ଘର କିଣିବାକୁ ଆଗ୍ରହି ବ୍ୟକ୍ତିଙ୍କ ପାଇଁ ଖୁସି ଖବର । ନିର୍ମାଣାଧୀନ ଫ୍ଲାଟ୍ ଉପରୁ ଜିଏସଟି କମାଇଲେ କେନ୍ଦ୍ର ସରକାର ।
ଶସ୍ତା ହେଲା ଘର କିଣିବା । ନିର୍ମାଣଧୀନ ଘର ଉପରେ ଜିଏସଟିକୁ ୫ ପ୍ରତିଶତକୁ ହ୍ରାସ କରିଛନ୍ତି ଜିଏସଟି କାଉନସିଲ ।
କନକ ବ୍ୟୁରୋ: ଶସ୍ତା ହେଲା ଘର କିଣିବା । ନିର୍ମାଣଧୀନ ଘର ଉପରେ ଜିଏସଟିକୁ ୫ ପ୍ରତିଶତକୁ ହ୍ରାସ କରିଛନ୍ତି ଜିଏସଟି କାଉନସିଲ । ପୂର୍ବରୁ ଏହା ଉପରେ ଜିଏସଟି ୧୨ ପ୍ରତିଶତ ଥିଲା । ମେଟ୍ରୋ ସହରରେ ୬୦ ବର୍ଗ ମିଟର ଓ ୪୫ ଲକ୍ଷ ଟଙ୍କାର ଘର ଉପରେ ଏବଂ ଅନ୍ୟ ସହରରେ ୯୦ ବର୍ଗ ମିଟର ଘର ଉପରେ ୫ ପ୍ରତିଶତ ଜିଏସଟି ଲାଗୁ ହେବ । ଏପ୍ରିଲ ୧ ତାରିଖରୁ ନୂଆ ଜିଏସଟି ଲାଗୁ ହେବ ।
Kanak News is now on WhatsApp
Join and get latest news updates delivered to you via WhatsApp
କେନ୍ଦ୍ର ସରକାର ନିର୍ବାଚନ ପୂର୍ବରୁ ଘର କିଣିବାକୁ ଚାହୁଁଥିବା ଲୋକମାନଙ୍କୁ ଜିଏସଟି ଜରିଆରେ ଏକ ବଡ ଉପହାର ପ୍ରଦାନ କରିଛନ୍ତି । ଜିଏସଟି କାରଣରୁ ଅନେକ ଲୋକ ଘର କିଣିବାକୁ ଚାହୁଁଥିଲେ ମଧ୍ୟ ଘର କିଣିବା ସମ୍ଭବ ହୋଇପାରୁନଥିଲା । କିନ୍ତୁ ଏବେ କେନ୍ଦ୍ର ସରକାର ନିର୍ମାଣଧିନ ଘର ଉପରେ ଜିଏସଟି ହ୍ରାସ କରିବା ପରେ ଲୋକମାନଙ୍କୁ ଆଶ୍ୱସ୍ତି ମିଳିଛି । ରବିବାର ହୋଇଥିବା ବୈଠକରେ ଜିଏସଟି ସମ୍ପର୍କରେ ଆଲୋଚନା କରି ନିଷ୍ପତି ନିଆଯାଇଛି । ଏହି ପ୍ରସଙ୍ଗରେ ଜେଟଲୀ କହିଛନ୍ତି, ଜିଏସଟି ଦର ହ୍ରାସ ହେବା ଦ୍ୱାରା ଘର ନିର୍ମାଣ କ୍ଷେତ୍ରରେ ନିଶ୍ଚିତ ଭାବେ ଲୋକମାନେ ଏହାର ଫାଇଦା ପାଇପାରିବେ । ଅର୍ଥମନ୍ତ୍ରୀ ଅରୁଣ ଜେଟଲୀ ଏହା ମଧ୍ୟ କହିଛନ୍ତି କି, ଲଟେରି ଉପରେ ଲାଗୁଥିବା ଜିଏସଟି ସମ୍ପର୍କରେ ନେବାକୁ ଥିବା ନିଷ୍ପତିକୁ ବର୍ତମାନ ପାଇଁ ଟାଳି ଦିଆଯାଇଛି । ଏହା ସମ୍ପର୍କରେ ଆଉ ଏକ ବୈଠକରେ ଆଲୋଚନା କରାଯିବ ।