ସାଲେପୁର : ଖୋଲିବ ଓଡିଶା ଆତଙ୍କବାଦୀ ଲିଙ୍କର ଗୁମର । ଏକ୍ୟୁଆଇଏସ୍ ଆତଙ୍କବାଦୀ ଅବଦୁର ରେହମାନକୁ ୧୦ଦିନିଆ ରିମାଣ୍ଡରେ ନେଇଛି ଓଡିଶା କ୍ରାଇମବ୍ରାଂଚ । ସାଲେପୁର ଜେଏମଏଫଏସି କୋର୍ଟ ରିମାଣ୍ଡ ଅନୁମତି ଦେଇଛି । ରିମାଣ୍ଡରେ ନେଇ ଓଡିଶାରେ ଆତଙ୍କବାଦୀ ଲିଙ୍କ ନେଇ ରେହମାନକୁ ପଚରାଉଚରା କରିବ କ୍ରାଇମବ୍ରାଂଚ । ତିହାର ଜେଲରୁ କଡା ସୁରକ୍ଷା ଭିତରେ ରେହମାନକୁ ଓଡିଶା ଅଣାଯାଇ ଆଜି ସାଲେପୁର କୋର୍ଟରେ ହାଜର କରାଯାଇଛି । ହାଜର ପରେ ୧୦ ଦିନିଆ ରିମାଣ୍ଡରେ ନେବାକୁ କ୍ରାଇମବ୍ରାଂଚ ଆବେଦନ କରିଥିଲା । କଟକ ଜିଲ୍ଲା ଜଗତପୁର ପଶ୍ଚିମକଛରୁ ମୌଲାନା ଅବଦୁର ରେହମାନକୁ ଗିରଫ କରିଥିଲା ଦିଲ୍ଲୀ ପୁଲିସ । ରେହମାନର ଆତଙ୍କବାଦୀ ଲିଙ୍କ ନେଇ ଖବର ପାଇ ଦିଲ୍ଲୀ ପୁଲିସ କମିସନରେଟ ପୁଲିସ ସହାୟତାରେ ଗିରଫ କରିଥିଲା । ରେହମାନ୍ ବାଙ୍କୀରେ ଏକ ମଦ୍ରାସା କରି ସେଠାରେ ପଢୁଥିବା ପିଲାଙ୍କୁ ଆତଙ୍କବାଦ ବାବଦରେ ପ୍ରୋତ୍ସାହନ ଦେଉଥିଲେ । ଏହାସହ ସେ ଅଲକାଏଦାରେ ନିଯୁକ୍ତି ଦେଉଥିଲା ।
Kanak News is now on WhatsApp
Join and get latest news updates delivered to you via WhatsApp
ସେପଟେ ମୋ ଭାଇ ସଂପୂର୍ଣ୍ଣ ନିର୍ଦୋଷ ବୋଲି କହିଛନ୍ତି ଆତଙ୍କବାଦୀ ଅବଦୁର ରେହମାନର ବଡଭାଇ ତାହିର ଅଲ୍ଲୀ ଖାନ । ଉଦ୍ଦେଶ୍ୟମୂଳକ ଭାବେ ତାଙ୍କୁ ଆତଙ୍କବାଦୀ ଭାବେ ଚିତ୍ରଣ କରାଯାଉଛି । ଦେଶକୁ ମୁସଲମାନ ମୁକ୍ତ କରିବାକୁ ଚାହୁଁଛନ୍ତି ନରେନ୍ଦ୍ର ମୋଦି । ରାଜ୍ୟ ସରକାର ମଧ୍ୟ ସମାନ ଧାରା ଅବ୍ୟାହତ କରିଛନ୍ତି । ଭାଇକୁ ନ୍ୟାୟ ପାଇଁ ଆମେ କୋର୍ଟଙ୍କ ଦ୍ୱାରସ୍ଥ ହେବୁ ବୋଲି ସେ କହିଛନ୍ତି ।