ବୟସ ମାତ୍ର ୭ । କିନ୍ତୁ ରୋଜଗାର କୋଟି କୋଟି ଟଙ୍କା । ଖେଳକୁଦ ବୟସରେ କୋଟିପତି ତାଲିକାରେ ନିଜକୁ ସାମିଲ କରିଛନ୍ତି ଏହି ୭ ବର୍ଷର ଝିଅ । ଆଉ ସବୁଠୁ ବଡ କଥା ହେଲା, ଏହି ଝିଅର ନାମକୁ ଏବେ ଫୋର୍ବସ ମାଗାଜିନ ମଧ୍ୟ ନିଜ ତାଲିକାରେ ସାମିଲ କରିଛି । ଏହି ଝିଅର ନାମ ହେଉଛି ରିଆନ । ଆମେରିକାରେ ରହୁଥିବା ରୟନ କେବଳ ଖେଳନାର ସମୀକ୍ଷା କରି ଏହାକୁ ୟୁଟ୍ୟୁବରେ ପୋଷ୍ଟ କରିଥାନ୍ତି ।
Kanak News is now on WhatsApp
Join and get latest news updates delivered to you via WhatsApp
ରିଆନ ଟୟଜ ରିଭ୍ୟୁ ନାମକ ୟୁଟ୍ୟୁବ ଚ୍ୟାନେଲ କରି ଏହି ଝିଅ ୧୦୦ କୋଟିରୁ ଅଧିକ ଟଙ୍କା ଆୟ କରିସାରିଲେଣି ।ୟୁଟ୍ୟୁବରେ ଭିଡିଓ ପୋଷ୍ଟ କରିବା ମାତ୍ରେ ବହୁ ସଂଖ୍ୟାରେ ପିଲାମାନେ ଓ ଅଭିଭାବକମାନେ ଏହାକୁ ଦେଖିଥାନ୍ତି । ଯାହାଫଳରେ ୟୁଟ୍ୟୁବର ଲାଭ ହେବା ସହ ରିଆନଙ୍କୁ ଏଥିପାଇଁ ୟୁଟ୍ୟୁବ ପଇସା ଦେଇଥାଏ ।
ରିଆନ ଯେଉଁ ରିଭ୍ୟୁ କରିଥାନ୍ତି ସେଥିରେ ଦୁଇଟି କଥାକୁ ଗୁରୁତ୍ୱ ଦେଇଥାନ୍ତି। ପ୍ରଥମତଃ ପିଲାମାନେ କିଭଳି ଖେଳିବା ଉଚିତ ଓ ଦ୍ବିତୀୟତଃ ଅଭିଭାବକମାନେ କିଭଳି ପିଲାଙ୍କୁ ଏହି ଖେଳନା ବ୍ୟବହାର କରିବାକୁ ଦେବେ ସେ ବିଷୟରେ କହିଥାନ୍ତି । ଗତବର୍ଷ ୟୁଟ୍ୟୁବରୁ ଆୟ ତାଲିକାରେ ଏହି ଝିଅ ୮ ନମ୍ବର ସ୍ଥାନରେ ଥିବାବେଳେ ଏଥର ପ୍ରଥମ ସ୍ଥାନରେ ପହଁଚିଯାଇଛନ୍ତି ।