ଟାଙ୍ଗିଆରେ ହାଣିଲେ ନିଆଁ ଲଗାଇଦେଲେ । ରାଜସ୍ଥାନରେ ‘ଲଭ ଜିହାଦ’ ପ୍ରତିଶୋଧର ଭିଡିଓ ଭାଇରାଲ
ବର୍ବରତା, ଘୃଣ୍ୟ, ଜଘନ୍ୟ ଯାହା କହିଲେ ବି କମ ହେବ । ପ୍ରେମ ପାଇଁ ଜଣେ ଶ୍ରମିକକୁ ଅତି ନିର୍ମମ ଓ ଅମାନୁଷିକ ଭାବେ ହତ୍ୟାକରିଛି ଜଣେ ବ୍ୟକ୍ତି । ତଥାପି ଏତିକିରେ ଶାନ୍ତ ହୋଇନଥିଲା ହତ୍ୟାକାରୀ । ମୃତ ଶରୀରେ ନିଆଁ ଲଗାଇ ସମସ୍ତପ୍ରମାଣ ନଷ୍ଟ କରିବା ପାଇଁ କରିଥିଲା ଆପ୍ରାଣ ଉଦ୍ୟମ । ଏଭଳି ଅମାନବୀୟ କାଣ୍ଡ ଘଟାଇଥିବା ହତ୍ୟାକାରୀକୁ ଗିରଫ କରିଛି ପୋଲିସ । ଏହି ଘଟଣା ଜଣାପଡିବା ପରେ ଅଭିଯୁକ୍ତ ଜଣକ ଦୌଡି ପଳାଇବାକୁ ଚେଷ୍ଟା କରିଥିଲା ।
Kanak News is now on WhatsApp
Join and get latest news updates delivered to you via WhatsApp
ଗତ ବୁଧବାର ଦିନ ରାଜସମନ୍ଦ ହୋଟେଲ ଠାରୁ ମାତ୍ର ଶହେ ମିଟର ଦୂରରେ ଶ୍ରମିକଙ୍କ ଅର୍ଦ୍ଧ ଦଗ୍ଧ ଶରୀର ଦେଖିବାକୁ ମିଳିଥିଲା । ‘ଲଭ ଜିହାଦ’ ଲେଖାଥିବା ସହ ନିଆଁ ଜଳୁଥିବା ଗୋଟିଏ ଭିଡିଓ ଭାଇରାଲ ହେବା ପରେ ସମସ୍ତଙ୍କ ଦୃଷ୍ଟି ଆକର୍ଷଣ କରିଥିଲା ।
ତେବେ ପୋଲିସ ଏହି ଭିଡିଓକୁ ଶ୍ରମିକଙ୍କର ମୃତ ଦେହ ଜଳୁଥିବାର ଭିଡିଓ ବୋଲି କହିଛି । ତାସହ ହତ୍ୟା କରିଥିବା ସମ୍ବୁଲାଲକୁ ପୋଲିସ ଗିରଫ କରିଛି । ଅଭିଯୁକ୍ତକୁ ଗିରଫ କରାଯାଇଥିବା ବେଳେ ଏହି ଘଟଣାର ତଦନ୍ତ ପାଇଁ ଏସଆଇଟି ଗଠନ କରାଯାଇଥିବା କହିଛିନ୍ତି ରାଜସ୍ଥାନର ଗୃହମନ୍ତ୍ରୀ ଗୁଲାବ ଚନ୍ଦ୍ର କଟାରିଆ ।
ଚିତ୍ରରୁ ସ୍ପଷ୍ଟ ଭାବେ ଜଣାପଡୁଛି ଯେ, ଅଭିଯୁକ୍ତ ଶ୍ରମିକକୁ ଟାଙ୍ଗିଆରେ ଅତି ନିର୍ମମ ଭାବେ ହତ୍ୟା କରିବା ସହ ତା ଶରୀରେ ନିଆଁ ଲଗାଇ ଦେଉଛି । ଏତିକିରେ ସରିନାହିଁ ତାର ବର୍ବରତା । ଧମକ ଦେଇ ଅଭିଯୁକ୍ତ କହିଛି, ପତ୍ୟେକ ଭାରତୀୟ ଏଭଳି କରିବା ଉଚିତ ନଚେତ ‘ଲଭ ଜିହାଦ’ ସମାପ୍ତ ହେବ ନାହିଁ । ସେହି ଚିତ୍ରରେ ଗୋଟିଏ ମୋଟର ସାଇକେଲ ଓ ସ୍କୁଟି ଥିବା ଜଣାପଡିଛି । ଏହି ଭିଡିଓକୁ ଏପରି ଭାବେ ସୁଟିଂ କରାଯାଇଛି ଲାଗୁଛି ଯେପରି ଏଥିରେ କୌଣସି ତୃତୀୟ ବ୍ୟକ୍ତିଙ୍କର ସଂପୃକ୍ତି ରହିଛି ।
ସେପଟେ ଏସପି କହିଛନ୍ତି ହତ୍ୟାର ଶିକାର ହୋଇଥିବା ବ୍ୟକ୍ତିଙ୍କୁ ଚିହ୍ନଟ କରାଯାଇଛି । ପଶ୍ଚିମବଙ୍ଗ ମାଲଦା ଅଂଚଳର ଆଫ୍ରାଜଲ ରାଜସ୍ଥାନରେ ଜଣେ ଶ୍ରମିକଭାବେ କାମ କରୁଥିଲେ ।