ରାଉରକେଲା ବ୍ୟାଙ୍କ କଲୋନୀ ହତ୍ୟାକାଣ୍ଡ : ସ୍ତ୍ରୀକୁ ମାରିବାକୁ ସ୍ୱାମୀ ଦେଇଥିଲା ସୁପାରୀ
କନକ ବ୍ୟୁରୋ : ଜଣେ ଥିଲେ ଭାଉଜ । ଆଉ ଜଣେ ଥିଲା ପ୍ରେମିକା । ଏ ଦୁହିଁଙ୍କ ସହ ପାପ ଦୁନିଆରେ ମସଗୁଲ୍ ତିଲା ଏ ସ୍ୱାମୀ ରୂପୀ ସଇତାନ୍ । ଆଉ ଅବୈଧ ପ୍ରେମର ନିଶାରେ ମାତାଲ୍ ହୋଇ ଦିନେ ସ୍ୱାମୀ କଲା ସ୍ତ୍ରୀ ହତ୍ୟାର ଷଡଯନ୍ତ୍ର । ଡାକି ଆଣିଲା ଝାଡଖଣ୍ଡର ସୁପାରୀ କିଲରଙ୍କୁ । ଯେଉଁମାନେ ଟଙ୍କାର ଶୋଷ ମେଂଟାଇବାକୁ ମଣିଷ ରକ୍ତ ବି ପିଇ ପାରନ୍ତି । ଯେଉଁମାନେ ମାତ୍ର କିଛି ଟଙ୍କା ବିନିମୟରେ ଖୁନ୍ କରି ଦେଇ ପାରନ୍ତି ।
Kanak News is now on WhatsApp
Join and get latest news updates delivered to you via WhatsApp
ଏହି ତିନି ସୁପାରୀ କିଲରଙ୍କୁ ୨ଲକ୍ଷ ଟଙ୍କା ଦେଇ ଡାକି ଆଣିଥିଲେ ରାଉରକେଲା ଷ୍ଟେଟବ୍ୟାଙ୍କର ଡେପୁଟି ମ୍ୟାନେଜର କମଳ ଓରାମ୍ । ଆଉ ୭ ତାରିଖ ସଂଧ୍ୟାରେ ଘରେ କେହି ନଥିବା ବେଳେ ସୁପାରୀ କିଲର ନୃସଂଶ ଭାବେ ହତ୍ୟା କରିଥିଲେ କମଳଙ୍କ ସ୍ତ୍ରୀ ଜାନକୀଙ୍କୁ ।
ଏ ସେହି ସଇତାନ ସ୍ୱାମୀର ଫଟୋ । ଯିଏ ବିବାହ କରିଥିଲା । ଦୁଇ ଦୁଇଟା ପିଲାଙ୍କ ବାପା ବି ବନିଥିଲା । ହେଲେ ନିଜ ଭାଉଜ ସୋଲିଆଙ୍କ ପ୍ରେମରେ ମାତାଲ୍ ଥିଲା । କେବଳ ଭାଉଜ ନୁହେଁ ଅନ୍ୟ ଜଣେ ମହିଳା ରୀତା କେରକେଟାଙ୍କୁ ବି ପକାଇଥିଲା ନିଜ ଅବୈଧ ପ୍ରେମର ଜାଲରେ । ଏ ଦୁହିଁଙ୍କ ପ୍ରରୋଚନାରେ ସ୍ୱାମୀ କମଳ ଖୋଜୁଥିଲା ହତ୍ୟାର ବାଟ । ପ୍ରଥମେ ଗୁଣି ଗାରେଡି କରି ମାରିବାକୁ ଚାହିଁଥିଲା । ଆଉ ଫେଲ ମାରିଲା ପରେ ସୁପାରୀ କିଲରଙ୍କୁ ବହିନା ଦେଇଥିଲା ।
ପୁଲିସ୍ ଷଡଯନ୍ତ୍ରକାରୀ ସ୍ୱାମୀ କମଳ ,ଭାଉଜ ସୋଲିଆ ,ପ୍ରେମିକା ରୀତା ଓ ତିନି ଜଣ ସୁପାରୀ କିଲରଙ୍କୁ ଗିରଫ କରିଛି । ଏହାସହ ହତ୍ୟାରେ ବ୍ୟବହୃତ କାରକୁ ମଧ୍ୟ ଜବତ କରିଛି ।
ଦେଖନ୍ତୁ ଏହି ଭିଡିଓ –