କଟକ ଏସସିବି ପରିସରରୁ ଗ୍ୟାସ ଲିକ ଘଟଣାର ରିପୋର୍ଟ ଦେଲେ ଜିଲ୍ଲାପାଳ । ନଗର ଉନ୍ନୟନ ବିଭାଗକୁ ତଥ୍ୟ ଦେଲେ ତଦନ୍ତକାରୀ ଟିମ
କନକ ବ୍ୟୁରୋ : କଟକ ଏସସିବିରେ ଗ୍ୟାସ ଲିକ ଘଟଣା । ନଗର ଉନ୍ନୟନ ବିଭାଗକୁ ରିପୋର୍ଟ ଦେଲେ କଟକ ଜିଲ୍ଲାପାଳ । ଏନେଇ ତଦନ୍ତକାରୀ ଦଳ ଜିଲ୍ଲାପାଳଙ୍କୁ ରିପୋର୍ଟ ଦେବା ପରେ ଜିଲ୍ଲାପାଳ ଏହି ରିପୋର୍ଟ ନଗର ଉନ୍ନୟନ ବିଭାଗକୁ ହସ୍ତାନ୍ତର କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଗତ ବୁଧବାର ଦିନ କଟକ ବଡ ମେଡିକାଲ ପରିସରରେ କ୍ଲୋରିନ ଗ୍ୟାସ ଲିକ ହେବା ପରେ ଆତଙ୍କିତ ହୋଇପଡିଥିଲେ ସ୍ଥାନୀୟ ବାସିନ୍ଦା । ଜନସ୍ୱାସ୍ଥ୍ୟ ବିଭାଗର ଏକ ପାଇପରୁ ଗ୍ୟାସ ଲିକ ହେବା ଫଳରେ ୩୦ରୁ ଅଧିକ ଲୋକେ ଅସୁସ୍ଥ ହୋଇପଡିଥିଲେ । ପିଏଚଡି ପମ୍ପ ହାଉସରେ ଥିବା ଏକ କଳଙ୍କି ଲଗା ସିଲିଣ୍ଡରରୁ ଗ୍ୟାସ ଲିକ ହେବା ଫଳରେ ଏଭଳି ଘଟଣା ଘଟିଥିଲା । କ୍ଲୋରିନ ଗ୍ୟାସ ଲିକ ନେଇ ଏସସିବିରେ ତଦନ୍ତକାରୀ କମିଟି ତଦନ୍ତ କରିଥିଲା । ଏଡିଏମ ରଘୁରାୟ ଆୟାରଙ୍କ ନେତୃତ୍ୱରେ ତଦନ୍ତ ହୋଇଥିଲା । ଏହି ଟିମରେ ୬ ଜଣ ସଦସ୍ୟ ଥିଲେ । ଏଥିରେ ଜନସ୍ୱାସ୍ଥ ବିଭାଗର ଅଧିକାରୀ ଓ ଏସସିବି କତୃପକ୍ଷ, ଅଗ୍ନିଶମ ଅଧିକାରୀ ସାମିଲ ଥିଲେ ।
ଗତ ବୁଧବାର ଦିନ କଟକ ବଡ ମେଡିକାଲ ପରିସରରେ କ୍ଲୋରିନ ଗ୍ୟାସ ଲିକ ହେବା ପରେ ଆତଙ୍କିତ ହୋଇପଡିଥିଲେ ସ୍ଥାନୀୟ ବାସିନ୍ଦା ।ଜନସ୍ୱାସ୍ଥ୍ୟ ବିଭାଗର ଏକ ପାଇପରୁ ଗ୍ୟାସ ଲିକ ହେବା ଫଳରେ ୪୬ଜଣ ଅସୁସ୍ଥ ହୋଇପଡିଥିଲେ । ସମସ୍ତଙ୍କୁ ଏସସିବି ମେଡିକାଲ କଲେଜର ଆଶୁ ଚିକିତ୍ସା ବିଭାଗରେ ଭର୍ତି କରାଯାଇଥିଲା । ବଡ ମେଡିକାଲର ପ୍ରାଶାସନିକ ଅଧିକାରୀ ପ୍ରତାପ ମିଶ୍ର ମଧ୍ୟ ଅସୁସ୍ଥ ହୋଇପଡିଥିବାବେଳେ ତାଙ୍କୁ ସେଂଟ୍ରାଲ ଆଇସିୟୁରେ ଭର୍ତି କରାଯାଇଥିଲା । ଘଟଣାରେ ୪ଜଣ ଅଗ୍ନିଶମ କର୍ମଚାରୀ ଓ ୯ଜଣ ଡାକ୍ତରୀ ଛାତ୍ର ମଧ୍ୟ ଅସୁସ୍ଥ ହୋଇପଡିଥିଲେ ।