ପ୍ରବଳ ବର୍ଷା ଯୋଗୁଁ ରାୟଗଡାରେ ବନ୍ୟା ବିପନ୍ନଙ୍କ ପାଖରେ ପହଂଚିପାରୁନି ରିଲିଫ ସାମଗ୍ରୀ !

0

କନକ ବ୍ୟୁରୋ : ରାୟଗଡାରେ ପ୍ରବଳ ବର୍ଷା ଯୋଗୁଁ ବନ୍ୟା ପରିସ୍ଥିତି ସୃଷ୍ଟି ହୋଇଥିବାବେଳେ ବନ୍ୟା ବିପନ୍ନଙ୍କ ପାଖରେ ରିଲିଫ ସାମଗ୍ରୀ ମଧ୍ୟ ପହଂଚିପାରୁନାହିଁ । ଲଗାତର ବର୍ଷା ଜାରି ରହିଥିବା ଯୋଗୁଁ କଲ୍ୟାଣସିଂହପୁର ବନ୍ୟା ବିପନ୍ନଙ୍କ ନିକଟରେ ରିଲିଫ ସାମଗ୍ରୀ ପହଂଚିପାରିନାହିଁ । ରିଲିଫ ସାମଗ୍ରୀ ନେଇ ରାୟଗଡାରୁ କଲ୍ୟାଣସିଂହପୁର ଯାଉଥିବା ଗାଡି ଗୁଡିକ ଅଧାରାସ୍ତାରେ ଅଟକ ରହିଛି ।

ଚାରିଆଡେ ପାଣି ଘେରି ରହିଥିବାରୁ ଗାଡି ଗୁଡିକ କଲ୍ୟାଣସିଂହପୁର ପର୍ଯ୍ୟନ୍ତ ଯାଇପାରୁନାହିଁ । ସେପଟେ ପ୍ରବଳ ବର୍ଷା ଯୋଗୁଁ କୋରାପୁଟର ଇନ୍ଦ୍ରାବତୀ ନଦୀରେ ଜଳସ୍ତର ବୃଦ୍ଧି ପାଇବାରେ ଲାଗିଛି । ଏହାକୁ ଦୃଷ୍ଟିରେ ରଖି କୋରାପୁଟ ଜିଲ୍ଲାପାଳ ସମସ୍ତ ସରକାରୀ କର୍ମଚାରୀଙ୍କ ଛୁଟି ବାତିଲ କରିଛନ୍ତି । କର୍ମଚାରୀଙ୍କୁ ଡ୍ୟୁଟିରେ ରହିବାକୁ ନିର୍ଦ୍ଦେଶ ଦିଆଯାଇଛି । ଇନ୍ଦ୍ରାବତୀର ଜଳସ୍ତର ବୃଦ୍ଧି ପାଉଥିଲେ ସୁଦ୍ଧା ବର୍ତ୍ତମାନ ଏହା ବିପଦ ସଙ୍କେତ ତଳେ ପ୍ରବାହିତ ହେଉଛି ।

Comments are closed.