କନକ ବ୍ୟୁରୋ : ବିମୁଦ୍ରାକରଣ ଯୋଗୁଁ ଓଡ଼ିଶାରେ ରାଜସ୍ୱ ଆଦାୟ ହ୍ରାସ ପାଇଛି । ନଭେମ୍ବର ମାସ ତୁଳନାରେ ଡିସେମ୍ବର ମାସରେ ଓଡ଼ିଶାରେ ରାଜସ୍ୱ ଆଦାୟ ୧୧ ପ୍ରତିଶତ ହ୍ରାସ ପାଇଛି । ଏକଥା କହିଛନ୍ତି ଅର୍ଥ ସଚିବ ତୁହିନକାନ୍ତ ପାଣ୍ଡେ ।
Kanak News is now on WhatsApp
Join and get latest news updates delivered to you via WhatsApp
ନଭେମ୍ବର ୮ରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ବିମୁଦ୍ରାକରଣ ନେଇ ଘୋଷଣା କରିବା ପରେ ରାଜ୍ୟରେ ଅବକାରୀ ରାଜସ୍ୱ ସଂଗ୍ରହ ହ୍ରାସ ପାଇଛି । ଏହି ରାଜସ୍ୱ ପ୍ରାୟ ୨୦ ପ୍ରତିଶତ ହ୍ରାସ ପାଇଥିବା ଜଣାପଡ଼ିଛି । ସେହିଭଳି ମୂଲ୍ୟଯୁକ୍ତ କର ବା ଭାଟରୁ ମିଳୁଥିବା ଟିକସରେ ମଧ୍ୟ ହ୍ରାସ ଘଟିଛି । ଜମିବାଡ଼ି କିଣାବିକାରୁ ମିଳୁଥିବା ଷ୍ଟାମ୍ପ୍ ଡ୍ୟୁଟିରେ ମଧ୍ୟ ହ୍ରାସ ଘଟିଛି ।
ପୁରୁଣା ପାଂଚ ଶହ ଓ ହଜାରେ ଟଙ୍କିଆ ନୋଟକୁ ଅଚଳ କରିଦିଆଯିବା ପରେ ନିବନ୍ଧକମାନଙ୍କ ଅଫିସ୍ ଗୁଡ଼ିକରେ କାରବାର କମିଯାଇଛି । ସହରାଂଚଳରେ ସରକାର ଷ୍ଟାମ୍ପ୍ ଡ୍ୟୁଟିରୁ ୫ ପ୍ରତିଶତ ଓ ରେଜିଷ୍ଟ୍ରେସନରୁ ୨ ପ୍ରତିଶତ ଶୁଳ୍କ ପାଉଥିବା ବେଳେ ଜମି ଓ ଘର କିଣାବିକା କାରବାରରୁ ରାଜସ୍ୱ ସଂଗ୍ରହ ହ୍ରାସ ପାଇଛି ।