ରାସନକାର୍ଡ ବଂଟନରେ ଅନିୟମିତତା ନେଇ ଆଜି ବିଜେପିର ରାଜ୍ୟବ୍ୟାପି ଆନ୍ଦୋଳନ
କନକ ବ୍ୟୁରୋ : ରାସନକାର୍ଡ ଅନିୟମିତତା ନେଇ ଆଜି ରାଜ୍ୟବ୍ୟାପି ଆନ୍ଦୋଳନ କରିବ ବିଜେପି । ରାସନକାର୍ଡ ବଂଟନରେ ଅନିୟମିତତା ପ୍ରତିବାଦରେ ଆଜି ୩୧୪ ବ୍ଲକରେ ଧାରଣା ଦେବ ବିଜେପି । ଦଳୀୟ ଚିହ୍ନ ଓ ସମର୍ଥନ ଦେଖି ବିଜେଡ଼ି ଅଯୋଗ୍ୟ ହିତାଧିକାରୀଙ୍କୁ ବି ରାସନକାର୍ଡ ତାଲିକାରେ ସାମିଲ କରିଥିବା ବିଜେପି ଅଭିଯୋଗ କରିଛି । ସେହିପରି ଅନେକ ଯୋଗ୍ୟ ହିତାଧିକାରଙ୍କୁ ତାଲିକାରୁ ବାଦ୍ ଦିଆଯାଇଥିବା ଅଭିଯୋଗ ହୋଇଛି। ଏହି ଅନିୟମିିତତା ପ୍ରତିବାଦରେ ଶାସକ ଦଳକୁ ଘେରିବାକୁ ଉଦ୍ୟମ କରିବ ବିଜେପି । ତେବେ ପୂର୍ବରୁ ବିଜେଡ଼ିର ବହୁ ନେତା ଓ କର୍ମୀ ବେଆଇନ୍ ଭାବେ ରାସନକାର୍ଡ ହାତେଇଥିବା ଘଟଣା ସାମ୍ମାକୁ ଆସିଛି । ଏମିତିକି ଅନେକ ସ୍ଥାନରେ ବେଆଇନ ଭାବେ ରାସନକାର୍ଡ ନେଇଥିବା ଲୋକଙ୍କୁ ପୁଲିସ୍ ବାନ୍ଧିଥିବା ବେଳେ ବହୁସ୍ଥାନରେ ବିଜେଡି ନେତାଙ୍କ ପ୍ରଭାବରେ ଅନେକ ଲୋକଙ୍କୁ ଛାଡ଼ି ଦିଆଯାଉଥିବା ବିଜେପି ଅଭିଯୋଗ କରିଛି।
Kanak News is now on WhatsApp
Join and get latest news updates delivered to you via WhatsApp