ଗଣତନ୍ତ୍ର ଦିବସ ପାଇଁ ଏହି ବିଦ୍ୟାଳୟ ଗୁଡିକ ସାଂସ୍କୃତିକ କାର୍ଯ୍ୟକ୍ରମ କରିବେ ପରିବେଶଣ
ଗଣତନ୍ତ୍ର ଦିବସ ପାଇଁ ଚଳଚଞ୍ଚଳ ରାଜଧାନୀ ଦିଲ୍ଲୀ
ଗଣତନ୍ତ୍ର ଦିବସ ପାଇଁ ଚଳଚଞ୍ଚଳ ରାଜଧାନୀ ଦିଲ୍ଲୀ । ପ୍ରତ୍ୟେକ ଥର ପରି ଚଳିତବର୍ଷ ମଧ୍ୟ ଅନେକ ପ୍ରକାର କାର୍ଯ୍ୟକ୍ରମର ଆୟୋଜନ କରାଯାଇଛି । ମିଳିଥିବା ସୂଚନା ଅନୁସାରେ, ଗଣତନ୍ତ୍ର ଦିବସ ଉପଲକ୍ଷେ ଦିଲ୍ଲୀରେ ସାଂସ୍କୁତିକ କାର୍ଯ୍ୟକ୍ରମ ପରିଚାଳନା କରିବା ପାଇଁ କିଛି ନିଦ୍ଧିଷ୍ଟ ସ୍କୁଲର ନାମ କାର୍ଯ୍ୟକ୍ରମ ସ୍ଥିର କରାଯାଇଥିବା ସୂଚନା ମିଳିଛି । ପାଖାପାଖି ୬୧୬ ଜଣ ଛାତ୍ରଛାତ୍ରୀ ଏହି କାର୍ଯ୍ୟକ୍ରମରେ ସାମିଲ ହେବେ । ଏକ ବିଶାଳ କାର୍ଯ୍ୟକ୍ରମରେ ଛାତ୍ରଛାତ୍ରୀମାନେ ଭାଗ ନେଉଥିବାରୁ ବହୁପୂର୍ବରୁ ସେମାନଙ୍କୁ ତାଲିମ ମଧ୍ୟ ଦିଆଯାଇଛି । ରାଷ୍ଟ୍ରପତିଙ୍କ ସହ ଅନେକ ଭିଭିଆଇପି ମାନେ ଏହି କାର୍ଯ୍ୟକ୍ରମରେ ରହିବେ ।
Kanak News is now on WhatsApp
Join and get latest news updates delivered to you via WhatsApp
କାର୍ଯ୍ୟକ୍ରମରେ ସାମିଲ ହେବାକୁ ଥିବା ବିଦ୍ୟାଳୟର ନାମ
ରାଜକୀୟ ପ୍ରତିଭା ବିକାଶ ବିଦ୍ୟାପୀଠ
ଏହି ବିଦ୍ୟାଳୟର ଛାତ୍ରଛାତ୍ରୀମାନେ ଗଣତନ୍ତ୍ର ଦିବସରେ ଅଂଶ ଗ୍ରହଣ କରିବେ । ନିଜର ନୃତ୍ୟ ମାଧ୍ୟମରେ ସେମାନେ ସେଠାରେ ଉପସ୍ଥିତ ଥିବା ଜନତାମାନଙ୍କୁ ବିଭିନ୍ନ ଦିଗରେ ସଚେତନ କରାଇବେ । ଜାତିର ପିତା ମହାତ୍ମାଗାନ୍ଧୀଙ୍କ ଜୀବନ ଶୈଳୀ ଉପରେ ସେମାନେ ପ୍ରସ୍ତୁତ କରିଛନ୍ତି ।
ନେଭି ଚିଲଡ୍ରେନ ସ୍କୁଲ ଚାଣକ୍ୟପୁରୀ, ନୂଆଦିଲ୍ଲୀ
