ଆରବିଆଇର ସ୍ପଷ୍ଟିକରଣ ! ନୂଆ ୫୦୦ ଟଙ୍କିଆ ନୋଟ୍ ଓଡିଶାରେ ପହଂଚିବାକୁ ଲାଗିବ କିଛି ସମୟ
କନକ ବ୍ୟୁରୋ : ନାସିକ୍ ପ୍ରେସ୍ରୁ ନୂଆ ୫୦୦ ଟଙ୍କିଆ ନୋଟ୍ ଆରବିଆଇ ପାଖକୁ ପଠାଇ ଦିଆଯାଇଛି । ତେବେ ଏହି ନୋଟ୍ ଭୁବନେଶ୍ୱରରେ ଦିନେ ଦୁଇ ଦିନ ଭିତରେ ପହଞ୍ଚିବାର କମ ସମ୍ଭାବନା ରହିଛି । କାରଣ ନୋଟ୍ଗୁଡ଼ିକ ମୁମ୍ବାଇସ୍ଥିତ ଆରବିଆଇ କାର୍ଯ୍ୟାଳୟରୁ ବିଭିନ୍ନ ସ୍ଥାନକୁ ପଠାଯିବ ।
Kanak News is now on WhatsApp
Join and get latest news updates delivered to you via WhatsApp
ଆରବିଆଇର ଭୁବନେଶ୍ୱର ଆଞ୍ଚଳିକ କାର୍ୟ୍ୟାଳୟର ଜଣେ ଅଧିକାରୀଙ୍କ କହିବାନୁସାରେ ନୋଟ୍ଗୁଡ଼ିକୁ ଆରବିଆଇ ପକ୍ଷରୁ ଟ୍ରେନ୍ କିମ୍ବା ସ୍ୱତନ୍ତ୍ର ଯାନ ଜରିଆରେ ବିଭିନ୍ନ ଆଞ୍ଚଳିକ କାର୍ଯ୍ୟାଳୟକୁ ପଠାଯିବ ।
ଯଦି ସେହି ଉପାୟରେ ଓଡ଼ିଶାକୁ ଟଙ୍କା ପଠାଯିବ ତେବେ ଦିନେ ଦୁଇ ଦିନ ଭିତରେ ତାହା ପହଞ୍ଚିବ ନାହିଁ । ଦୁର୍ଗମ ଅଞ୍ଚଳଗୁଡ଼ିକୁ ଆରବିଆଇ ପକ୍ଷରୁ ଟଙ୍କାକୁ ଏୟାରଲିଫ୍ଟ କରାଯାଇଥାଏ, ଅର୍ଥାତ ବିମାନ ଜରିଆରେ ଟଙ୍କା ପଠାଯାଇଥାଏ ।
ଏହି ବ୍ୟବସ୍ଥାରେ ଯଦି ଟଙ୍କା ପଠାଯିବ ତେବେ ଓଡ଼ିଶାରେ ନୂଆ ୫୦୦ ଟଙ୍କିଆ ନୋଟ୍ ଶୀଘ୍ର ପହଞ୍ଚିପାରିବ । କିନ୍ତୁ ଏହାର ବହୁତ କମ ସମ୍ଭାବନା ରହିଛି ।