ରିପୋର୍ଟରେ ଆସିଲା ସାଂଘାତିକ ତଥ୍ୟ ! ୨୦୧୯ରେ ବାୟୁ ପ୍ରଦୂଷଣ ବିଶ୍ୱ ପାଇଁ ସବୁଠୁ ବଡ ବିପଦ ଭାବେ ଉଭା ହେବ
ଏବେ ଦେଶରେ ବାୟୁ ପ୍ରଦୂଷଣ ମୁଖ୍ୟ ସମସ୍ୟା ଭାବେ ଉଭା ହୋଇଛି । ବାୟୁରେ ପ୍ରଦୂଷଣର ମାତ୍ରା ଏତେ ବଢି ଯାଇଛି ଯେ, ଲୋକମାନେ ନିଶ୍ୱାସ ପ୍ରଶ୍ୱାସ ନେବାରେ ଅସୁବିଧାର ସମ୍ମୁଖୀନ ହେଉଛନ୍ତି । ଏପରିକି ଏହି ବିଷାକ୍ତ ବାୟୁ ଶରୀର ଉପରେ ମଧ୍ୟ କୁପ୍ରଭାବ ପକାଉଛି । ଏସବୁ ଭିତରେ ଏବେ ବିଶ୍ୱ ସ୍ୱାସ୍ଥ୍ୟ ସଙ୍ଗଠନ ଏକ ତାଲିକା ଜାରି କରିଛି । ଏହି ତାଲିକା ଅନୁଯାୟୀ, ବାୟୁ ପ୍ରଦୂଷଣ ଓ ପାଗ ପରିବର୍ତ୍ତନ ୨୦୧୯ରେ ବିଶ୍ୱ ପାଇଁ ବଡ ବିପଦ ଭାବେ ଉଭା ହୋଇପାରେ । ବାୟୁ ପ୍ରଦୂଷଣ ପାଇଁ ଶରୀର ଉପରେ ସବୁଠୁ ଅଧିକ ପ୍ରଭାବ ପଡିବ ବୋଲି ରିପୋର୍ଟରେ କୁହାଯାଇଛି ।
Kanak News is now on WhatsApp
Join and get latest news updates delivered to you via WhatsApp
ରିପୋର୍ଟ ଅନୁଯାୟୀ, ବାୟୁରେ ଥିବା ଦୂଷିତ କଣିକା ଗୁଡିକ ନିଶ୍ୱାସ ଜରିଆରେ ଶରୀର ମଧ୍ୟରେ ପ୍ରବେଶ କରିବା ସହ ହୃତପିଣ୍ଡ, ମସ୍ତିଷ୍କ, ଫୁସଫୁସକୁ ସଂକ୍ରମିତ କରିଥାଏ । ସବୁଠୁ ବଡ କଥା ହେଲା ପ୍ରତିବର୍ଷ ୭ ମିଲିୟନ ଲୋକ କ୍ୟାନସର, ଷ୍ଟ୍ରୋକ, ହୃଦଘାତ ଓ ଫୁସଫୁସ ସଂକ୍ରମଣ ଜନିତ ରୋଗରେ ସମୟ ପୂର୍ବରୁ ପ୍ରାଣ ହରାଇଥାନ୍ତି । ରିପୋର୍ଟରେ ଏହା ମଧ୍ୟ ଦର୍ଶାଯାଇଛି ଯେ, ମୃତ୍ୟୁ ବରଣ କରୁଥିବା ଲୋକଙ୍କ ମଧ୍ୟରୁ ୯୦ ପ୍ରତିଶତ ଲୋକ ମଧ୍ୟମ ଓ କମ ଆୟ କରୁଥିବା ଦେଶ ଗୁଡିକରେ ଦେଖିବାକୁ ମିଳିଥାଏ ।
ବାୟୁ ପ୍ରଦୂଷଣର ସବୁ କାରଣ ମଧ୍ୟରୁ ତେଲ ମଧ୍ୟ ଏକ କାରଣ ବୋଲି ରିପୋର୍ଟରେ କୁହାଯାଇଛି । ତେଲ ଜଳିବା ଫଳରେ ଲୋକଙ୍କ ସ୍ୱାସ୍ଥ୍ୟ ଉପରେ କୁପ୍ରଭାବ ପଡିଥାଏ । ରିପୋର୍ଟ ମୁତାବିକ, ଯେଉଁଭଳି ଭାବେ ପରିବେଶ ପ୍ରଦୂଷଣ ହେଉଛି ତାହାକୁ ନଜରରେ ରଖିଲେ ୨୦୩୦ରୁ ୨୦୫୦ ମଧ୍ୟରେ ସମୟ ପୂର୍ବରୁ ବିଭିନ୍ନ ରୋଗରେ ଲୋକଙ୍କ ମୃତ୍ୟୁ ସଂଖ୍ୟା ବୃଦ୍ଧି ପାଇବ ବୋଲି ରିପୋର୍ଟରେ କୁହାଯାଇଛି ।