ହିଟମ୍ୟାନଙ୍କ ସୁପରହିଟ୍ ସୋ’! ଦକ୍ଷିଣ ଆଫ୍ରିକା ବିପକ୍ଷରେ ଦମଦାର ଶତକ ହାସଲ କଲେ ରୋହିତ, ବିଜୟ ଦ୍ୱାର ଦେଶରେ ଟିମ୍ ଇଣ୍ଡିଆ ।
କନକ ବ୍ୟୁରୋ : ହିଟମ୍ୟାନଙ୍କ ସୁପରହିଟ୍ ଶତକ । ଇଂଲଣ୍ଡରେ ଚମକିଲେ ରୋହିତ । ଦକ୍ଷିଣ ଆଫ୍ରିକା ବିପକ୍ଷ ବିଶ୍ୱକପର ପ୍ରଥମ ମ୍ୟାଚରେ ଦମଦାର ଶତକ ହାସଲ କରିଛନ୍ତି ହିଟମ୍ୟାନ୍ ରୋହିତ ଶର୍ମା । ୧୦ ଚୌକା ଓ ୨ ଛକା ବଳରେ ଏହି ଶତକ ହାସଲ କରିଛନ୍ତି ରୋହିତ । ଏହାସହ ଚଳିତ ବିଶ୍ୱକପରେ ଭାରତ ପକ୍ଷରୁ ପ୍ରଥମ ଶତକ ନିଜ ନାଁରେ କରିଛନ୍ତି ରୋହିତ । ଏହାସହ ଦିନିକିଆରେ ୨୩ ତମ ଶତକ କ୍ଲବରେ ସାମିଲ ହୋଇଛନ୍ତି ରୋହିତ ।
Kanak News is now on WhatsApp
Join and get latest news updates delivered to you via WhatsApp
୨୨୮ ରନର ପିଛା କରୁଥିବା ଟିମ୍ ଇଣ୍ଡିଆ ପ୍ରାରମ୍ଭିକ ବ୍ୟାଟିଂ ବିପର୍ଯ୍ୟୟର ସମ୍ମୁଖୀନ ହେବା ପରେ ଦଳ ପାଇଁ ସଙ୍କଟମୋଚକ ସାଜିଥିଲେ ରୋହିତ । ଦକ୍ଷିଣ ଆଫ୍ରିକା ବୋଲରଙ୍କୁ ଧୈର୍ଯ୍ୟର ସହ ସାମ୍ନା କରି ଭାରତକୁ ଦୃଢ ସ୍ଥିତିରେ ପହଞ୍ଚାଛନ୍ତି ରୋହିତ ।
ଏହାପୂର୍ବରୁ ଭାରତୀୟ ବୋଲରଙ୍କ ଶାଣିତ ବୋଲିଂ ଆଗରେ ସମ୍ପୂର୍ଣ୍ଣ ମୁଣ୍ଡ ନୁଆଁଇଥିଲା ଦକ୍ଷିଣ ଆଫ୍ରିକା । ଚହଲଙ୍କ ଚମକରେ ଚକମା ଖାଇଥିଲା ଦକ୍ଷିଣ ଆଫ୍ରିକା । ମୋଟ ୪ ୱିକେଟ ସହ ଦକ୍ଷିଣ ଆଫ୍ରିକାର ବ୍ୟାଟିଂ ମେରୁଦଣ୍ଡକୁ ଭାଙ୍ଗିଥିଲେ ଚହଲ । ତେବେ ଶେଷ ଆଡକୁ ରବଡା ଓ ମୋରିସଙ୍କ ଲଢୁଆ ଇନିଂସ ଯୋଗୁଁ ଦକ୍ଷିଣ ଆଫ୍ରିକା ସମ୍ମାନଜନକ ୨୨୭ ରନ କରିବାକୁ ସକ୍ଷମ ହୋଇଥିଲା ।