ମେହସାଣାର ୧୨ଟି ଗାଁର ପଟିଦାର ସମାଜ ସାମୁହିକ ବିବାହ ଆୟୋଜନ କରିଥିଲେ । ଏହି ବିବାହ ସମାରୋହରେ ସମାଜ ଦ୍ୱାରା ସଡକ ସୁରକ୍ଷାର ବାର୍ତ୍ତା ଦେଇ ଏକ ନୂଆ ପ୍ରୟାସ କରାଯାଇଛି । ଯେଉଁଥିରେ ୧୨ଟି ଗାଁର ନବଦମ୍ପତିଙ୍କୁ କନ୍ୟାଦାନରେ ହେଲମେଟ୍ ବଣ୍ଟାଯାଇଛି ଓ ଘର ବାହାରେ ଦୁଇ ଚକିଆ ବାହନ ନେଇକି ଯିବା ସମୟରେ ହେଲମେଟ୍ ପିନ୍ଧିବାକୁ ଶପଥ ବି କରାଇଲେ । ମେହସାଣାର ମୋଢ଼େରା ରୋଡରେ ସ୍ଥିତ ଅବସର ପାର୍ଟି ପ୍ଲଟରେ ପଟିଦାର ସମାଜ ୨୫ଟି ଯୋଡିଙ୍କ ପାଇଁ ସାମୁହିକ ବିବାହର ଆୟୋଜନ କରିଥିଲା ।
Kanak News is now on WhatsApp
Join and get latest news updates delivered to you via WhatsApp
ଏହି ସାମୁହିକ ବିବାହ ସମାରୋହର ବିଶେଷ କଥା ଏହା ଯେ, ପ୍ରତିବର୍ଷ ଏହି ସମାଜର ଲୋକ ଏକତ୍ରିତ ହୁଅନ୍ତି ଏବଂ ଦାନଦାତାଙ୍କ ସହାୟତାରେ ସାମୁହିକ ବିବାହର ପୁରା ଖର୍ଚ୍ଚ ଉଠାଯାଏ । ଏହି ବିବାହ ସମାରୋହରେ ନବଦମ୍ପତିଙ୍କ ଜୀବନରେ କାମକୁ ଆସୁଥିବା ସମସ୍ତ ଜରୁରୀ ଜିନିଷ ଦିଆଯାଏ, ଯଦ୍ୱାରା ତାଙ୍କୁ ନିଜ ଘର ବସାଇବାରେ ସାହାଯ୍ୟ ମିଳିପାରିବ ଓ ନବଦମ୍ପତିଙ୍କ ବୈବାହିକ ଜୀବନରେ ଖୁସି ନଜର ଆସିବ । ଏଥର ଏକ ବିଶେଷ ପ୍ରକାରର ଆୟୋଜନ ହୋଇଥିଲା । ସମାଜର ଯେଉଁ ଲୋକଙ୍କ ସଡକ ଦୁର୍ଘଟଣାରେ ମୃତ୍ୟୁ ହୋଇଥିଲା, ତାଙ୍କୁ ଶ୍ରଦ୍ଧାଂଜଳି ଓ ସଡକ ସୁରକ୍ଷା ବାର୍ତ୍ତା ଦେବାର ଉଦ୍ଦେଶ୍ୟରେ ସମସ୍ତ ନବଦମ୍ପତିଙ୍କୁ କନ୍ୟାଦାନରେ ହେଲମେଟ୍ ଦିଆଗଲା ।