ଜିଓ ଗ୍ରାହକଙ୍କ ପାଇଁ ଖୁସି ଖବର ! ଏଣିକି ଲାପଟପ ଓ ପିସିରେ ଦର୍ଶକ ପାଇବେ ଜିଓ ଟିଭିର ମଜା, ଲଞ୍ଚ ହେଲା ନୂଆ ଜିଓ ୱେବ ଭର୍ସନ
ପୁଣି ଏକ ନୂଆ ଘୋଷଣା କଲା ଜିଓ । ଏଣିକି ଲାପଟପ ଓ ପିସିରେ ମଧ୍ୟ ଜିଓ ଟିଭିର ମଜା ନେଇପାରିବେ ଗ୍ରାହକ । ଜିଓ ଟିଭି ଗ୍ରାହକଙ୍କ ପାଇଁ ଏକ ଖୁସି ଖବର । ଜିଓ ଟିଭିର ପ୍ରବଳ ଚାହିଦାକୁ ଦେଖି କମ୍ପାନି ପକ୍ଷରୁ ଏହି ବମ୍ପର ଅଫର ଘୋଷଣା କରାଯାଇଛି ।ଦୀର୍ଘ ଦିନ ଧରି ଜିଓ ଟିଭିର ୱେବ ଭର୍ସନ ପାଇଁ ଦର୍ଶକମାନେ ଡିମାଣ୍ଡ କରୁଥିଲେ । ଦର୍ଶକମାନେ http://jiotv.com/ କ୍ଲିକ୍ କରି ଏହି ଚ୍ୟାନେଲ ସବୁ ଦେଖିପାରିବେ ।
Kanak News is now on WhatsApp
Join and get latest news updates delivered to you via WhatsApp
ଚ୍ୟାନେଲ ଗୁଡକି ଉଭୟ ଏସଡି ଓ ଏଚଡି ଫର୍ମାଟରେ ଦେଖାଯାଇପାରିବ । ତେବେ ଅନଲାଇନରେ ଜିଓ ଚ୍ୟାନେଲ ଦେଖିବାକୁ ହେଲେ ଦର୍ଶକମାନଙ୍କୁ ନିଜର ଜିଓ ଆକାଉଣ୍ଟ ଖୋଲିବାକୁ ପଡିବ । କେବଳ ଜିଓ ୪ଜି ସିମ୍ ଥିବା ଗ୍ରାହକମାନେ ଏହି ସେବା ପାଇପାରିବେ । ପ୍ରାୟ ୫୫୦ଟି ଲାଇଭ ଟିଭି ଚ୍ୟାନେଲ ପ୍ରଦାନ କରୁଥିବା ଜିଓ ଟିଭି ଏବେ ଦେଶର ବୃହତ୍ତମ କଣ୍ଟେଣ୍ଟ ସେୟାରିଂ ପ୍ଲାଟଫର୍ମ । ଏ କ୍ଷେତ୍ରରେ ଜିଓ ନିଜର ପ୍ରତିଦ୍ୱନ୍ଦୀ ଏୟାରଟେଲ ଟିଭି, ଭୋଡାଫୋନ ପ୍ଲେ, ଆଇଡିଆ ମୁଭିଜ୍ ଏଣ୍ଡ ଟିଭିଠାରେ ବେଶ୍ ଆଗୁଆ ଅଛି ।
ଜିଓଟିଭି ଏବେ ୧୭୪ଟି ନ୍ୟୁଜ ଚ୍ୟାନେଲ ଓ ୮ଟି ବିଜନେସ ଚ୍ୟାନେଲ, ୧୦୬ ମନୋରଂଜନ ଚ୍ୟାନେଲ, ୪୪ଟି ସିନେମା ଚ୍ୟାନେଲ ଓ ୩୪ଟି ଇନଫୋଟେନମେଣ୍ଟ ଚ୍ୟାନେଲ,୨୬ଟି କିଡ୍ ଚ୍ୟାନେଲ ଓ ୪୧ଟି ଭକ୍ତିରସାତ୍ମକ ଚ୍ୟାନେଲ ପ୍ରଦାନ କରୁଛି ।