ରିଷି ମୃତ୍ୟୁ ମାମଲାରେ ପୁଲିସର ତନାଘନା : ସାଙ୍ଗ ଓ ହଷ୍ଟେଲ ମେଟଙ୍କୁ ପଚରାଉଚରା
ଭୁବନେଶ୍ୱର ବ୍ୟୁରୋ, କନକ ନ୍ୟୁଜ୍ : ରିଷି ମୃତ୍ୟୁ ମାମଲାରେ ତାଙ୍କ ମାଆ ସାନି ଏଫଆଇଆର ଦାଖଲ କରିବା ପରେ ତନାଘନା ଆରମ୍ଭ କରିଛି ଖଣ୍ଡଗିରି ଥାନା ପୁଲିସ । ବିଶେଷ କରି ଏଫଆଇଆରରେ ଉଲ୍ଲେଖ ଥିବା ରିଷିଙ୍କ ସାଙ୍ଗ ଓ ହଷ୍ଟେଲ ମେଟଙ୍କୁ ଘଟଣା ସଂପର୍କରେ ପଚରାଉଚୁରା କରୁଛି । ଗତକାଲି ରିଷିଙ୍କ ୩ଜଣ ବନ୍ଧୁଙ୍କୁୁ ଜେରା କରିଥିବାବେଳେ ଆଜି ଆଉ ଜଣେ ବନ୍ଧୁ ଶୁଭେନ୍ଦୁ ଦାସଙ୍କୁ ଥାନାକୁ ଡକାଇ ଜେରା କରିଛି ।
Kanak News is now on WhatsApp
Join and get latest news updates delivered to you via WhatsApp
ଆଶୁତୋସ ମହାନ୍ତି ଓରଫ ରିଷିଙ୍କ ମୃତ୍ୟୁ କେମିତି ହେଲା ସେନେଇ ତାଙ୍କ ବନ୍ଧୁ କେମିକାଲ ଇଞ୍ଜିନିୟରିଂ ଛାତ୍ର ଶୁଭେନ୍ଦୁଙ୍କୁ ପଚରାଉଚରା କରି ବୟାନ ରେକର୍ଡ କରିଛି । ତେବେ ରିଷି ନିଜେ ଡ୍ରଗ୍ସ ନେଇଥିବା ପୁଲିସକୁ କହିଛନ୍ତି ଶୁଭେନ୍ଦୁ । ତାଙ୍କୁ କେହି ଡ୍ରଗ୍ସ ଦେଇନଥିଲେ ଏବଂ ଓଭରଡୋଜ୍ ଯୋଗୁଁ ତାଙ୍କ ମୃତ୍ୟୁ ହୋଇଥାଇପାରେ ବୋଲି ସେ ଅନୁମାନ କରିଛନ୍ତି ।