ଆରବିଆଇ ଜାରି କଲା ନୂଆ ୧୦୦ ଟଙ୍କିଆ ନୋଟର ଫଟୋ । ଜାଣନ୍ତୁ କଣ ରହିଛି ନୂଆ ଫିଚର୍ସ
ଭାରତୀୟ ରିଜର୍ଭ ବ୍ୟାଙ୍କ ଖୁବଶୀଘ୍ର ନୂଆ ୧୦୦ ଟଙ୍କିଆ ନୋଟ ଜାରି କରିବାକୁ ଯାଉଛି । ଏହି ନୂଆ ୧୦୦ ଟଙ୍କିଆ ନୋଟର ରଙ୍ଗ ବାଇଗଣୀ ରହିବ । ଏହି ନୂଆ ୧୦୦ ଟଙ୍କିଆ ନୋଟର ଫଟୋ ଆରବିଆଇ ଜାରି କରିଛି । ପୁରୁଣା ନୋଟ ଭଳି ନୂଆ ନୋଟଟି ମଧ୍ୟ ମହାତ୍ମା ଗାନ୍ଧି ସିରିଜରେ ଜାରି କରାଯିବ । ତା ଛଡା ଏହି ନୋଟରେ ଗୁଜରାଟ ରାଣୀଙ୍କର ମହଲର ଫଟୋ ମଧ୍ୟ ସ୍ଥାନ ପାଇଛି ।
Kanak News is now on WhatsApp
Join and get latest news updates delivered to you via WhatsApp
Will shortly issue Rs 100 denomination banknotes .This new denomination has motif of “RANI KI VAV” on the reverse, depicting the country’s cultural heritage. The base colour of the note is Lavender. The existing 100 rupee note will continue to be legal tender: RBI pic.twitter.com/68HdtAW9m2
— ANI (@ANI) July 19, 2018
ନୂଆ ୧୦୦ ଟଙ୍କିଆ ନୋଟର ଡିଜାଇନରେ ବେଶି ପରିବର୍ତ୍ତନ କରାଯାଇନାହିଁ । ଏହାର ଲମ୍ବ ୬୬ ଏମଏମ ଓ ଚଉଡା ୧୪୨ ଏମଏମ ରହିଛି । ତେବେ ଏହି ନୂଆ ନୋଟ ଜାରି କରାଯିବା ପରେ ପୁରୁଣା ୧୦୦ ଟଙ୍କିଆ ନୋଟର ପ୍ରଚଳନ ଜାରି ରହିବ । ଏହାକୁ ଅଗଷ୍ଟ ମାସରେ ଜାରି କରାଯିବ ବୋଲି ଜଣାପଡିଛି । ଏହି ନୂଆ ନୋଟର ସାଇଜ ଏବେ ପ୍ରଚଳିତ ହେଉଥିବା ୫୦୦ ଟଙ୍କିଆ ନୋଟର ସାଇଜ ସହ ସମାନ ରହିବ ।
ଏହି ନୂଆ ୧୦୦ ଟଙ୍କିଆ ନୋଟରେ ଦେବନାଗରୀ ଭାଷାରେ ୧୦୦ ଲେଖାଯାଇଛି ।
ନୋଟର ମଝିରେ ମହାତ୍ମା ଗାନ୍ଧିଙ୍କ ଚିତ୍ର ରହିଛି
ନୂଆ ନୋଟର ସମ୍ମୁଖ ଭାଗରେ ଛୋଟ ଅକ୍ଷରରେ ଆରବିଆଇ, ଭାରତ, ଇଣ୍ଡିଆ ଓ ୧୦୦ ଲେଖାଯାଇଛି ।
ଏହାଛଡା ଏହି ନୂଆ ନୋଟରେ ୧୫ଟି ଭାଷାରେ ୧୦୦ ଟଙ୍କା ଲେଖା ରହିଛି ।
ନୂଆ ନୋଟର ସୁରକ୍ଷା ଉପରେ ମଧ୍ୟ ଧ୍ୟାନ ଦିଆଯାଇଛି । ଏଥିପାଇଁ ଏଥିରେ ସିକ୍ୟୁରିଟି ଥ୍ରେଡ ଲଗାଯାଇଛି । ଯାହାଦ୍ୱାରା ନୋଟକୁ ମୋଡିଲେ ଥ୍ରେଡର ରଙ୍ଗ ବାଇଗଣୀ ବଦଳରେ ସବୁଜ ରଙ୍ଗ ହୋଇଯାଇଥାଏ । ଏହି ନୂଆ ନୋଟରେ ଅଶୋକ ସ୍ତମ୍ଭ ଡାହାଣ ପାଶ୍ୱର୍ରେ ଅଙ୍କିତ ରହିଛି । ନୂଆ ନୋଟ ପଛରେ ପ୍ରିଣ୍ଟିଂର ବର୍ଷ ଉଲ୍ଲେଖ ରହିବ । ସ୍ୱଚ୍ଛ ଭାରତର ଲୋଗୋ ମଧ୍ୟ ଏହି ନୂଆ ନୋଟରେ ସ୍ଥାନ ପାଇଛି