ଯାତ୍ରୀମାନଙ୍କ ସୁବିଧା ଲାଗି ରେଲମନ୍ତ୍ରଣାଳୟର ନୂଆ ନିୟମ, ଗନ୍ତବ୍ୟ ସ୍ଥଳରେ ପହଞ୍ଚିବାର ୨୦ ମିନିଟ ପୂର୍ବରୁ ମୋବାଇଲ କୁ ଆସିବ ମେସେଜ
କନକ ବ୍ୟୁରୋ : ସାରା ବିଶ୍ୱରେ ଭାରତର ରେଳରେ ସବୁଠାରୁ ଅଧିକ ଲୋକମାନେ ଯାତ୍ରା କରନ୍ତି । ତେବେ ସରକାରୀ ରିପୋର୍ଟ ଅନୁସାରେ ପ୍ରତ୍ୟେକ ଦିନ ପାଖାପାଖି ଅଢେଇ କୋଟିରୁ ଉଦ୍ଧ୍ୱର୍ ଲୋକ ରେଳ ଯାତ୍ରା କରିଥାଆନ୍ତି । ଏହାସହ ଭାରତର ରେଳ ଲାଇନକୁ ପୃଥୀବିର ଚାରି ପଟେ ଯଦି ଗୁଡାଇ ଦିଆଯିବ ତେବେ ତେବେ ତାହା ପୃଥିବୀର ଅଢେଇ ଗୁଣା ହେବ ବୋଲି ଜଣାପଡିଛି । ଯଦିଓ ଭାରତର ରେଳରେ ଅଧିକରି ଅଧିକ ଲୋକ ଯାତ୍ରା କରନ୍ତି ତେବେ ଏହା ପ୍ରତ୍ୟେକ ସମୟରେ ବିଳମ୍ବ ମଧ୍ୟ କରିଥାଏ । ତେଣୁ ଲୋକମାନେ ବା ଯାତ୍ରୀମାନେ ଅନେକ ଅସୁବିଧାର ସମ୍ମୁଖୀନ ହୋଇଥାଆନ୍ତି । ଅନେକ ଅଭିଯୋଗ ମଧ୍ୟ ଆସେ କି ଯାତ୍ରାମାନେ ନିଜ ଗନ୍ତବ୍ୟ ସ୍ଥଳରେ ସଠିକ ସମୟରେ ପହଞ୍ଚିପାରନ୍ତି ନାହିଁ । ଭାରତୀୟ ରେଳରେ ଯାତ୍ରୀମାନଙ୍କ ପାଇଁ ଉପଲବ୍ଧ ଥିବା ସୁବିଧାକୁ ନେଇ ଅନେକ ଥର ପ୍ରଶ୍ନ ଉଠିଛି । କେବେ ମିଳୁଥିବା ଖାଇବାକୁ ନେଇ ତ କେବେ ଯାତ୍ରୀମାନଙ୍କୁ ମିଳୁଥିବା ଅନ୍ୟାନ୍ୟ ସୁବିଧାକୁ ନେଇ । ଏହି ସବୁ ଅସୁବିଧାକୁ ଆଖି ଆଗରେ ରଖି ଏଇ କିଛି ଦିନ ମଧ୍ୟରେ ଭାରତୀୟ ରେଳ ନିଜର ନିୟମରେ ଅନେକ ପରିବର୍ତ୍ତନ ଆଣିଛି । ଏବେ ପୁଣି ଭାରତୀୟ ରେଳ ଯାତ୍ରୀମାନଙ୍କୁ ଏକ ନୂଆ ସୁବିଧା ଯୋଗାଇ ଦେବାକୁ ଯାଉଥିବା ଜଣା ପଡ଼ିଛି । ବେଳେ ବେଳେ ଟ୍ରେନ୍ରେ ଯାତ୍ରା କରୁଥିବା ବେଳେ ଯାତ୍ରୀମାନେ ଶୋଇ ଯାଇଥିବାରୁ ସେମାନଙ୍କ ଗନ୍ତବ୍ୟ ସ୍ଥଳର ସମୟ ସେମାନେ ଜାଣି ପାରନ୍ତି ନାହିଁ । ଏହି ଅସୁବିଧାକୁ ଆଖି