ସେନା ଠାରୁ ଆଗରେ ଆରଏସଏସ! ଯୁଦ୍ଧ ପାଇଁ ପ୍ରସ୍ତୁତ ହେବାକୁ ସେନାକୁ ୬ ମାସ ଲାଗିବ, କିନ୍ତୁ ଆରଏସଏସ ମାତ୍ର ୨ ଦିନରେ ହେବ ତୟାର , ଜାଣନ୍ତୁ କିଏ କହିଲା ଏପରି କଥା
ସୀମାରେ ଏବେ ପାକିସ୍ତାନ ବାରମ୍ବାର ଅସ୍ତ୍ରବିରତି ଉଲ୍ଲଂଘନ କରି ଯୁଦ୍ଧ ପରିସ୍ଥିତି ସୃଷ୍ଟି କରୁଛି । କେତେବେଳେ ଆତଙ୍କବାଦୀଙ୍କୁ ସୀମା ପାର କରି ଭାରତରେ ଅଶାନ୍ତି ସୃଷ୍ଟି କରୁଛି ତ ପୁଣି କେତେବେଳେ ଅସ୍ତ୍ରବିରତି ଉଲ୍ଲଘଂନ କରି ଭାରତକୁ ଯୁଦ୍ଧ ପାଇଁ ଉସକାଉଛି ପାକିସ୍ତାନ । ଏଭଳି ସ୍ଥଳେ କେତେ ପ୍ରସ୍ତୁତ ଆମ ସେନା । ଏନେଇ ସାଧାରଣ ଲୋକଙ୍କ ମନରେ ପ୍ରଶ୍ନ ଉଙ୍କି ମାରେ । କିନ୍ତୁ ଏହାର ଜବାବ ରଖିଛନ୍ତି ଆରଏସଏସ ପ୍ରମୁଖ ମୋହନ ଭାଗବତ । ମୋହନଙ୍କ କହିବା ଅନୁଯାୟୀ, ଦେଶ ପାଇଁ ଲଢିବାକୁ ଆବଶ୍ୟକ ପଡିଲେ ସେନା ଠାରୁ ବି ଅଧିକ ଶୀଘ୍ର ଆମେ ପ୍ରସ୍ତୁତ ହୋଇଯିବୁ । ମୋହନଙ୍କ ଏଭଳି ବୟାନକୁ ନେଇ ଏବେ ଚର୍ଚ୍ଚା ଜୋର ଧରିଛି ।
Kanak News is now on WhatsApp
Join and get latest news updates delivered to you via WhatsApp
ମୁଜାଫରପୁରରେ ଏକ ସଭାରେ ସ୍ୱୟଂସେବକକୁ ସଂଘର ଅନୁଶାସନ ସମ୍ପର୍କରେ କହିବାକୁ ଯାଇ ଭାଗବତ କହିଛନ୍ତି ଯେ, ଲଢେଇ ପାଇଁ ସେନାକୁ ପ୍ରସ୍ତୁତ ହେବାକୁ ୬-୭ ମାସ ଲାଗିବ । କିନ୍ତୁ ରାଷ୍ଟ୍ରୀୟ ସ୍ୱୟଂସେବକ ସଂଘ ମାତ୍ର ୨ରୁ ୩ ଦିନ ମଧ୍ୟରେ ପ୍ରସ୍ତୁତ ହୋଇଯିବ ।ସେ କହିଛନ୍ତି ଯେ ଆମ ସଂଗଠନ ସାମରିକ କିମ୍ବା ଅର୍ଦ୍ଧ ସାମରିକ ବଳ ନୁହେଁ । କିନ୍ତୁ କଡା ଅନୁଶାସନ ହିଁ ଆମର ପରିଚୟ ବୋଲି କହିଛନ୍ତି ଆରଏସଏସ ମୁଖ୍ୟ ମୋହନ ଭାଗବତ ।
ଭାଗବତ କହିଛନ୍ତି, ଦେଶକୁ ଯଦି ଆରଏସଏସ କର୍ମୀଙ୍କ ଆବଶ୍ୟକତା ପଡେ ଏବଂ ଭାରତର ସମ୍ବିଧାନ ଓ କାନୁନ ଯଦି ଅନୁମତି ଦିଏ ତେବେ ଖୁବ କମ ସମୟ ମଧ୍ୟରେ ଆମେ ପ୍ରସ୍ତୁତ ହୋଇଯିବୁ । କାରଣ ସଂଘର ଅନୁଶାସନ ହିଁ ଆମକୁ ଏକ ପରିବାର ଭଳି ବାନ୍ଧି ରଖିଛି । ତେବେ ଭାଗବତଙ୍କ ଏଭଳି ବୟାନ ଏବେ ବିବାଦ ସୃଷ୍ଟି କରିଛି ।