ଏଟିଏମରେ ମିଳିବନି ୨୦୦ ଟଙ୍କିଆ ନୋଟ୍ !
ଆଉ କିଛି ଦିନ ପରେ ବଜାରକୁ ଆସିବ ୨୦୦ଟଙ୍କିଆ ନୋଟ୍ । ତେବେ ନୂଆକରି ବଜାରକୁ ଆସିବାକୁ ଥିବା ଏହି ୨୦୦ ଟଙ୍କିଆ ନୋଟ୍ ଏଟିଏମ୍ ମାଧ୍ୟମରେ ମିଳି ନପାରେ । ୧୦ ଟଙ୍କିଆ, ୨୦ ଟଙ୍କିଆ ଏବଂ ୫୦ ଟଙ୍କିଆ ନୋଟ୍ ଭଳି ଏହା କେବଳ ବ୍ୟାଙ୍କ୍ ଗୁଡ଼ିକରେ ଉପଲବ୍ଧ ହୋଇପାରେ ବୋଲି ରିପୋର୍ଟ ପ୍ରକାଶ ପାଇଛି ।
Kanak News is now on WhatsApp
Join and get latest news updates delivered to you via WhatsApp
ଉଲ୍ଲେଖଯୋଗ୍ୟ ଯେ, ସରକାର ଗତବର୍ଷ ୫୦୦ ଏବଂ ୧୦୦୦ ଟଙ୍କିଆ ନୋଟକୁ ଅଚଳ କରିବା ପରେ ଏହା ସ୍ଥାନରେ ନୂଆ ୫୦୦ ଏବଂ ୨୦୦୦ ଟଙ୍କିଆ ନୋଟ୍ ଆଣିଛନ୍ତି । ଏବେ ପୁଣି ନୂଆ ୨୦୦ ଟଙ୍କିଆ ଆଣିବାକୁ ଯୋଜନା ରଖିଛନ୍ତି । ଯାହାକୁ ଆରବିଆଇ ଦେଇସାରିଛି ସବୁଜ ସଂକେତ । ଅର୍ଥ ମନ୍ତ୍ରାଳୟର ପରାମର୍ଶ ପରେ ରିଜର୍ଭ ବ୍ୟାଙ୍କ ପକ୍ଷରୁ ନୂଆ ନୋଟ୍ ଛପା ଆରମ୍ଭ ହୋଇସାରିଛି । ଅନ୍ୟପଟେ ଏହି ନୋଟର ଛବି ସୋସିଆଲ୍ ମିଡିଆରେ ଭାଇରାଲ୍ ହେବାରେ ଲାଗିଛି ଯାହା ଅସଲି କି ନକଲି ସ୍ପଷ୍ଟ ହୋଇନାହିିଁ ।