ମୋତେ ଜହ୍ଲାଦ ଭାବେ ନିଯୁକ୍ତି କର, ମୁଁ ନିର୍ଭୟା ଗଣଦୁଷ୍କର୍ମର ଅଭିଯୁକ୍ତଙ୍କୁ ଫାଶୀ ଦେବି । ରାଷ୍ଟ୍ରପତିଙ୍କୁ ଚିଠି ଲେଖି ଏଭଳି ଅନୁରୋଧ କଲେ ଯୁବକ ।
ନିର୍ଭୟା ଗଣଦୁଷ୍କର୍ମ ମାମଲାର ଅଭିଯୁକ୍ତଙ୍କୁ ଫାଶୀ ଦେବାକୁ ଜହ୍ଲାଦ ହେବାକୁ ପ୍ରସ୍ତୁତ ହିମାଚଳ ପ୍ରଦେଶର ଜଣେ ଯୁବକ । ନିର୍ଭୟା ଗଣଦୁଷ୍କର୍ମ ମାମଲାରେ ଅଭିଯୁକ୍ତଙ୍କ ରାଜକ୍ଷମା ଆବେଦନ ଉପରେ ଏଯାଏଁ ରାଷ୍ଟ୍ରପତି ଅନ୍ତିମ ନିଷ୍ପତି ନେଇନାହାନ୍ତି । କିନ୍ତୁ ଏହାପୂର୍ବରୁ ହିମାଚଳ ପ୍ରଦେଶର ଯୁବକ ରବି କୁମାର ତିହାର ଜେଲରେ ଅସ୍ଥାୟୀ ଜହ୍ଲାଦ ଭାବେ ତାଙ୍କୁ ନିଯୁକ୍ତି ଦେବାକୁ ରାଷ୍ଟ୍ରପତି ରାମନାଥ କୋବିନ୍ଦଙ୍କୁ ଚିଠି ଲେଖି ଅନୁରୋଧ କରିଛନ୍ତି । ଯାହାଦ୍ୱାରା ସେ ନିର୍ଭୟା ଗଣଦୁଷ୍କର୍ମକାରୀଙ୍କୁ ଫାଶୀ ଦେଇପାରିବେ । କାରଣ ଏବେ ତିହାର ଜେଲରେ କୌଣସି ଜହ୍ଲାଦ ନାହାନ୍ତି ।
Kanak News is now on WhatsApp
Join and get latest news updates delivered to you via WhatsApp
ରବି କୁମାର ରାଷ୍ଟ୍ରପତିଙ୍କୁ ଦେଇଥିବା ଚିଠିରେ ଉଲ୍ଲେଖ କରିଛନ୍ତି ଯେ, ମୋତେ ଅସ୍ଥାୟୀ ଜହ୍ଲାଦ ଭାବେ ନିଯୁକ୍ତ କରାଯାଉ ଯାହାଦ୍ୱାରା ନିର୍ଭୟା ଗଣଦୁଷ୍କର୍ମର ଅଭିଯୁକ୍ତଙ୍କୁ ଅତିଶୀଘ୍ର ଫାଶୀ ଦିଆଯାଇପାରିବ । ଯାହା ନିର୍ଭୟାର ଆତ୍ମାକୁ ଶାନ୍ତି ପ୍ରଦାନ କରିବ । କାରଣ ତିହାର ଜେଲରେ ଜହ୍ଲାଦ ନଥିବା କାରଣରୁ ନିର୍ଭୟା ଗଣଦୁଷ୍କର୍ମ ମାମଲାର ଅଭିଯୁକ୍ତଙ୍କୁ ଫାଶୀ ଦେବାରେ ବିଳମ୍ବ ହେଉଥିବା ଚର୍ଚ୍ଚା ହେଉଛି ।
Himachal Pradesh: Ravi Kumar, from Shimla has written to President Kovind to appoint him as temporary executioner in Delhi’s Tihar Jail as there is no executioner there.He states, “Appoint me executioner so ‘Nirbhaya’ case convicts can be hanged soon & her soul rests in peace”. pic.twitter.com/fqZLarNZIQ
— ANI (@ANI) December 4, 2019
ଏହାପୂର୍ବରୁ ନିର୍ଭୟା ଗଣଦୁଷ୍କର୍ମ ମାମଲାର ୪ ଅଭିଯୁକ୍ତଙ୍କ ମଧ୍ୟରୁ ଜଣେ ଅଭିଯୁକ୍ତ ନଭେମ୍ବର ୪ରେ ରାଜକ୍ଷମା ପାଇଁ ରାଷ୍ଟ୍ରପତିଙ୍କ ନିକଟରେ ଆବେଦନ କରିଥିଲେ । ରାଷ୍ଟ୍ରପତି ଏହି ରାଜକ୍ଷମା ଆବେଦନ ଖାରଜ କରିବା ମାତ୍ରେ ଅଭିଯୁକ୍ତଙ୍କ ବିରୋଧରେ ବ୍ଲାକ ୱାରେଣ୍ଟ ଜାରି କରାଯିବ । ଅଭିଯୁକ୍ତଙ୍କୁ ଫାଶୀ ଦିଆଯିବା ନେଇ ପ୍ରସ୍ତୁତି ଆରମ୍ଭ କରାଯିବ । ତେଣୁ ରାଷ୍ଟ୍ରପତିଙ୍କ ନିର୍ଦ୍ଦେଶକୁ ପୂରା ଦେଶବାସୀ ଅପେକ୍ଷା କରି ରହିଛନ୍ତି ।
୨୦୧୨ରେ ହୋଇଥିବା ନିର୍ଭୟା ଗଣଦୁଷ୍କର୍ମ ମାମଲାର ୬ ଅଭିଯୁକ୍ତଙ୍କ ମଧ୍ୟରୁ ଜଣେ ନାବାଳକ ଅଭିଯୁକ୍ତ ମଧ୍ୟ ରହିଥିଲା । ତେବେ ୧୮ ବର୍ଷ ହେବା ପରେ ଉକ୍ତ ଅଭିଯୁକ୍ତଙ୍କୁ ଛାଡି ଦିଆଯାଇଥିଲା । ଅନ୍ୟ ଅଭିଯୁକ୍ତ ରାମ ସିଂ ତିହାର ଜେଲ ମଧ୍ୟରେ ଫାଶୀ ଦେଇ ଆତ୍ମହତ୍ୟା କରିଥିଲେ । ଅନ୍ୟ ୪ ଅଭିଯୁକ୍ତଙ୍କୁ ଫାଶୀ ଦଣ୍ଡାଦେଶ ପାଇଁ ହାଇକୋର୍ଟ ଓ ସୁପ୍ରିମକୋର୍ଟ ରାୟ ଦେଇଛନ୍ତି ।