ଆଜି ବିଭିନ୍ନ ସ୍ଥାନରେ ହେଉଛି ସାନି ମତଦାନ : ପୂର୍ବ ନିର୍ବାଚନ ପର୍ଯ୍ୟାୟରେ ହିଂସା ହୋଇଥିବା ସ୍ଥାନ ଗୁଡିକରେ ଚାଲିଛି ସାନି ମତଦାନ
କନକ ବ୍ୟୁରୋ : ଆଜି ବିଭିନ୍ନ ସ୍ଥାନରେ ହେଉଛି ସାନି ମତଦାନ । ପୂର୍ବ ନିର୍ବାଚନ ପର୍ଯ୍ୟାୟରେ ହିଂସା ହୋଇଥିବା ସ୍ଥାନ ଗୁଡିକରେ ଆଜି ସାନି ମତଦାନ ହେଉଛି । ଢେଙ୍କାନାଳର ଭୁବନ, ପୁରୀର କୃଷ୍ଣପ୍ରସାଦ, ବ୍ରହ୍ମଗିରି ସହ ବାଲିଗୁଡାରେ ମଧ୍ୟ ସାନି ମତଦାନ ହେଉଛି । ପୁରୀ ଜିଲ୍ଲା କୃଷ୍ଣପ୍ରସାଦ ବ୍ଲକର ବଡଝାଡ ଗ୍ରାମପଂଚାୟତର ପୁରୁପାଳ ଗାଁର ୧୧ନମ୍ବର ୱାର୍ଡର ବୁଥ୍ ନମ୍ବର ୧୩୪ରେ ସାନି ମତଦାନ ହେଉଛି ।
Kanak News is now on WhatsApp
Join and get latest news updates delivered to you via WhatsApp
ପ୍ରଥମ ପର୍ଯ୍ୟାୟ ନିର୍ବାଚନ ବେଳେ ଏହି ବୁଥରେ ଭୋଟ ଗଣତି ବେଳେ ବାଲାଟ ବାକ୍ସକୁ ଦୁର୍ବୁତମାନେ ପାଣିରେ ପକାଇ ଦେଇଥିବା ନେଇ ଅଭିଯୋଗ ହୋଇଥିଲା । ଗାଁରେ ୧୪୪ଧାରା ଜାରି କରି ଚାଲିଛି ସାନି ମତଦାନ କରାଯାଉଛି । ସେହିପରି ବ୍ରହ୍ମଗିରି ବ୍ଲକର ଆମପଡା ଗ୍ରାମପଂଚାୟତ ମଠପାଟଣାର ୬ନମ୍ବର ବୁଥ ଓ ବାଲିକେରା ପଚିପାଳ ୬ନମ୍ବର ବୁଥରେ ସାନି ମତଦାନ ହେଉଛି । ବାଲିକେରା ଓ ପଚିପାଲରେ ଦୁର୍ବୃତ ମାନେ ମତଦାନ ଦିନ ଭୋଟ ବାକ୍ସ ଲୁଟି ନେଇଥିଲେ । ପୁରୀ ଏସପି ସିର୍ଥକ ଷଡଙ୍ଗୀଙ୍କ ତତ୍ୱାବଧାନରେ କଡା ସୁରକ୍ଷା ବ୍ୟବସ୍ଥା ମଧ୍ୟରେ ମତଦାନ ଚାଲିଛି ।
ସେପଟେ ବାଲିଗୁଡା କେ.ନୂଆଗାଁ ବ୍ଲକ କଣ୍ଡାୱାଡିର ୨ଟି ବୁଥରେ ରିପୋଲିଂ ହେଉଛି । ପୂର୍ବରୁ ଏଠାରେ ଭୋଟିଂ ହୋଇଥିବା ବେଳେ ବୁଥ ଜବରଦଖଲ ନେଇ ଅଭିଯୋଗ ହୋଇଥିଲା । ସେପଟେ ଢେଙ୍କାନାଳ ଭୁବନ ଜିଲ୍ଲା ପରିଷଦ ଜୋନ୍ ୩ର କିର୍ତନପୁରର ୪ଟି ବ୍ଲକରେ ମଧ୍ୟ ଅନୁଷ୍ଠିତ ହେଉଛି ସାନି ମତଦାନ ।
ଏହା ସହ ଦେଖନ୍ତୁ ଏହି ଭିଡିଓ-