ମନି ଲଣ୍ଡରିଂ ମାମଲାରେ ପୁଣି ଇଡିରେ ହାଜର ହେଲେ ରବର୍ଟ ଭଦ୍ରା । ଲଗାତର ଦ୍ୱିତୀୟ ଦିନରେ ତଥ୍ୟ ଓ ଆବଶ୍ୟକୀୟ ଦସ୍ତାବିଜ୍ ସହ ଜେରା କରିବେ ଅଧିକାରୀ
ମନି ଲଣ୍ଡରିଂ ମାମଲାରେ ପୁଣି ଇଡିରେ ହାଜର ହେଲେ ରବର୍ଟ ଭଦ୍ରା
କନକ ବ୍ୟୁରୋ : ପୁଣି ଇଡିରେ ହାଜର ହେଲେ ଗାନ୍ଧି ପରିବାରର ଜ୍ୱାଇଁ ରବର୍ଟ ଭଦ୍ରା । ଲଗାତାର ଦ୍ୱିତୀୟ ଦିନ ପାଇଁ ପ୍ରବର୍ତନ ନିର୍ଦ୍ଦେଶାଳୟରେ ହାଜର ହୋଇଛନ୍ତି ରବର୍ଟ । ଆବଶ୍ୟକୀୟ କାଗଜ ପତ୍ର ଓ ତଥ୍ୟ ସହ ରବର୍ଟ ଭଦ୍ରାଙ୍କୁ ଜେରା କରିବେ ଇଡି ଅଧିକାରୀ । ବେଆଇନ ଅର୍ଥ କାରବାର ନେଇ ପଚରାଉଚରା ପୂର୍ବରୁ ଇଡି ଅଫିସରେ ପହଂଚିସାରିଥିଲେ ଭଦ୍ରାଙ୍କ ଓକିଲ । ଗତକାଲି କାଲି ପ୍ରାୟ ୬ ଘଂଟା ଧରି ରବର୍ଟ ଭଦ୍ରାଙ୍କୁ ଜେରା କରିଥିଲା ଇଡି ।
Kanak News is now on WhatsApp
Join and get latest news updates delivered to you via WhatsApp
ଇଡି ସୁତ୍ରରୁ ମିଳିଥିବା ସୂଚନା ଅନୁସାରେ, ପ୍ରପର୍ଟି ନେଇ ରବର୍ଟ ଭଦ୍ରା ସଞ୍ଜୟ ଭଣ୍ଡାରୀଙ୍କ ସମ୍ପର୍କୀୟ ସୁମିତ ଚଢାଙ୍କୁ ଇ-ମେଲ କରିଥିଲେ । ସୁମିତ ଚଢା ବି ସଞ୍ଜୟ ଓ ରବର୍ଟଙ୍କୁ ଇ-ମେଲ କରିଥିଲେ । ଏହାକୁ ନେଇ ଇଡି, ରବର୍ଟଙ୍କୁ ଆଜି ଜେରା କରିପାରେ । ଜେରା ବେଳେ ଇ-ମେଲର କପି ଦେଖାଇପାରେ ପ୍ରବର୍ତନ ନିର୍ଦ୍ଦେଶାଳୟ । ଇଡି ଦାବି କରିଛି, ଏଜେନ୍ସି ରବର୍ଟ ଭଦ୍ରାଙ୍କ ସବୁ ଇ-ମେଲକୁ ଟ୍ରାକ କରିଛି । ବେଆଇନ ଅର୍ଥ କାରବାର ମାମଲାରେ ଦିଲ୍ଲୀ କୋର୍ଟ ରବର୍ଟଙ୍କ ଗିରଫଦାରୀ ଉପରେ ୧୬ ଫେବୃଆରୀ ଯାଏଁ ପ୍ରତିବନ୍ଧକ ଲଗାଇଛନ୍ତି । କିନ୍ତୁ ଇଡି ଆଗରେ ହାଜର ହେବାକୁ ନିର୍ଦ୍ଦେଶ ଦେଇଛନ୍ତି । ଇଡିର ୩ ଜଣ ବରିଷ୍ଠ ଅଧିକାରୀ ଏହି ଜେରାରେ ସାମିଲ ହୋଇଛନ୍ତି ।