ପାଂଚ ହଜାର ଟପିଲେ ପ୍ରଶ୍ନ ! ଆକାଉଂଟରେ ଜମା ପାଇଁ ଆରବିଆଇ ବଦଳାଇଲା ନିୟମ
କନକ ବ୍ୟୁରୋ : ଅଚଳ ନୋଟ୍ ଜମା ଉପରେ ଆରବିଆଇର ନୂଆ କଟକଣା । ପୁରୁଣା ୫ଶହ ଓ ହଜାରେ ଟଙ୍କିଆ ନୋଟ୍ ଅଚଳ କରିବାରେ ଅତିରିକ୍ତ କଟକଣା ଲଗାଇଛି ଭାରତୀୟ ରିଜର୍ଭ ବ୍ୟାଙ୍କ । ଡିସେମ୍ବର ୩୦ମଧ୍ୟରେ ୫ହଜାରରୁ ଅଧିକ ଅଚଳ ନୋଟ୍ ଗୋଟିଏ ଆକାଉଂଟରେ କେବଳ ଥରଟିଏ ଜମା କରିହେବ ବୋଲି ଆରବିଆଇ ନିୟମ କରିଛି ।
Kanak News is now on WhatsApp
Join and get latest news updates delivered to you via WhatsApp
ଏହା ସହ ବ୍ୟାଙ୍କ ଅଧିକାରୀଙ୍କୁ କାହିଁକି ବର୍ତମାନ ସୁଦ୍ଧା ଏହି ଅଚଳ ଟଙ୍କା ଜମା ହୋଇନଥିଲା ତାହା ସନ୍ତୋଷଜନକ ଉତର ଦେବାକୁ ପଡିବ । ଏହି ତଥ୍ୟକୁ ବ୍ୟାଙ୍କ ଅଡିଟ୍ ପାଇଁ ଲିପିବଦ୍ଧ କରି ରଖିବ । ଅନ୍ୟପଟେ ଅଧିକ ଅଘୋଷିତ କଳାଧନକୁ ପ୍ରଧାନମନ୍ତ୍ରୀ ଗରିବ କଲ୍ୟାଣ ଯୋଜନାରେ ଜମା କରାଯାଇପାରିବ ଏବଂ ଏହାର ୫୦ ଭାଗ ଜରିମାନା ଓ କର ଆକାରରେ କାଟିନିଆଯିବ ।
୨୫ ଭାଗ ଅର୍ଥ ୪ ବର୍ଷର ଲକିଂ ସମୟ ଅବଧି ମଧ୍ୟରେ ଜମାରହିବାର ନିୟମ ରହିଛି । ନଭେମ୍ବର ୮ତାରିଖରେ ବିମୁଦ୍ରାକରଣ ଘୋଷଣା କରିଥିଲେ ପ୍ରଧାନମନ୍ତ୍ରୀ । ଏଥିସହ ଅଚଳ ୫ଶହ ଓ ହଜାରେ ଟଙ୍କିଆ ନୋଟକୁ ବ୍ୟାଙ୍କ ଆକାଉଂଟରେ ଜମା କରିବାକୁ ଡିସେମ୍ବର ୩୦ ଯାଏଁ ୫୦ଦିନିଆ ମହଲତ ଦେଇଥିଲେ କେନ୍ଦ୍ର ସରକାର । କଳାଧନ ଜମାକାରୀ ବ୍ୟାଙ୍କ ଆକାଉଂଟ ଜରିଆରେ ଅଘୋଷିତ ଟଙ୍କାକୁ ଧଳା କରୁଥିବା ବେଳେ ଏଥିରେ ରୋକ୍ ଲଗାଇବା ପାଇଁ ଆରବିଆଇ ଏହି ନୂଆ ନିୟମ ଜାରି କରିଛି ।