ଆଗରେ ରଖି ଭାରତୀୟ ରେଳ ଏବେ ଡ଼େଷ୍ଟିନେସନ ଆଲର୍ଟର ବ୍ୟବସ୍ଥା ଆରମ୍ଭ କରିଥିବା ଜଣା ପଡ଼ିଛି । ଏହି ବ୍ୟବସ୍ଥା ଆରମ୍ଭ ହେବା ପରେ ଯାତ୍ରୀମାନଙ୍କ ଫୋନକୁ ନିଜ ଗନ୍ତବ୍ୟ ସ୍ଥଳରେ ପହଞ୍ଚିବାର ୨୦ମିନିଟ୍ ପୂର୍ବରୁ ମେସେଜ ଆସିଯିବ ।
Kanak News is now on WhatsApp
Join and get latest news updates delivered to you via WhatsApp
ସୂଚନା ମୁତାବକ,ସକାଳ ୧୧ଟାରୁ ସଂନ୍ଧ୍ୟା ୭ଟା ପର୍ୟ୍ୟନ୍ତ ଚାଲୁଥିବା ଟ୍ରେନ୍ର ଯାତ୍ରୀମାନଙ୍କୁ ଏହି ସୁବିଧା ଯୋଗାଇ ଦିଆଯିବା ବୋଲି ଲୋକସଭାରେ ପଚରାଯାଇଥିବା ପ୍ରଶ୍ନର ଲିଖିତ ଭାବେ ଉତ୍ତର ଦେଇଛନ୍ତି ରେଳ ରାଷ୍ଟ୍ରମନ୍ତ୍ରୀ ରାଜେନ୍ ଗୋହେନ୍ । ଏହି ସୁବିଧା ଦ୍ୱାରା ଯାତ୍ରୀମାନେ ନିଜର ଫୋନ ମାଧ୍ୟମରେ ୧୩୯ନମ୍ବର ବ୍ୟବହାର କରି ଡ଼େଷ୍ଟିନେସନ୍ ଆଲର୍ଟକୁ ସେଟ୍ କରି ପାରିବେ । କାହାକୁ କେଉଁ ଷ୍ଟେସନରେ ଓହ୍ଲାଇବାକୁ ଅଛି ସେ ଷ୍ଟେସନର ନାଁ ସେଟ୍ କରିବା ପରେ ସେମାନଙ୍କ ଫୋନକୁ ଏକ କନଫର୍ମମେସନ ମେସେଜ ଆସିଯିବ । ଏହା ପରେ ଯାତ୍ରୀମାନେ ନିଜର ଗନ୍ତବ୍ୟ ସ୍ଥଳର ପହଞ୍ଚିବାର ୨୦ମିନିଟ୍ ପୂର୍ବରୁ ସେମାନଙ୍କୁ ମେସେଜ ଆସିଯିବ ବୋଲି ରେଳ ରାଷ୍ଟ୍ରମନ୍ତ୍ରୀ ରାଜେନ୍ ଗୋହେନ୍ କହିଛନ୍ତି । ତେବେ ଏହା କେବେଠାରୁ ଲାଗୁ କରାଯିବ ତାହା ଜଣାପଡିନାହିଁ । ରେଳ ମନ୍ତ୍ରଣାଳୟ ଲୋକମାନଙ୍କ ସୁବିଧା ପାଇଁ ଅନେକ ଯୋଜନା ପ୍ରସ୍ତୁତ କରୁଥିବା ଦେଖାଯାଉଛି । ବାକି କେତେ ଦୂର ଏହା କାମରେ ସାହାଯ୍ୟ କରୁଛି ତାହା ସମୟ କହିବ । କିନ୍ତୁ ରେଳ ବିଭାଗ ଯେଉଁ ନୂଆ ନିୟମ ଲାଗୁ କରିବା ପାଇଁ ଚେଷ୍ଟା କରୁଛି ତାହା ନିହାତି ଭାବରେ ସ୍ୱାଗତ ଯୋଗ୍ୟ ପଦକ୍ଷେପ ।