ସବ୍ୟସାଚୀଙ୍କ ବିଜେଡି ଆକାଉଂଟକୁ ୪୫ ଲକ୍ଷ : କିଏ ସେହି ସବ୍ୟସାଚୀ, ସସପେନ୍ସ ଜାରି
ପାରଳାଖେମୁଣ୍ଡି : କିଏ ସେହି ସବ୍ୟସାଚୀ । ପୂର୍ବତନ କେନ୍ଦ୍ରମନ୍ତ୍ରୀ ବ୍ରଜକିଶୋର ତ୍ରିପାଠୀ, ବିଜେଡି ବିରୋଧରେ ସଙ୍ଗୀନ ଅଭିଯୋଗ ଆଣିବା ପରେ ଏହାକୁ ନେଇ ଜାରି ରହିଛି ସସପେନ୍ସ । ଗତକାଲି ଦିଲ୍ଲୀରେ ଏକ ସାମ୍ବାଦିକ ସମ୍ମିଳନୀ କରି ବ୍ରଜ କିଶୋର କହିଥିଲେ ବିଜେଡି ଆକାଉଂଟରୁ ଗିରଫ ହୋଇଥିବା ମାଓନେତା ସବ୍ୟସାଚୀ ପଣ୍ଡାଙ୍କ ଆକାଉଂଟକୁ ୪୫ ଲକ୍ଷ ଟଙ୍କା ଯାଇଛି । ପ୍ରମାଣ ଦେବାକୁ ଯାଇ ସେ ବିଜେଡିର କେଉଁ ଆକାଉଂଟରୁ ଟଂକା ଯାଇଛି ସେନେଇ ତଥ୍ୟ ମଧ୍ୟ ରଖିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଏହି ଆକାଉଂଟରୁ ଗଂଜାମର ଛତ୍ରପୁରରେ ଥିବା ଆଇସିଆଇସିଆଇ ବ୍ୟାଙ୍କର ସବ୍ୟସାଚୀ ପଣ୍ଡାଙ୍କ ଆକାଉଂଟକୁ ଟଙ୍କା ଯାଇଛି ବୋଲି ସେ କହିଥିଲେ । ଚେକ୍ ନମ୍ବର ଥିଲା ୪୪୧୬୩୦ । ଏହା ସହ ଘଟଣାର ତଦନ୍ତ ପାଇଁ ସେ ପ୍ରଧାନମନ୍ତ୍ରୀଙ୍କୁ ଚିଠି ଲେଖି ଜଣାଇଥିବା କହିଛନ୍ତି । ତେବେ ଏହାକୁ ନେଇ ସଂଦେହ ଜାରି ରହିଛି । ପୂର୍ବତନ କେନ୍ଦ୍ରମନ୍ତ୍ରୀ ଯେଉଁ ସବ୍ୟସାଚୀଙ୍କ ଆକାଉଂଟକୁ ବିଜେଡି ଆକାଉଂଟରୁ ଟଂକା ଯାଇଥିବା ଅଭିଯୋଗ ଆଣିଛନ୍ତି, ସେହି ସବ୍ୟସାଚୀ କିଏ ଏହାକୁ ନେଇ ସସପେନ୍ସ ଜାରି ରହିଛି । ତେବେ ବିଜେଡି ପକ୍ଷରୁ ଏହାକୁ ଖଣ୍ଡନ କରାଯାଇଛି ।
ବିଜେଡି ତାଙ୍କୁ କୌଣସି ଟଙ୍କା ଦେଇନଥିବା ସ୍ପଷ୍ଟ କରିଛନ୍ତି ମାଓନେତା ସବ୍ୟସାଚୀ ପଣ୍ଡା । ଛତ୍ରପୁରରେ ଆଇସିଆଇସିଆଇ ବ୍ୟାଙ୍କରେ ତାଙ୍କର କୌଣସି ଆକାଉଂଟ ନଥିବା ସବ୍ୟସାଚୀ କହିଛନ୍ତି । ବ୍ରଜ ତ୍ରିପାଠୀ ଆଣିଥିବା ଅଭିଯୋଗ ଭିତିହୀନ । ତାଙ୍କର କେବଳ ବ୍ରହ୍ମପୁର ସର୍କଲ ଜେଲରେ ଗୋଟିଏ ଆକାଉଂଟ ଥିବା କହିଛନ୍ତି ସବ୍ୟସାଚୀ । ଆଜି ପାରଳାଖେମୁଣ୍ଡି କୋର୍ଟରେ ହାଜର ବେଳେଏହି ପ୍ରତିକ୍ରିୟା ଦେଇଛନ୍ତି ସବ୍ୟସାଚୀ ପଣ୍ଡା ।