ଭାରତର ନୂଆ ବ୍ରହ୍ମାସ୍ତ୍ର ରୁସ୍ତମ-୨ର ସଫଳ ପରୀକ୍ଷଣ ! ଲଗାତାର ୨୪ ଘଣ୍ଟା ଆକ୍ରମଣ କରିବାରେ ମାହିର, ଶତ୍ରୁପକ୍ଷ ଉପରେ ରଖିବ କଡା ନଜର
ଦିନକୁ ଦିନ ଭାରତୀୟ ସୀମାରେ ପାକିସ୍ତାନ ଓ ଚୀନର ପ୍ରାର୍ଦୁଭାବ ବଢି ବଢି ଚାଲିଛି । ବାରମ୍ବାର ସୀମାରେ ଆତଙ୍କବାଦୀଙ୍କ ଅନୁପ୍ରବେଶ ଏବେ ଭାରତ ପାଇଁ ଚିନ୍ତାର କାରଣ ପାଲଟିଛି । କିନ୍ତୁ ଏବେ ଆତଙ୍କବାଦୀଙ୍କୁ ମାତ୍ ଦେବା ପାଇଁ ଭାରତ ପାଇଛି ବ୍ରହ୍ମାସ୍ତ୍ର । ପ୍ରତିରକ୍ଷା ଗବେଷଣା ବିକାଶ ପ୍ରତିଷ୍ଠାନ (ଡିଆରଡିଓ) ରୁସ୍ତମ-୨ର ପରୀକ୍ଷା ରବିବାର ସଫଳ ହୋଇଛି ବୋଲି ସୂଚନା ଦେଇଛନ୍ତି।କର୍ଣ୍ଣାଟକ ଚିତ୍ରଦୁର୍ଗା ଜିଲ୍ଲାର ଚାଲାକେରି ଏରୋନଟିକାଲ୍ ଟେଷ୍ଟ ରେଞ୍ଚ (ଏଟିଆର୍)ରେ ରୁସ୍ତମ-୨ର ପରୀକ୍ଷଣ କରାଯାଇଥିଲା। ଡିଆରଡିଓ ପ୍ରତିରକ୍ଷା କ୍ଷେତ୍ରରେ ଏଭଳି ଡ୍ରୋନ୍ ନିର୍ମାଣ କରି ମେକ୍ ଇନ୍ ଇଣ୍ଡିଆ ଦିଗରେ ଏକ ପାଦ ଆଗକୁ ବଢ଼ାଇଛନ୍ତି। ଡିଆରଡିଓ ଟୁଇଟ କରି ଏହାର ଫଟୋ ଓ ଭିଡିଓ ସେୟାର କରିଛନ୍ତି।
Kanak News is now on WhatsApp
Join and get latest news updates delivered to you via WhatsApp
ଡିଆରଡିଓ ଅଧିକାରୀଙ୍କ କହିବାନୁସାରେ, ପରୀକ୍ଷାରେ ରୁସ୍ତମ-୨ ସମସ୍ତ ନିୟମକୁ ସଠିକ୍ ଭାବେ ତୁଲାଇଛି। ରୁସ୍ତମ-୨କୁ ୭ବର୍ଷ ଧରି କଠିନ ପରିଶ୍ରମ କରିବା ପରେ ନିର୍ମାଣ କରିଛି। ଏହା ପୂର୍ବରୁ ରୁସ୍ତମ-୧ ୨୦୦୯ ନଭେମ୍ବର ୯ରେ ଉଡାଣ ଭରିଥିଲା। ରୁସ୍ତମ-୨କୁ ଆମେରିକୀୟ ଡ୍ରୋନ୍ ପ୍ରେଡାଟର ଦ୍ୱାରା ବିକଶିତ କରାଯାଇଛି। ତେବେ ରୁସ୍ତମ-୨ର ନାମକୁ ଭାରତୀୟ ବୈଜ୍ଞାନିକମାନେ ରୁସ୍ତମ ଦମାନିୟାଙ୍କ ନାମରେ ରଖାଯାଇଛି। ଏହି ଡ୍ରୋନଟି ଶତ୍ରୁ ପକ୍ଷ ଉପରେ ନଜର ରଖିବା ସହ ଟାର୍ଗେଟକୁ ସଠିକ୍ ଭାବେ ଲକ୍ଷ୍ୟଭେଦ କରିପାରିବେ । ସବୁଠାରୁ ଗୁରୁତ୍ୱପୂର୍ଣ୍ଣ କଥା ହେଲା ଏହି ଡ୍ରୋନଟି ୨୪ ଘଣ୍ଟା ଆକ୍ରମଣ କରିବାରେ ମାହିର । ଏହି ଡ୍ରୋନଟି ୨୧ ମିଟର ଲମ୍ବ ଓ ଏହାର ଓଜନ ୧.୮ ଟନ୍ । ଘଣ୍ଟାପ୍ରତି ୨୨୫ କିିମି ବେଗରେ ଏହି ଡ୍ରୋନଟି ଗତି କରିବା ସହ ୩୫୦ କିଲୋ ଓଜନ ବୋହିବାରେ ସକ୍ଷମ ।
ରୁସ୍ତମ-୨ର ବିଶେଷତ୍ୱ କ’ଣ?
୧. ଏହା ଏକ ମାନବରରହିତ ବିମାନ (ଡ୍ରୋନ୍) ଅଟେ।
୨. ଏହା ମଧ୍ୟମ ଉଚ୍ଚତାରେ ୨୪ ଘଣ୍ଟା ପର୍ୟ୍ୟନ୍ତ ଉଡି ପାରିବ।
୪. ଏହା ଆକାଶରେ ଉଡି ଶତ୍ରୁମାନେ ରହୁଥିବା ଅଞ୍ଚଳକୁ ପ୍ରବେଶ କରି ନଜର ରଖି ପାରିବ।
୫. ଶତ୍ରୁମାନଙ୍କ ଉପରେ ଏକ ଖୁବ୍ ସହଜରେ ଆକ୍ରମଣ କରି ପାରିବ। ଉଡାଣ ପାଇଁ ଏଥିରେ ଶକ୍ତିଶାଳୀ ଉପକରଣ ଖଞ୍ଜାଯାଇଛି।
ଉଡାଣ ଭରିବା ପରେ ରୁସ୍ତମ-୨ ସମସ୍ତ ମାନକ (ପାରାମିଟର)କୁ ସଫଳ କରିଛି। ପରୀକ୍ଷଣ ସମୟରେ ପ୍ରତିରକ୍ଷା ସଚିବ, ଡିଆରଡିଓ ଅଧ୍ୟକ୍ଷ ଏସ୍ .କ୍ରିଷ୍ଟୋଫର ଏଇରୋନାୟୁଟିକଲ ସିଷ୍ଟମର ମହାନିର୍ଦ୍ଦେଶକ ସିପି ରାମନାରାୟଣଙ୍କ ସମତେ ଅନେକ ବରିଷ୍ଠ ବୈଜ୍ଞାନିକ ସେଠାରେ ଉପସ୍ଥିତ ଥିଲେ।