ସେଲଫି ପାଇଁ ଜୀବନ ଲାଗୁଛି ବାଜି : ଚର୍ଚ୍ଚାରେ ରୁଷିଆର ଆଂଜେଲା ନିକୋଲା
Kanak News is now on WhatsApp
Join and get latest news updates delivered to you via WhatsApp
ଏବେ ଚାରିଆଡେ ସେଲଫିର ମାନିଆ। ସେଲଫି ସହ ସୋସିଆଲ ମିଡିଆରେ ରାଜ କରିବାର ପ୍ରବଳ ଆଗ୍ରହ ସମସ୍ତଙ୍କର । ଏକ ବିଂଶ ଶତାଦ୍ଦୀରେ ଏହା ଏକ ଟ୍ରେଣ୍ଡ ହୋଇଗଲାଣି। ପ୍ରତ୍ୟେକ ଆଜି ଅନଲାଇନରେ ବ୍ୟସ୍ତ । ଆମେରିକା ରାଷ୍ଟ୍ରପତି ବାରାକ ଓବାମଙ୍କ ଠାରୁ ପପ୍ ଷ୍ଟାର ଟେଲର ସ୍ୱିଫ୍ଟ । ନିଜର ସେଲଫି ଉଠାଇ ଅନଲାଇନରେ ପୋଷ୍ଟ କରିବା ପାଇଁ ଯେମିତି ଚାଲିଛି ପ୍ରତିଯୋଗୀତା ।
ରୁଷିଆନ୍ ମହିଳା ଆଂଜେଲା ନିକୋଲା । ବିପଦପୂର୍ଣ୍ଣ ସେଲଫି ଫଟୋ ଉଠାଇବାରେ ସମସ୍ତଙ୍କ ଠାରୁ ବହୁତ ଆଗରେ । ଏହି ମହିଳା ଜଣକ ବିପଦପୂର୍ଣ୍ଣ ସେଲଫି ଉଠାଇବାରେ ମାହିର । ରୁଷିଆର ଇନଷ୍ଟାଗ୍ରାମ ଷ୍ଟାରର ମାନ୍ୟତା ପାଇଛନ୍ତି ଆଂଜେଲା ନିକୋଲା । ଗତ ସୋମବାର ଏକ ଡେୟାରଡେଭିଲ ସେଲଫି ଭିଡିଓ ୟୁଟୁବରେ ପୋଷ୍ଟ କରିଛନ୍ତି । ଚାଇନାର ଟିଆଂଜିନରେ ୨୦୦୦ଫୁଟର ବିଶ୍ୱର ଉଚ୍ଚତମ କନଷ୍ଟ୍ରକସନ ସାଇଟରେ ଚଢି ଉଠାଇଛନ୍ତି ସେଲଫି । ଯାହାକୁ ଦେଖି ସାରା ଦୁନିଆ ତାଜୁବ୍ ହୋଇଯାଇଛି ।
ସୋସିଆଲରେ ଆଂଜେଲା ନିକୋଲାଙ୍କ ସେଲଫିକୁ ଲାଇକ କରିବା ସଂଖ୍ୟା ୧ ଲକ୍ଷ ୫୬ ହଜାରରେ ପହଂଚିଛି। ହେଲେ ତାଙ୍କୁ ଏଭଳି ଦୁଃସାହସ ଜାର୍ଯ୍ୟ ପାଇଁ ତାରିଫ୍ ବଦଳରେ ବାରଣ କରାଯାଇଛି। କାରଣ ଏହା ସମାଜରେ ଅନ୍ୟମାନଙ୍କୁ ପ୍ରବର୍ତ୍ତେଇବ ଓ ଖରାପ ପ୍ରଭାବ ପକାଇବ ।
ରୁଷିଆରେ ନିଜର ସ୍ମାର୍ଟ ଫୋନରେ ବିପଦପୂର୍ଣ୍ଣ ସେଲଫି ଉଠାଇବା ଏକ ସଉକ ସାଜିଛି । ସେଠାର ସରକାର ବିପଦପୂର୍ଣ୍ଣ ସ୍ଥାନରେ ସେଲଫିର ଭୟାବହତା ବିଷୟରେ ସଚେତନ ପାଇଁ ଏକ ପବ୍ଲିକ କ୍ୟାଂପନ ସେବା ଆରମ୍ଭ କରିଛନ୍ତି ।