ଭାରତକୁ ରୁଷ ଠାରୁ ଚଳିତ ବର୍ଷ ମିଳିପାରେ ୪୮ହେଲିକପ୍ଟର ! ୪ ବର୍ଷ ପୂର୍ବରୁ ହୋଇଥିଲା ଚୁକ୍ତି
ରୁଷ ଚଳିତ ବର୍ଷ ଶେଷ ସୁଦ୍ଧା ଭାରତକୁ ୪୮ଟି ଏମଆଇ-୧୭ ହେଲିକପ୍ଟର ଦେଇପାରେ । ଏଥିପାଇଁ ଭାରତ ଓ ରୁଷ ମଧ୍ୟରେ ଲଗାତାର ଆଲୋଚନା ଜାରି ରହିଛି। ହେଲିକପ୍ଟର କିଣାକୁ ନେଇ ଦୁଇ ଦେଶ ମଧ୍ୟରେ ୨୦୧୨-୧୩ରେ ଚୁକ୍ତି ହୋଇଥିଲା । ଅତ୍ୟାଧୁନିକ ପ୍ରଯୁକ୍ତିବିଦ୍ୟାରେ ନିର୍ମିତ ଏହ ହେଲିକପ୍ଟରର ବ୍ୟବହାର ସୈନ୍ୟ ପରିବହନ ପାଇଁ କରାଯାଇଥାଏ । ରୁଷର ଉଚ୍ଚପଦସ୍ଥ ଅଧିକାରୀ ଏହି ସୂଚନା ଦେଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ନ୍ୟୁଜ୍ ଏଜେନ୍ସି ମୁତାବକ ରୁଷ ଯୁଦ୍ଧାସ୍ତ୍ର ଯୋଗାଣକାରୀ ଏକ ସଂସ୍ଥାର ସିଇଓ ଆକେକଜାଣ୍ଡାର କହିଛନ୍ତି ଭାରତ ନିକଟରେ ବର୍ତ୍ତମାନ ସମୟରେ ଏମଆଇ-୮ ଓ ଏମଆଇ-୧୭ର ୩୦୦ ହେଲିକପ୍ଟର ରହିଛି । ଭାରତରେ ଏହି ହେଲିକପ୍ଟରକୁ ପେଟ୍ରୋଲିଂ, ସନ୍ଧାନ-ଉଦ୍ଧାରକାର୍ଯ୍ୟ ଓ ସୈନ୍ୟ ପରିବହନ କାର୍ଯ୍ୟରେ ନିୟୋଜିତ କରାଯାଇଥାଏ । ଭାରତ ନିଜ ଆବଶ୍ୟକତାକୁ ବେଶ ଭଲ ଭାବେ ଜାଣେ ।
ଆଲେକଜାଣ୍ଡାରଙ୍କ କହିବା ଅନୁସାରେ ରୁଷ ସହ ୪୮ ଏମଆଇ-୧୭ଭି-୫ ହେଲିକପ୍ଟର ପାଇଁ କଥାବାର୍ତ୍ତା ଚାଲିଛି । ଆଶା କରାଯାଉଛି ଚଳିତ ବର୍ଷ ଶେଷ ହେବା ପୂର୍ବରୁ ଏହି ଚୁକ୍ତି ହୋଇଯିବ । ସୂଚନାଯୋଗ୍ୟ ବିଗତ ବର୍ଷ ରୁଷ ଓ ଭାରତର ଏକ ପୁରୁଣା ଚୁକ୍ତି ଅନୁସାରେ ୩ ଏମଆଇ-୧୭ଭି-୫ ହେଲିକପ୍ଟର ଯୋଗାଇଥିଲା । ଏମଆଇ-୧୭ଭି-୫କୁ ଦୁନିଆର ସବୁଠାରୁ ଭଲ ହେଲିକପ୍ଟର ମଧ୍ୟର ଗଣାଯାଏ । ୨୦୦୮ରେ ମଧ୍ୟ ରୁଷ ଭାରତକୁ ୮୦ଏମଆଇ-୧୭୫-ଚ ହେଲିକପ୍ଟର ଯୋଗାଇବା ପାଇଁ ଚୁକ୍ତି କରିଥିଲା, ଯାହା ୨୦୧୧-୧୩ରେ ପୂରଣ ହୋଇଥିଲା ।