ବିଜେପି ଯାଉଛନ୍ତି ବୈଜୟନ୍ତ ! ନବୀନ୍ କ୍ୟାମ୍ପ୍ ଛାଡି ମୋଦିଙ୍କ ସହ ହାତ ମିଳାଇବେ ସାଂସଦ, ରିପବ୍ଲିକ୍ ଟିଭିରେ ସୁପର୍ ଏକ୍ସକ୍ଲୁସିଭ୍ ଖବର
କନକ ବ୍ୟୁରୋ : ସାଂସଦ ବୈଜୟନ୍ତ ପଣ୍ଡାଙ୍କୁ ଜାତୀୟ ଗଣମାଧ୍ୟମ ରିପବ୍ଲିକ୍ ଟିଭିରେ ପ୍ରସାରିତ ଏହି ଖବର ବିଜେଡି ରାଜନୀତିକୁ ଦୋହଲାଇ ଦେଇଛି । ଆଉ ଅନେକ ଦିନ ଧରି ଯେଉଁ ଚର୍ଚ୍ଚା ଚାଲିଥିଲା ତାକୁ ବଢ଼ାଇବା ପାଇଁ ଏହି ଖବର ଖୋରାକ୍ ଯୋଗାଇଛି । ନବୀନଙ୍କ ଶଙ୍ଖ ଦଳ ଛାଡ଼ି ବୈଜୟନ୍ତ, ଅମିତ ଶାହାଙ୍କ ପଦ୍ମ ପୋଖରୀକୁ ଡେଇଁବା ନେଇ ଯେଉଁ ଖବର ରିପବ୍ଳିକ୍ ଟିଭି ପ୍ରସାରଣ କରିଛି, ତାହା ଏବେ ଓଡ଼ିଶା ରାଜନୀତିରେ ସୃଷ୍ଟି କରିଛି ଏକ ନୂଆ ଝଡ଼ । ବିଜେପିର ଟପ୍ ନେତାଙ୍କ ସହ ଏହି ଚ୍ୟାନେଲର ସମ୍ବାଦିକଙ୍କ ସିଧାସଳଖ ଲିଙ୍କ୍ ଥିବାରୁ ଏହି ଖବରକୁ ସଂପୂର୍ଣ୍ଣ ଭୁଲ୍ କହିବା ହୁଏତ ଠିକ୍ ହେବ ନାହିଁ ।
Kanak News is now on WhatsApp
Join and get latest news updates delivered to you via WhatsApp
ବିଗତ କିଛି ଦିନ ଭିତରେ ବୈଜୟନ୍ତ ପଣ୍ଡା ଦେଇଥିବା ମନ୍ତବ୍ୟ, ଟ୍ୱିଟ୍ ଏବଂ ଲେଖା ଅନେକ ସମୟରେ ବିଜେଡିକୁ ଅଡୁଆରେ ପକାଇଛି । ଆଉ ମହାଙ୍ଗା ଅଣ୍ଡାମାଡ଼ ଘଟଣା ପରେ ଅମଲା ଏବଂ ତୃତୀୟ ମହଲାକୁ ଇଙ୍ଗିତ କରି ସିଧାସଳଖ ବିଜେଡିର କାର୍ଯ୍ୟଧାରା ଉପରେ ପ୍ରଶ୍ନ ଉଠାଇଥିଲେ ବୈଜୟନ୍ତ । କେବଳ ଏତିକି ନୁହେଁ-କେତେବେଳେ ପରାମର୍ଶ ଦେବା ଆଳରେ ନିଜ ଲେଖା ମାଧ୍ୟମରେ ବିଜେଡିକୁ କାଠଗଡ଼ାରେ ଠିଆ କରିଛନ୍ତି, ତ ଆଉ କେତେବେଳେ ମୋଦିଙ୍କ କାର୍ଯ୍ୟଧାରାକୁ ପ୍ରଶଂସା କରି ବିଜେଡିକୁ ଅଡୁଆରେ ପକାଇଛନ୍ତି । ଯେଉଁଥି ପାଇଁ ଦଳୀୟ ସୁପ୍ରିମୋଙ୍କୁ ମୁହଁ ଖୋଲିବାକୁ ପଡ଼ିଛି ।
ସେପଟେ ବୈଜୟନ୍ତ ଦଳ ଛାଡିବା ନେଇ ଜାତୀୟ ଗଣମାଧ୍ୟମରେ ଯେଉଁ ଖବର ଦେଖା ଯାଉଛି- ସେ ଉପରେ ସାଂସଦଙ୍କ ରାଜନେତିକ ସଚିବ ଟ୍ୱିଟ୍ ଯୋଗେ ପ୍ରତିକ୍ରିୟା ରଖିଛନ୍ତି । ଯେଉଁଥିରେ କୁହାଯାଇଛି-ସାଂସଦ ଏବେ ବ୍ରିଟେନରେ ଅଛନ୍ତି ଆଉ ଏହି ଭଳି କିଛି ଖବର ନେଇ ଆମେ ଅବଗତ ନାହୁଁ ।
ତେବେ ଏହାରି ଭିତରେ ପ୍ରଶ୍ନ ଉଠୁଛି :
– ରିପବ୍ଲିକ୍ ଟିଭିର ତଥ୍ୟ ଉପରେ ଆଧାରିତ ତ ?
– ସତରେ ନବୀନଙ୍କ ହାତ ଛାଡୁଛନ୍ତି କି ବୈଜୟନ୍ତ ?