ଆପଣଙ୍କ ପିଲା କେଉଁ ବହି ପଢିବେ ତାହା କହିବ ରୋବର୍ଟ ! ବୈଜ୍ଞାନିକଙ୍କ ନୂଆ ଆବିଷ୍କାର, ‘ରୋବର୍ଟ ମିନି’ ପାଠ ପଢାଇବା ସହ କରିବ ଅନେକ କାମ ।
ଏବେ ବିଜ୍ଞାନ ଯୁଗରେ ପ୍ରତିଟି କାମକୁ ରୋବର୍ଟ କରୁଛି । ଘର କାମ ଠାରୁ ଆରମ୍ଭ କରି କାର ତିଆରି କରିବା ପର୍ଯ୍ୟନ୍ତ ସବୁ କାମ ରୋବର୍ଟ ଦ୍ୱାରା ହୋଇପାରୁଛି । ତେବେ ଏଥିସବୁ ମଧ୍ୟରେ ବୈଜ୍ଞାନିକମାନେ ମିନି ନାମକ ଏକ ରୋବର୍ଟ ତିଆରି କରିଛନ୍ତି । ଏହି ରୋବର୍ଟ ଏବେ ପିଲାମାନଙ୍କୁ ପାଠ ପଢାଇବା ପାଇଁ ପ୍ରେରିତ କରିବା ସହ ଛାତ୍ରଛାତ୍ରୀ ମାନଙ୍କୁ ପାଠପଢାରେ ସାହାଯ୍ୟ କରିବ ।
Kanak News is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, କେଉଁ ବହି ପଢିବା ଉଚିତ ଏବଂ କେଉଁ ବହି ପଢିବା ଅନୁଚିତ ତାହା ଏହି ରୋବର୍ଟ ପିଲାମାନଙ୍କୁ ସୂଚାଇଦେବ । ଏଥିସହିତ ପିଲାମାନଙ୍କୁ ପାଠ ପଢାଇଲା ବେଳେ ଛାତ୍ର ଛାତ୍ରୀମାନଙ୍କ ସହ ଅବିକଳ ମନୁଷ୍ୟ ଭଳି ବ୍ୟବହାର କରିବ । ଯାହାଫଳରେ ପିଲାମାନେ ଭଲ ଭାବେ ପାଠପଢିବା ସହ ମଜାମସ୍ତି ମଧ୍ୟ କରିପାରିବେ ।
ବିଶେଷଜ୍ଞଙ୍କ କହିବା ଅନୁସାରେ, ମିନି ବ୍ୟବହାର ମଣିଷ ଭଳି ହୋଇଥିବାରୁ ଖୁବ ଶିଘ୍ର ପିଲାମାନେ ରୋବର୍ଟ ସହ ମିଶିଯାଇପାରିବେ । ଏବଂ ମିନି ଖୁବ ଶିଘ୍ର ଘରର ଏକ ସଦସ୍ୟ ହୋଇପାରିବ । ପ୍ରଥମେ ବୈଜ୍ଞାନିକମାନେ ରୋବର୍ଟକୁ ନେଇ ଏକ ପରିକ୍ଷଣ କରିଥିଲେ । ଏହି ପରିକ୍ଷଣରେ ଏକ ପ୍ରୋଗ୍ରାମ କରାଯାଇଥିଲା । ଏହି ପ୍ରୋଗ୍ରାମରେ ପିଲାମାନେ ରୋବର୍ଟ ସାମ୍ନାରେ ବଡପାଟିରେ ବହି ପଢି ଶୁଣାଇଥିଲେ । ପିଲାମାନେ ବହି ପଢିବାରେ କିଭଳି ଉନ୍ନତି କରିଛନ୍ତି ତା ଦେଖିବା ସହ କାହାଣି ଶୁଣି ମଣିଷ ଭଳି ପ୍ରତିକ୍ରିୟା ମଧ୍ୟ କରିଥିଲା । କାହାଣୀରେ ଯେତେବେଳେ କୌଣସି ଡରାଇଲା ଭଳି ଘଟଣା ଆସୁଥିଲା ସେତେବେଳେ ମିନି ତା ଉପରେ ପ୍ରତିକ୍ରିୟା କରି କହୁଥିଲା ‘ଓ ମୁଁ ତ ସତରେ ଡରିଗଲି’ ଠିକ ସେହିଭଳି ତା’ର ପ୍ରତିକ୍ରିଆ ଥିଲା ଯେପରି ଜଣେ ମଣିଷ ଭୁତ କାହାଣୀ ଶୁଣିଲା ବେଳେ ପ୍ରତିକ୍ରିଆ କରିଥାଏ । ବିଶେଷଜ୍ଞମାନେ ଏହା ମଧ୍ୟ କହିଛନ୍ତି, ଅଧିକାଂଶ ପିଲା ଏହି ରୋବର୍ଟକୁ ପସନ୍ଦ କରିବା ସହ ରୋବର୍ଟ ଦ୍ୱାରା ପାଠ ପଢିବା ପାଇଁ ଇଚ୍ଛା ପ୍ରକାଶ କରିଛନ୍ତି ।