ଦିନେ ଥିଲେ ଶିକ୍ଷକ, ଆଜି କିନ୍ତୁ ଭିକ୍ଷୁକ ! କ୍ଲାସରେ ଗଣିତ କଷୁଥିଲେ ଶିକ୍ଷୟତ୍ରୀ ଆଜି ଜୀବନ ଗଣିତର ଦୋଛକିରେ
ଅନ୍ଧାରରୁ ଆଲୋକକୁ ଆଣିବାରେ ତାଙ୍କର ଥାଏ ମୁଖ୍ୟ ଭୂମିକା । ଦେଶରେ ଶିଶୁଙ୍କ ଭାଗ୍ୟ ଓ ଭବିଷ୍ୟତ ତଥା ଦେଶ ନିର୍ମାଣରେ ତାଙ୍କର ଥାଏ ପ୍ରଚ୍ଛନ୍ନ ହାତ । ସେ ହେଉଛନ୍ତି ‘ଗୁରୁ’ । ସେ ହିଁ ବ୍ରହ୍ଣା, ବିଷ୍ଣୁ ଓ ମହେଶ୍ୱର । ଛାତ୍ରଟିଏ ଦେଖିଦେଲେ ଭକ୍ତିପୂତ ଭାବେ ତାଙ୍କ ପାଦତଳେ ମଥାନତ କରିଥାଏ । ଆଉ ସିଏ ଯଦି ରାସ୍ତାରେ ଭିକ ମାଗିବ ତାକୁ କଣ କୌଣସି ଛାତ୍ର ସହିପାରିବ ନା ବରଦାସ୍ତ କରିପାରିବ ? ଏଭଳି ଏକ ଘଟଣାକୁ ନେଇ କେରଳରେ ଚର୍ଚ୍ଚା ଜୋର ।
Kanak News is now on WhatsApp
Join and get latest news updates delivered to you via WhatsApp
ନଭେମ୍ବର ୫ତାରିଖ ଦିନ ଜଣେ ସରକାରୀ କର୍ମଚାରୀ ବିଦ୍ୟା ଏମ.ଆର ଜଣେ ସାଙ୍କଙ୍କୁ ଥାମ୍ପାନୁର ରେଲୱେ ଷ୍ଟେସନ ନିକଟରେ ଅପେକ୍ଷା କରିଥିଲେ । ସେହି ସମୟରେ ଜଣେ ଅନେକ ଦିନ ଧରି ସଫା ହୋଇନଥିବା ମଇଳା ଲୁଗାପିନ୍ଧା ସ୍ତ୍ରୀଲୋକ ହାତରେ ପଲିଥିନ ଧରିଥିବାର ଦେଖିଲେ । ବିଦ୍ୟା ତାଙ୍କ ପଛରେ ଯାଇ ଦେଖିଲେ ସେ ଗଛରୁ ଫଳତୋଳି ଖାଉଛନ୍ତି । ବିଦ୍ୟା ତାଙ୍କୁ ପଚାରିଥିଲେ , ‘ଆପଣଙ୍କୁ ଭୋକ ଲାଗୁଛି’ ?
ମଇଳା ଲୁଗା ପିନ୍ଧିଥିବା ମହିଳା ଜଣକ ଉତ୍ତରଦେଇଥିଲେ ‘ ନାଁ ’ ତଥାପି ବିଦ୍ୟା ତାଙ୍କ ପାଇଁ ଇଡଲି ଓ ବରା ଆଣିଥିଲେ । ମହିଳା ଜଣକ ଖାଇସାରିବା ପରେ ବିଦ୍ୟା ତାଙ୍କ ସହ କଥାବାର୍ତ୍ତା କରିଥିଲେ ଓ କିଛି ପ୍ରଶ୍ନ ପଚାରିଥିଲେ । ତାଙ୍କର କଥାବାର୍ତାରୁ ଲାଗୁଥିଲା ସେ ଜଣେ ଶିକ୍ଷିତ ମହିଳା ।ଏବଂ ବିଦ୍ୟା ଜାଣିବାକୁ ପାଇଥିଲେ ସେ ଜଣେ ଅବସରପ୍ରାପ୍ତ ଶିକ୍ଷୟତ୍ରୀ ।
ତାଙ୍କ ବିଷୟରେ ଓ ସେ ପଢାଇଥିବା ମାଲାପୁରମ ସ୍କୁଲ ବିଷୟରେ ସୋସିଆଲ ପେଜରେ ପୋଷ୍ଟ କରିଦେଇଥିଲେ । ତାପରେ ବଦଳି ଯାଇଥିଲା ସମସ୍ତ ଘଟଣା । ଠୋପେଠୋପେ ପାଣି ମିଶି ଯେପରି ସମୁଦ୍ର ପାଲଟିଯାଏ ସେହିପରି ତାଙ୍କ ଛାତ୍ରଛାତୀମାନେ ତାଙ୍କୁ ଚିହ୍ନିପାରିଥିଲେ ଓ ଜାଣିପାରିଥିଲେ ସେ ହେଉଛନ୍ତି ତାଙ୍କର ଗଣିତ ଶିକ୍ଷୟତ୍ରୀ ।
ଶିକ୍ଷୟତ୍ରୀଙ୍କ ନିକଟକୁ ଛୁଟିଲା ସହାୟତାର ସୁଅ । କିନ୍ତୁ ଗୁରୁ କଣ କେବେ ତା ସ୍ୱାଭିମାନ ହରାଇପାରେ ? ନାଁ ଛାତ୍ରଛାତ୍ରୀଙ୍କ ନିକଟରୁ କିଛି ପାଇବା ଆଶା ଥାଏ । ସେଥିପାଇଁ ତ ସେ ଗୁରୁ । କିନ୍ତୁ ସ୍ୱାଭିମାନୀ ଶିକ୍ଷୟତ୍ରୀ ଛାତ୍ରଙ୍କ ସହ ଯିବା ପାଇଁ ମନାକରିବା ସହ ତାଙ୍କ ସ୍ୱାମୀ ଓ ପୁ୍ଅଙ୍କ ସହ ରହିବା ପାଇଁ ଜିଦ କରିଥିଲେ । ଇତିମଧ୍ୟରେ ଏନେଇ ପୋଲିସକୁ ଜଣାଯାଇଛି । ଏନେଇ ଏକ କେସ ମଧ୍ୟ କରାଯାଇଛି । ପୋଲିସ ଗଣିତ ଶିକ୍ଷୟତ୍ରୀଙ୍କ ଭଉଣୀକୁ ଚିହ୍ନ ଟ କରିଥିବା ବେଳେ ତାଙ୍କ ପୁଅ ସ୍ୱାମୀଙ୍କୁ ଖୋଜୁଛି ।
ତେବେ ଆଜିର ଯୁଗରେ ଶିକ୍ଷକ ଓ ଶିକ୍ଷୟତ୍ରୀଙ୍କ ପ୍ରତି ବି ଭକ୍ତି ରହିଛି । ସମ୍ମାନ ରହିଛି ନିଜର ପ୍ରିୟ ଶିକ୍ଷୟତ୍ରୀହ୍କ ପ୍ରତି । ଯାହା ଦେଖାଇଛନ୍ତି ତାଙ୍କର ଅଗଣିତ ଛାତ୍ରଛାତ୍ରୀ । ଗଣିତ ଶିକ୍ଷୟତ୍ରୀଙ୍କ ପ୍ରତି ଛାତ୍ରଛାତ୍ରୀଙ୍କ ଭଲ ପାଇବା ନିଶ୍ଚିତ ଭାବେ ପ୍ରଶଂସନୀୟ ।