ସୁଷମା ସ୍ୱରାଜଙ୍କ ପଥରେ ବିଦେଶ ମନ୍ତ୍ରୀ ଏସ୍ .ଜୟଶଙ୍କର ! ସହାୟତା ପାଇଁ ଟ୍ୱିଟରରେ ଆସିଲା ନିବେଦନ , ଦେଲେ ଏଭଳି ଜବାବ୍ ।
ବିଦେଶରେ ଫସିଥିବା ଭାରତୀୟଙ୍କୁ ସୋସିଆଲ୍ ମିଡିଆ ଜରିଆରେ ସାହାଯ୍ୟ କରିବାର ପରମ୍ପରା ଜାରି ରଖିଛି ବୈଦେଶିକ ମନ୍ତ୍ରାଳୟ । କୁୱେତ୍ ସ୍ଥିତ ଭାରତୀୟ ଦୂତାବାସ ସେଠାରେ ଫସିଥିବା ଜଣେ ଭାରତୀୟ ମହିଳାଙ୍କୁ ସ୍ୱଦେଶ ଫେରାଇ ଆଣିବାରେ ଚେଷ୍ଟା କରୁଛନ୍ତି । ଏହି ମହିଳା ଚାକିରୀ ଆଶାରେ ଏଜେଣ୍ଟ୍ ଙ୍କ ଚକ୍କରରେ ପଡ଼ି କୁୱେତ୍ ଚାଲିଗଲେ ଏବଂ ସେଠାରେ ଫସିଗଲେ । ବର୍ତ୍ତମାନ ଉକ୍ତ ମହିଳାଙ୍କୁ ମହିଳା ଆଶ୍ରୟ ଗୃହରେ ରଖାଯାଇଛି । ଟ୍ୱିଟରରେ ସାହାଯ୍ୟ ପାଇଁ ନିବେଦନ କରିବାରୁ ବୈଦେଶୀକ ମନ୍ତ୍ରୀ ଏସ୍ . ଜୟଶଙ୍କର ଏଥିରେ ପ୍ରତିକ୍ରିୟା ଜାହିର କରି ମହିଳାଙ୍କୁ ସାହାଯ୍ୟ କରିବା ପାଇଁ ପ୍ରତିଶୃତି ଦେଇଥିଲେ ।
Kanak News is now on WhatsApp
Join and get latest news updates delivered to you via WhatsApp
Ms. Raji John has been safely accommodated in the female shelter by our Embassy @indembkwt. We are working with the local authorities to facilitate her return home. https://t.co/J7XIB3qJnH
— Dr. S. Jaishankar (@DrSJaishankar) October 10, 2019
ଟ୍ୱିଟରରେ ଜଣେ ବ୍ୟକ୍ତି ଡ଼ା.ଏସ୍ ଜୟଶଙ୍କରଙ୍କୁ କୁୱେତ୍ ରେ ଫସିଥିବା ରାଜୀ ଜନ୍ ଷ୍ଟିଫେନ୍ ନାମକ ଜଣେ ମହିଳାଙ୍କ ସହାୟତା କରିବା ପାଇଁ ନିବେଦନ କରିଥିଲେ । ମହିଳା ଜଣକ ଗୁରଦାସପୁରର ବୋଲି ଜଣାପଡିଛି । ଚାକିରୀ ଆଶାରେ ସେ ଏଜେଣ୍ଟଙ୍କ କଥାରେ ପଡି କୁୱେତ୍ ଚାଲିଯାଇଥିଲେ ଯେଉଁଠାରେ ତାଙ୍କୁ ଏବେ ନିର୍ଯାତନା ଦିଆଯାଉଛି । ପରିବାର ଲୋକ ଝିଅର ସ୍ୱଦେଶ ଫେରିବା ନେଇ ଖୁବ୍ ଚିନ୍ତାରେ ରହିଛନ୍ତି । ତେବେ ଏହାର ଉତ୍ତରରେ ଜୟଶଙ୍କର କହିଥିଲେ , ରାଜୀ ଜନ୍ ଷ୍ଟିଫେନ୍ ଭାରତୀୟ ଦୂତାବାସର ମହିଳା ଆଶ୍ରୟ ଗୃହରେ ସୁରକ୍ଷିତ ଅଛନ୍ତି । ତାଙ୍କର ସ୍ୱଦେଶ ଫେରିବା ନେଇ ଆମେ ସ୍ଥାନୀୟ ଅଧିକାରୀଙ୍କ ସହ କଥାବାର୍ତ୍ତା କରିଛୁ ।
Our Embassy @IndiainThailand is in touch with the bereaved family and is providing all assistance in this difficult time. https://t.co/slCJrpBe1P
— Dr. S. Jaishankar (@DrSJaishankar) October 10, 2019
ଅନ୍ୟପଟେ , ସାହାଯ୍ୟ ଆଶାରେ ଜଣେ ବ୍ୟକ୍ତି ବିଦେଶ ମନ୍ତ୍ରୀ ଏସ୍ . ଜୟଶଙ୍କରଙ୍କୁ ଫୁକେଟ୍ ରେ ଦୂର୍ଘଟଣାରେ ମୃତ୍ୟୁବରଣ କରିଥିବା ଜଣେ ଭାରତୀୟ ମହିଳାଙ୍କ ଶବକୁ ସ୍ୱଦେଶ ଫେରାଇ ଆଣିବା ପାଇଁ ନିବେଦନ କରିଛନ୍ତି । ଏନେଇ ଏସ୍ .ଜୟଶଙ୍କର କହିଛନ୍ତି , ଥାଇଲ୍ୟାଣ୍ଡ ସ୍ଥିତ ଭାରତୀୟ ଦୂତାବାସର ଶୋକାକୂଳ ପରିବାରରେ ମହିଳାଙ୍କ ଶବକୁ ରଖାଯାଇଛି । ଖୁବଶୀଘ୍ର ମହିଳାଙ୍କ ଶବକୁ ଭାରତ ଅଣାଯିବ । ଆପଣଙ୍କୁ କହିରଖୁଛୁ ପୂର୍ବ ବିଦେଶ ମନ୍ତ୍ରୀ ସୁଷମା ସ୍ୱରାଜ ମଧ୍ୟ ଟ୍ୱିଟର୍ ସହାୟତାରେ ବିଦେଶରେ କୌଣସି ଭାରତୀୟ ଫସିଥିଲେ ତାଙ୍କ ସହାୟତା କରିବାରେ ସକ୍ରିୟତା ଦେଖାଉଥିଲେ । ସୁଷମା ସ୍ୱରାଜଙ୍କ ନିଧନ ପରେ ତାଙ୍କର ଏଭଳି ମହନୀୟ କାମକୁ ଖୁବ୍ ପ୍ରଶଂସା କରାଯାଉଥିଲା । ସୁଷମାଙ୍କ ପଥରେ ଚାଲୁଥିବା ବିଦେଶ ମନ୍ତ୍ରୀ ଏସ୍ .ଜୟଶଙ୍କରଙ୍କୁ ମଧ୍ୟ ଖୁବ୍ ପ୍ରଶଂସା କରାଯାଉଛି ।