ଏହି ବିଦ୍ୟାଳୟର ଛାତ୍ରଛାତ୍ରୀମାନେ ବାପୁଙ୍କ ଉପରେ ‘ଜୟ ଘୋଷ’ ଉପରେ ନିର୍ଦ୍ଧାରିତ ଏକ କାର୍ଯ୍ୟକ୍ରମ କରିବେ । ସେ କିପରି ଭାବରେ ଅହିଂସାମାର୍ଗରେ କାମ କରୁଥିଲେ ତାହା ଉପରେ ଏହି ସମସ୍ତ କାର୍ଯ୍ୟକ୍ରମ ରହିବ । ଛାତ୍ରଛାତ୍ରୀମାନେ ଜୟ ଘୋଷ, ରାମ ଭଜନ ଓ ବୈଷ୍ଣବ ଉପରେ କାର୍ଯ୍ୟକ୍ରମ କରିବେ ବୋଲି ଜଣାପଡିଛି ।
କେନ୍ଦ୍ରୀୟ ବିଦ୍ୟାଳୟ, ପଶ୍ଚିମ ବିହାର, ଦିଲ୍ଲୀ
ଏହି ବିଦ୍ୟାଳୟର ଛାତ୍ରଛାତ୍ରୀମାନେ ବାପୁଜୀଙ୍କ ଆଦର୍ଶ ଉପରେ କାର୍ଯ୍ୟକ୍ରମ କରିବା ସ୍ଥିର ହୋଇଛି । ସତ୍ୟ ମେବ ଜୟତେର ଅର୍ଥ ଏବଂ ତାହାକୁ ନେଇ କିପରି ଭାବରେ ବାପୁଜୀ ଆଦର୍ଶ ଭାବି କାମ କରୁଥିଲେ ତାହାକୁ ଜନସାଧାରଣଙ୍କ ପାଖରେ ପହଞ୍ଚାଇବେ । କାରଣ ଗାନ୍ଧିଜୀ ଜଣେ ଏପରି ନେତା ଥିଲେ ଯିଏ କ. ସାରା ଦେଶରେ ଅହିଂସାରେ କପରି ସବୁ ସମ୍ଭବ ତାହା ଉପରେ ଲୋକମାନଙ୍କୁ ସଚେତନ କରୁଥିଲେ । ଏବଂ ବାପୁ ଦେଶ ପାଇଁ ଯାହା ସ୍ୱପ୍ନ ଦେଖିଥିଲେ ତାହାକୁ କାମରେ କିପରି କରିହେବ ସେନେଇ ଚେଷ୍ଟା ମଧ୍ୟ କରୁଥିଲେ ।
ଇଷ୍ଟର୍ଣ୍ଣ ଜୋନାଲ କଲଚରାଲ ସେଣ୍ଟର, କୋଲକାତା
ପାଖାପାଖି ୧୫୦ ଛାତ୍ରଛାତ୍ରୀ ଦେଶର ସ୍ୱାଧୀନତା ପାଇଁ ବାପୁ କେତେ ନିଷ୍ଠାର ସହ କାମ କରିଥିଲେ ତାହାକୁ ବର୍ଣ୍ଣନା କରିବେ । ସ୍ୱାଧୀନତା ପାଇଁ ବାପୁ ଅନେକ ସ୍ୱପ୍ନ ଦେଖିଥିଲେ । କିପରି ଭାବରେ ଇଂରେଜମାନଙ୍କଠାରୁ ଦେଶକୁ ସ୍ୱାଧୀନତା ଦେବା ବାପୁ ଅନେକ ବଲଇଦାନ ଦେଇଥିଲେ ତାହାକୁ ନେଇ ସେଠାକାର ଛାତ୍ରଛାତ୍ରୀମାନେ କାର୍ଯ୍ୟକ୍ରମ ପରିବେଶଣ କରିବେ ବୋଲି ଜଣାପଡିଛି ।