ଜେଲରେ ବି ଶଶିକଳାଙ୍କ ନିୟମ ଉଲ୍ଲଘଂନ ! ଦୀର୍ଘ ସମୟ ଧରି ଦଳୀୟ ନେତାଙ୍କ ସହ କରୁଛନ୍ତି ଆଲୋଚନା
କନକ ବ୍ୟୁରୋ : ଜେଲ ମଧ୍ୟରେ ବି ନିୟମ ଉଲ୍ଲଘଂନ । ଆଉ ଏହି ନିୟମ ଉଲ୍ଲଘଂନ କରିଛନ୍ତି ଜଣେ ଲୋକ ପ୍ରତିନିଧି ଅର୍ଥାତ୍ ଏଆଇଏଡିଏମକେର ନେତା ବିକେ ଶଶିକଳା । ତେବେ ଶଶିକଳା ବେଙ୍ଗାଲୁର ଜେଲରେ ନିୟମ ଭାଙ୍ଗିଥିବାର ଖବର ଏବେ ସାମ୍ନାକୁ ଆସିଛି । ଆପଣ ଜାଣିଲେ ଚକିତ ହେବେ ଶଶିକଳାଙ୍କୁ ଗତ ୩୧ ଦିନ ମଧ୍ୟରେ ପାଖାପାଖି ୨୮ ଜଣ ଭେଟି ସାରିଲେଣି । ଯାହାକି ଜେଲର ନିୟମ ବାହାରେ ।
Kanak News is now on WhatsApp
Join and get latest news updates delivered to you via WhatsApp
ଯଦି କର୍ଣ୍ଣାଟକ ଜେଲର ଆଇନ କାନୁନକୁ ନଜର ପକାଯାଏ ତେବେ ଜଣେ କଏଦୀକୁ ୧୫ ଦିନ ମଧ୍ୟରେ କେବଳ ଜଣେ ହିଁ ଭେଟି ପାରିବେ । କିନ୍ତୁ ଶଶିକଳାଙ୍କ ନିକଟରେ ଦେଖାଦେଇଛି ଏହାର ବ୍ୟତିକ୍ରମ । ତାଜା ସୂଚନା ମୁତାବକ, ୧୬ ଫେବୃୟାରୀରୁ ୧୮ ମାର୍ଚ୍ଚ ମଧ୍ୟରେ ଶଶିକଳାଙ୍କୁ ଭେଟିବାକୁ ଆସିଛନ୍ତି ପାଖାପାଖି ୨୮ ଜଣ ବ୍ୟକ୍ତି । ଖାଲି ସେତିକି ନୁହେଁ ଏମାନେ ତାଙ୍କ ସହ ଦୀର୍ଘ ସମୟ ଧରି କଥାବାର୍ତ୍ତା ହେଉଥିବାର ମଧ୍ୟ ଶୁଣିବାକୁ ମିଳିଛି । ତେବେ ଶଶିକଳାଙ୍କ ଏଭଳି କାର୍ଯ୍ୟ ଆଇନ ଉଲ୍ଲଘଂନ ଅଟେ ।
ତେବେ ଏସଂପର୍କରେ ଜେଲ କତ୍ତୃପକ୍ଷଙ୍କୁ ଯେତେବେଳେ ପ୍ରଶ୍ନ କରାଗଲା ସେତେବେଳେ ସେମାନଙ୍କ ନିକଟରୁ ସେଭଳି କୌଣସି ଉତ୍ତର ମିଳି ନଥିଲା । ମାତ୍ର ନିକଟରେ ଜେଲର ଡିଜି ଶଶିକଳାଙ୍କୁ ଜେଲ ମଧ୍ୟରେ ସେଭଳି କିଛି ସୁବିଧା ଦିଆଯାଇନାହିଁ ବୋଲି ଗଣମାଧ୍ୟମରେ ସୂଚନା ଦେଇଥିଲେ । ଏବେ ପ୍ରଶ୍ନ ଉଠୁଛି ଶଶିକଳାଙ୍କ ଏଭଳି କାର୍ଯ୍ୟ ପାଇଁ ଦାୟୀ କିଏ ?