ଚୀନ ରୁ ମୂଳପୋଛ ହୋଇଯାଇପାରେ ଇସଲାମ ! ମୁସଲିମ୍ ସଂପ୍ରଦାୟଙ୍କ ଉପରେ ବଢୁଛି ପ୍ରତିବନ୍ଧକ
ଚୀନ ଅଫିସିଆଲ ଭାବେ ଏକ ନାସ୍ତିକ ଦେଶ । ଗତ ୪୦ ବର୍ଷରେ ଏଇଠି ଧାର୍ମିକ ଗତିବିଧି ବଢୁଛି । ଚୀନ ର ସମ୍ବିଧାନ ଏମିତିରେ କୈାଣସି ବି ଧର୍ମର ପାଳନ କରିବାକୁ ସ୍ୱାଧୀନତା ଦିଏ, କିନ୍ତୁ ଏହାପରେ ବି ଚୀନରେ ଧର୍ମ ରାସ୍ତାରେ ଅନେକ ପ୍ରତିବନ୍ଧକ ଅଛି । ସେଇଠି ଚୀନ ସରକାର ଏବେ ନିଜ ଦେଶରେ ଇସଲାମକୁ ମୂଳପୋଛ କରିବା ପାଇଁ କାମ କରୁଛି ।
Kanak News is now on WhatsApp
Join and get latest news updates delivered to you via WhatsApp
ଚୀନରେ ଏବେ ମୁସଲିମ ପିଲାଙ୍କୁ ଧର୍ମ ଏବଂ ଇସଲାମିକ ଶିକ୍ଷା ଠାରୁ ଦୂରରେ ରହିବା ପାଇଁ ଉପଦେଶ ଦିଆଯାଇଛି । ଚୀନରେ ବହୁତ କମ୍ ସଂଖ୍ୟାରେ ମୁସଲିମ ସମୁଦାୟର ଲୋକ ବସବାସ କରନ୍ତି । ଶିଂଜିୟାଙ୍ଗ ପ୍ରାନ୍ତରେ ଯିଏ ବି ଉଇଗର ସମୁଦାୟର ମୁସଲିମ୍ ବହୁସଂଖ୍ୟକ ଅଛନ୍ତି, ତାଙ୍କ ବିରୁଦ୍ଧରେ ପ୍ରଥମରୁ ହିଁ ଚିନି ଅଧିକାରୀ କେତେକ ପ୍ରତିବନ୍ଧକ ଲଗାଇଛନ୍ତି ।
ଶିଜିୟାଙ୍ଗ ପ୍ରାନ୍ତ ପରେ ପଶ୍ଚିମ ଚୀନ ର ‘ଲିଟିଲ ମକ୍କା’ ରେ ବି ନାସ୍ତିକ ସତ୍ତାଧାରୀ କମ୍ୟୁନିଷ୍ଟ ଦଳ ମୁସଲିମ ପିଲାଙ୍କୁ ଧର୍ମ ଓ ଇସଲାମିକ ଶିକ୍ଷା ଠାରୁ ଦୂରେଇ ରଖିବାକୁ ଚାହାଁନ୍ତି । ଛୁଟି ସମୟରେ ‘ଲିଟିଲ ମକ୍କା’ ରେ ହଜାର ସଂଖ୍ୟକ ପିଲା କୁରାନ୍ କୁ ବୁଝିବା ପାଇଁ ମସଜିଦ୍ ଆସନ୍ତି । କିନ୍ତୁ ଚୀନ ସରକାର ଏହା ଉପରେ ଏବେ ପ୍ରତିବନ୍ଧକ ଲଗାଇଛନ୍ତି । ‘ଲିଟିଲ ମକ୍କା’ରେ ୧୬ ବର୍ଷ ରୁ କମ୍ ବୟସର ପିଲାଙ୍କୁ ନମାଜ ଓ ଇସଲାମିକ ଶିକ୍ଷା ଠାରୁ ଦୂରେଇ ରହିବା ପାଇଁ କୁହାଯାଇଛି । ଏହି ପିଲାଙ୍କ ପାଇଁ ଧର୍ମ ନିରପେକ୍ଷ ପାଠ୍ୟକ୍ରମ ପ୍ରସ୍ତୁତ କରିବା ପାଇଁ କୁହାଯାଇଛି । ଚୀନ ଅଧିକାରୀଙ୍କ ଅନୁସାରେ, ଏହି ପିଲାଙ୍କୁ ବହୁତ ଫାଇଦା ହେବ ।
ଚୀନରେ ମୁସଲିମଙ୍କୁ ବି କେତେକ ପ୍ରତିବନ୍ଧକର ସାମନା କରିବାକୁ ପଡିଥାଏ । ଶିନଜିୟାଙ୍ଗ ପ୍ରାନ୍ତରେ ହିଜାବ ପିନ୍ଧିବା, ଦାଢ଼ି ବଢ଼ାଇବା ଓ ରମଜାନ୍ ମାସରେ ରୋଜା ରଖିବା ଉପରେ ମଧ୍ୟ ମନା ଅଛି । ଚୀନ ସରକାର ଧ୍ୱନି ପ୍ରଦୂଷଣ ଉପରେ ଜୋର ଦେଇ ସମସ୍ତ ୩୫୫ ମସଜିଦ୍ ରୁ ଲାଉଡ ସ୍ପିକର ହଟାଇବା ପାଇଁ ପ୍ରଥମରୁ ଆଦେଶ ଦିଆସରିଛି । ଦାଢ଼ି ରଖିବା ଉପରେ ପ୍ରତିବନ୍ଧକ ଲଗାଯାଇଛି । ଏଏଫପିର ରିପୋର୍ଟ ଅନୁସାରେ ନୂଆ ଆଦେଶ ପରେ ଗାଁସୁ ପ୍ରାନ୍ତର ଲୋକଙ୍କ ଠାରେ ଚୀନ ଅଧିକାରୀଙ୍କୁ ନେଇ ବହୁତ ଡର । ଏକ ଇମାମଙ୍କ ଅନୁସାରେ, ବର୍ତ୍ତମାନ ପରିସ୍ଥିତି ବହୁତ ଖରାପ, ଏମିତି ହିଁ ରହିବ ଯଦି ବହୁତ ଶୀଘ୍ର ତାଙ୍କର ଅସ୍ତିତ୍ୱ ଶେଷ ହୋଇଯିବ ।