କନକ ବ୍ୟୁରୋ : ରାୟଗଡାର ଅଧିଷ୍ଟାତ୍ରୀ ଦେବୀ ମା’ ମଝିଘରିଆଣୀ । ଚଳିତ ବର୍ଷ ଦ୍ୱିତୀୟ ଥର ପାଇଁ ଖୋଲା ଯାଇଛି ମନ୍ଦିରର ହୁଣ୍ଡି । ଗତ ମାର୍ଚ୍ଚ ୨୮ ତାରିଖରେ ପ୍ରଥମଥର ପାଇଁ ଖୋଲାଯାଇଥିଲା ମା’ଙ୍କ ମନ୍ଦିର ହୁଣ୍ଡି । ଚଳିତଥର ହୁଣ୍ଡି ଖୋଲିଲା ପରେ ହୁଣ୍ଡିରୁ ବାହାରିଛି ବହୁ ପୁରୁଣା ଅଚଳ ୧ହଜାର ଓ ୫ଶହ ଟଙ୍କିଆ ନୋଟ୍ । ବର୍ତ୍ତମାନ ସୁଦ୍ଧା ୧୧ଲକ୍ଷ ଟଙ୍କାର ଅଚଳ ୧ହଜାର ଓ ୫ଶହ ଟଙ୍କିଆ ନୋଟ ମିଳିଥିବା ବେଳେ ଏହାର ପରିମାଣ ବୃଦ୍ଧି ପାଇପାରେ ବୋଲି ଆଶଙ୍କା କରାଯାଉଛି ।
Kanak News is now on WhatsApp
Join and get latest news updates delivered to you via WhatsApp
ଗତଥର ହୁଣ୍ଡିରୁ ୩୦ଲକ୍ଷରୁ ଉର୍ଦ୍ଧ୍ୱ ଟଙ୍କା ଆଦାୟ ହୋଇଥିବା ବେଳେ ଚଳିତବର୍ଷ ୫୦ଲକ୍ଷରୁ ଉର୍ଦ୍ଧ୍ୱ ବାହାରିବା ନେଇ ଆଶା କରାଯାଉଛି । ଚଳିତଥର ହୁଣ୍ଡି ଟଙ୍କା ଗଣିବା ଦାୟିତ୍ୱ ଆନ୍ଧ୍ର ବ୍ୟାଙ୍କ ନେଇଥିବା ବେଳେ ସେମାନଙ୍କୁ ସାହାଯ୍ୟ କରୁଛନ୍ତି ସତ୍ୟସାଇ ସେବା ସମିତି ଓ ଭେଙ୍କେଟେଶ୍ୱର ମନ୍ଦିର କମିଟି । ଆଦାୟ ଟଙ୍କା ଆନ୍ଧ୍ର ବ୍ୟାଙ୍କରେ ଜମା କରାଯିବ ବୋଲି ମନ୍ଦିର କମିଟି ସୂଚନା ଦେଇଛି ।