କନକ ବ୍ୟୁରୋ : ୨ ଲକ୍ଷ ଜମା କରିଥିବା ବ୍ୟକ୍ତିଙ୍କ ବଢିଲା ଚିନ୍ତା । ତଦନ୍ତ ପରିସରକୁ ଆସିପାରେ ଖାତା । ଯେଉଁମାନଙ୍କ ବ୍ୟାଙ୍କ ଖାତାରେ ୨ ଲକ୍ଷ ଟଂକାରୁ ଅଧିକ ଜମା ରାଶି ନଥିଲା ଏବଂ ବିମୁଦ୍ରାକରଣ ପରେ ଏହି ପରିମାଣର ରାଶି ରହିଛି ସେମାନଙ୍କ ଚିନ୍ତା ବଢିଯାଇଛି । ଏହି ଖାତା ଗୁଡିକ ଉପରେ ସରକାର ନଜର ରଖିଛନ୍ତି ଏବଂ ଭାରତୀୟ ରିଜର୍ଭ ବ୍ୟାଙ୍କ ଦ୍ୱାରା ଏଗୁଡିକ ଯାଂଚ ହେବ । ଯଦି କୌଣସି ସନ୍ଦେହଜନକ କାରବାର ହୋଇଥିବା ରିଜର୍ଭ ବ୍ୟାଙ୍କ ଅନୁଭବ କରେ ତେବେ ସେହି ଖାତା ଗୁଡିକର ତଦନ୍ତ କରିବାକୁ ଆୟକର ବିଭାଗକୁ ସୂଚନା ଦେବା ସମ୍ଭାବନା ରହିଛି ।
Kanak News is now on WhatsApp
Join and get latest news updates delivered to you via WhatsApp
ବିମୁଦ୍ରାକରଣ ପରେ ଦେଶର ବ୍ୟାଙ୍କିଙ୍ଗ ବ୍ୟବସ୍ଥାକୁ ଯେଭଳି କଳା ଟଙ୍କାକୁ ଧଳା କରିବା ଲାଗି ଅପବ୍ୟବହାର କରାନଯାଏ ତାକୁ ନିଶ୍ଚିତ କରିବାକୁ କେନ୍ଦ୍ରୀୟ ବ୍ୟାଙ୍କ୍ ଉଦ୍ୟମ ଆରମ୍ଭ କରିଛି । ତେଣୁ ୨ ଲକ୍ଷ ଟଙ୍କାରୁ ଅଧିକ ଜମା ହୋଇଥିବା ଖାତା ସମ୍ପର୍କରେ ସୂଚନା ଦେବାକୁ ବ୍ୟାଙ୍କ ଗୁଡିକୁ କହିଛି ରିଜର୍ଭ ବ୍ୟାଙ୍କ । ପୂର୍ବରୁ ଅଢେଇ ଲକ୍ଷରୁ ଅଧିକ ଟଂକା ଜମା କରୁଥିବା ଲୋକଙ୍କ ଖାତା ଗୁଡିକ ଯାଂଚ ପରିସରଭୁକ୍ତ ହେବ ବୋଲି ସରକାର କହିଥିଲେ । ଏବେ ଏହି ସୀମା ୨ ଲକ୍ଷ ଟଂକାକୁ ହ୍ରାସ ପାଇଛି ।