ଚଳନ୍ତା ଟ୍ରେନରେ ଚଢୁଥିଲା ଏହି ବ୍ୟକ୍ତି ! ଘଟିଲା କିଛି ଏଭଳି ଘଟଣା, ଯବାନଙ୍କ ସାହସିକତା ପାଇଁ ମୃତ୍ୟୁମୁଖରୁ ଫେରିଲା ଜୀବନ ।
ମୁମ୍ବାଇରେ ଜଣେ ବ୍ୟକ୍ତି ଏକ ଚଳନ୍ତା ଟ୍ରେନରେ ଚଢିବାକୁ ପ୍ରୟାସ କରୁଥିବା ବେଳେ ଘଟିଥିଲା କିଛି ଏଭଳି ଘଟଣା । ଅଳ୍ପକେ ବର୍ତ୍ତି ଯାଇଥିଲା ଏହି ବ୍ୟକ୍ତିଙ୍କର ଜୀବନ । ଆରପିଏଫର ଜଣେ ଯବାନ ନିଜ ସାହସିକତାର ପ୍ରମାଣ ଦେବା ସହ ଏହି ବ୍ୟକ୍ତିଙ୍କୁ ଏକ ନିଶ୍ଚିତ ମୃତ୍ୟୁ ମୁଖରୁ ଫେରାଇ ଆଣିଛନ୍ତି । ଏହି ଘଟଣାର ପୁରା ଭିଡିଓ ଷ୍ଟେସନରେ ଲାଗିଥିବା ସିସିଟିଭିରେ କଏଦ ହୋଇଥିଲା ଏବଂ ଏବେ ଏହା ଭାଇରାଲ ହେବାରେ ଲାଗିଛି । ତେବେ ଏହି ଘଟଣା ଜୁଲାଇ ୧୪ ତାରିଖରେ ହୋଇଥିବା କୁହାଯାଉଛି । ପନବେଲ ରେଲୱେ ଷ୍ଟେସନରେ ରବି ବାଲୁ ନାମକ ଜଣେ ବ୍ୟକ୍ତି ଏକ ଚଳନ୍ତା ଟ୍ରେନରେ ଚଢିବାକୁ ପ୍ରୟାସ କରିଥିଲେ । କିନ୍ତୁ ଟ୍ରେନଟି ଦ୍ରୁତ ଗତିରେ ପହଞ୍ଚିଯାଇଥିଲା ଆଉ ଠିକ୍ ଏହି କାରଣରୁ ବ୍ୟକ୍ତିଜଣଙ୍କ ପ୍ଲାଟଫର୍ମରେ ଘୋଷାଡି ହୋଇଯାଇଥିଲେ ।
Kanak News is now on WhatsApp
Join and get latest news updates delivered to you via WhatsApp
ଏହା ପୂର୍ବରୁ କି ସେ ରେଲୱେ ଟ୍ରାକରେ ପଡିଯାଇଥାନ୍ତେ, ସେଠାରେ ଉପସ୍ଥିତ ଥିବା ଆରପିଏଫ ଯବାନ ବିନୋଦ ସିନ୍ଦେ ସାହାଯ୍ୟ ପାଇଁ ଆଗେଇ ଆସିଥିଲେ । ନିଜର ଜୀବନକୁ ବାଜି ଲଗାଇ ସେମାନେ ଏହି ବ୍ୟକ୍ତିଙ୍କର ଜୀବନ ବଞ୍ଚାଇଥିଲେ । ଏବଂ ଏଥିରେ ଯବାନ ଜଣଙ୍କ ମଧ୍ୟ ସାମାନ୍ୟ ଆହାତ ହୋଇଛନ୍ତି । ଏହି ପୁରା ଘଟଣା ଷ୍ଟେସନରେ ଲାଗିଥିବା ସିସିଟିଭିରେ କଏଦ ହୋଇଥିଲା । ଏବେ ଅନେକ ଜାଗାରୁ ବିନୋଦଙ୍କ ପାଖକୁ ଛୁଟୁଛି ଅଭିନନ୍ଦନର ସୁଅ ଏବଂ ତାଙ୍କର ଏହି ସାହସିକତା ପାଇଁ ତାଙ୍କୁ ମିଳୁଛି ଅନେକ ପ୍ରଶଂସା ।