ପୁରଣା ଦିନର ସ୍ମୃତି ସାଉଁଟିଲେ ରେଭେନ୍ସାର ପୁରାତନ ଛାତ୍ର : ୧୫୦ ବର୍ଷ ପୂର୍ତ୍ତି ଅବସରରେ ବହୁ ବିଶିଷ୍ଟ ପୁରାତନ ଛାତ୍ର ହେଲେ ଏକାଠି
କନକ ବ୍ୟୁରୋ : ରେଭେନ୍ସାର କୃତିଛାତ୍ରଛାତ୍ରୀଙ୍କ ପାଇଁ ପୁରାତନ ଛାତ୍ର ସଂଗଠନ ଗଢିଛି ଏକ ପାଣ୍ଠି । ସଦସ୍ୟଙ୍କ ଦାନ ଆଧାରରେ ପରିପୃଷ୍ଟ ହେବ ଏହି ପାଣ୍ଠି ବୋଲି ଘୋଷଣା କରିଛନ୍ତି ସଂଗଠନର ସଭାପତି ସୌମ୍ୟରଂଜନ ପଟ୍ଟନାୟକ । ଆଜି ଅନୁଷ୍ଠିତ ମହାମିଳନ ଅବସରରେ ପ୍ରଥମ ଦିନ ହିଁ ଆଦାୟ ହୋଇଛି ୨ ଲକ୍ଷ ଟଙ୍କା । ଏହା ସହ ପୁରାତନ ଛାତ୍ରଛାତ୍ରୀମାନେ ଅକୁଣ୍ଠ ଚିତ୍ତରେ ଏହି ପାଣ୍ଠିକୁ ଦାନ କରିବାକୁ ଆହ୍ୱାନ ଦେଇଥିଲେ ସୌମ୍ୟରଂଜନ । ଫଳରେ ଜଣେ ମେଧାବୀ ବିଦ୍ୟାର୍ଥୀ ପାଇଁ ଅର୍ଥ ବାଧକ ହେବ ନାହିଁ ବୋଲି ସେ କହିଥିଲେ ।
Kanak News is now on WhatsApp
Join and get latest news updates delivered to you via WhatsApp
ଦୀର୍ଘ ଦେଢଶହ ବର୍ଷର ଇତିହାସରେ ପ୍ରଥମ ଥର ପାଇଁ ରେଭେନ୍ସା ପରିସରରେ ଏକାଠି ହୋଇଥିଲେ ଏହି ଐତିହାସିକ ଅନୁଷ୍ଠାନର ସବୁ ସମୟର ଛାତ୍ରଛାତ୍ରୀ । ଆଜି ଆୟୋଜିତ ହୋଇଯାଇଛି ରେଭେନ୍ସା ପୁରାତନ ଛାତ୍ରଛାତ୍ରୀଙ୍କ ମହାମିଳନ । ଏହି ଉତ୍ସବରେ ଦେଶ ବିଦେଶରୁ ପ୍ରାୟ ୩ ହଜାର ଛାତ୍ରଛାତ୍ରୀ ସାମିଲ ହୋଇଥିଲେ । ଏହା ସହ ନିଜ ନିଜ କ୍ଷେତ୍ରରେ ଉତ୍କର୍ଷତା ଲାଭ କରିଥିବା ଶହେରୁ ଅଧିକ ଛାତ୍ରଛାତ୍ରୀଙ୍କୁ ସମ୍ବର୍ଧିତ କରାଯାଇଛି । ଏଣିକି ପ୍ରତିବର୍ଷ ଜାନୁଆରୀ ଶେଷ ରବିବାରରେ ରେଭେନ୍ସା ବିଶ୍ୱବିଦ୍ୟାଳୟ ପୁରାତନ ଛାତ୍ରଙ୍କ ଦିନ ଭାବେ ଘୋଷଣା କରା ଯାଇଛି । ବହୁ ବିଶିଷ୍ଟ ବ୍ୟକ୍ତି ଆଜିର ଏହି ମହାମିଳନରେ ନିଜର କଲେଜ ଦିନର ସ୍ମୃତି ଚାରଣ କରିଛନ୍ତି ।