ଦୀପାବଳି ପରେ ଯୁବରାଜଙ୍କର ହେବ ରାଜତିଳକ ! କଂଗ୍ରେସର ମଙ୍ଗ ଧରିପାରନ୍ତି ରାହୁଲ ଗାନ୍ଧି
କନକ ବ୍ୟୁରୋ : କଂଗ୍ରେସର ଯୁବରାଜ ରାହୁଲ ଗାନ୍ଧିଙ୍କର ହେବ ରାଜତିଳକ । ଏଥିପାଇଁ ସମସ୍ତ ପ୍ରକାର ପ୍ରସ୍ତୁତି ସରିଛି । କଂଗ୍ରେସର ଅଧ୍ୟକ୍ଷ ହେବେ ରାହୁଲ ଗାନ୍ଧି । ଦୀପାବଳୀ ପରେ ଏନେଇ ଆନୁଷ୍ଠାନିକ ଘୋଷଣା ହୋଇପାରେ ବୋଲି ସୂଚନା ଦେଇଛନ୍ତି ପୂର୍ବତନ କେନ୍ଦ୍ରମନ୍ତ୍ରୀ ସଚିନ ପାଇଲଟ୍ । ତାଙ୍କ କହିବା ଅନୁସାରେ, ଦୀର୍ଘ ଦିନ ଧରି ରାହୁଲଙ୍କୁ ନେଇ ଦଳ ଭିତରେ ଚର୍ଚ୍ଚା ଲାଗି ରହିଥିଲା । ତା ଛଡା ରାହୁଲ ଗାନ୍ଧି ଦଳର ଉପାଧ୍ୟକ୍ଷ ଭାବେ ବହୁ କାମ ହାତକୁ ନେଇ ସଫଳତାର ସହ ସଂପାଦନ କରିଛନ୍ତି । ଏହାଛଡା ଦେଶର କଂଗ୍ରେସ ନେତା ମାନେ ମଧ୍ୟ ତାଙ୍କୁ ଅଧ୍ୟକ୍ଷ ଭାବେ ଦେଖିବାକୁ ଚାହାନ୍ତି ବୋଲି ସେ ସୂଚନା ଦେଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ପ୍ରିୟଙ୍କା ଗାନ୍ଧୀ ସକ୍ରୀୟ ରାଜନୀତିରେ ଆସିବା ପ୍ରସଙ୍ଗରେ ସଚିନ କହିଛନ୍ତି, ସେ କଂଗ୍ରେସ ଦଳର, କିନ୍ତୁ ସକ୍ରୀୟ ରାଜନୀତିରେ ଆସିବା ନିଷ୍ପତି ତାଙ୍କର ବ୍ୟକ୍ତିଗତ । ଦକ୍ଷତା ଉପରେ ହିଁ ସଫଳତା ନିର୍ଭର କରେ । ତେଣୁ ରାହୁଲ ଗାନ୍ଧିଙ୍କୁ ଦଳର ସଭାପତି କରିବା ଘଟଣାକୁ ବଂଶବାଦ କହିବା ଭୁଲ ହେବ ବୋଲି ସଚିନ ପାଇଲଟ କହିଛନ୍ତି । ରାଜସ୍ଥାନର ଏହି ଯୁବ କଂଗ୍ରେସ ନେତା କଂଗ୍ରେସ ଉପାଧ୍ୟକ୍ଷ ରାହୁଲ ଗାନ୍ଧୀଙ୍କ ବେଶ୍ ଘନିଷ୍ଠ ଭାବେ ଜଣାଶୁଣା ।