋଗ ଦେବା ପାଇଁ ଏକ ସ୍ୱତନ୍ତ୍ର ବିମାନରେ ବିଜୁ ପଟ୍ଟନାୟକ ବିମାନ ବନ୍ଦରରେ ପହଞ୍ଚିଲେ ମାଷ୍ଟର ବ୍ଲାଷ୍ଟର ସଚିନ୍ ତେନ୍ଦୁଲକର କଳିଙ୍ଗ ଷ୍ଟାଡିୟମରେ ନେଦରଲାଣ୍ଡ ଓ ବେଲଜିୟମ ମଧ୍ୟରେ ଖେଳାଯିବାକୁ ଥିବା ଫାଇନାଲ ମ୍ୟାଚ୍ ଦେଖିବା ପାଇଁ ଓଡିଶା ଆସିଛନ୍ତି ସଚିନ୍ । ଆଉ ସଚିନଙ୍କୁ ପାଖରୁ ଦେଖିବା ପାଇଁ ଉତ୍ସୁକତାର ସହ ଅପେକ୍ଷା କରି ରହିଛନ୍ତି ଦର୍ଶକ ।
Kanak News is now on WhatsApp
Join and get latest news updates delivered to you via WhatsApp
ଏହାପୂର୍ବରୁ ହକି ବିଶ୍ୱକପର ଉଦଯାପନୀ ଉତ୍ସବରେ ଯୋଗଦେବା ପାଇଁ ଓଡିଶା ଆସୁଥିବା ନେଇ ଟ୍ୱିଟ୍ ଯୋଗେ ସୂଚନା ଦେଇଥିଲେ ସଚିନ୍ । ଏହାସହ ଓଡିଶା ସୁନ୍ଦର ଭାବେ ହକି ବିଶ୍ୱକପ ଆୟୋଜନ କରିଛି । ଯାହା ହକିକୁ ଆଗାମୀ ଯୁବ ପୀଢିଙ୍କ ପାଖରେ ଏକ କ୍ରୀଡା ଭାବେ ପରିଚିତ କରିପାରିବ । ଏଥିସହ ହକି ବିଶ୍ୱକପର ଟାଇଟେଲ ପାଇଁ ଲଢେଇ କରିବାକୁ ଥିବା ବେଲଜିୟମ ଓ ନେଦରାଲାଣ୍ଡ ଟିମଙ୍କୁ ଶୁଭେଚ୍ଛା ଜଣାଇଛନ୍ତି ତେନ୍ଦୁଲକର । ଆଉ ସଚିନ ଓଡିଶା ଆସିବା ନେଇ ଟ୍ୱିଟ୍ କରିବା ପରେ ନବୀନ ତାଙ୍କୁ ଟ୍ୱିଟ୍ କରି ଧନ୍ୟବାଦ ଜଣାଇଥିଲେ ।