ଡାକ୍ତରଖାରନାରେ ମୂଷା ଆତଙ୍କ ! କୋମାରେ ଥିବା ରୋଗୀଙ୍କ ଆଖିଡ଼ୋଳା କାଟିଦେଲା ମୂଷା
କୌଣସି ଛୋଟମୋଟ ରୋଗ ଠାରୁ ଆରମ୍ଭ କରି ବଡ଼ ଧରଣର କିଛି ରୋଗ ହେଲେ ଆମେ ଡାକ୍ତରଖାନା ଯାଉ । ଆଘାତପ୍ରାପ୍ତ ବ୍ୟକ୍ତିଙ୍କ ପାଇଁ ସବୁଠାରୁ ସୁରକ୍ଷିତ ସ୍ଥାନ ହେଲା ଡାକ୍ତରଖାନା । ଆଉ ଅଧିକ ଗୁରୁତର ବ୍ୟକ୍ତିଙ୍କୁ ଆଇସିୟୁରେ ରଖାଯାଏ, ଯାହା ବିପଦମୁକ୍ତ ବୋଲି କୁହାଯାଏ । କିନ୍ତୁ ଯଦି ଡାକ୍ତରଖାନାରେ ହିଁ ରୋଗୀ ସୁରକ୍ଷିତ ନାହାନ୍ତି, ତେବେ ଆମେ ଦୋଷ କାହାକୁ ଦେବା । ମୁମ୍ବାଇର ବାଲାସାହେବ ଠାକରେ ଟ୍ରୋମା କେୟାର ମେଡ଼ିକାଲରେ ଆଇସିୟୁରେ କିଛି ଏପରି ଘଟଣା ଘଟିଛି ଯାହା ଆପଣଙ୍କୁ ଆଶ୍ଚର୍ଯ୍ୟ କରିବ । ଏହି ଡାକ୍ତରଖାନାରେ ମୂଷାମାନଙ୍କର ଆତଙ୍କ ଏବେ ବଢ଼ିଯାଇଛି ଯେ, ରୋଗୀର ଡାହାଣ ଆଖିକୁ ମୂଷା ପୁରା କାଟି ଦେଇଛି । ଗୋଟିଏ ପଟେ ରୋଗୀକୁ ନେଇ ପରିବାର ଲୋକେ ଚିନ୍ତିତ ଥିଲେ ଏବେ ପୁଣି ତାଙ୍କ ପାଇଁ ବୋଝ ଉପରେ ଲଳିତାବିଡ଼ା ସାବ୍ୟସ୍ତ ହୋଇଛି । ତେବେ ଏନେଇ ରୋଗୀଙ୍କ ସମ୍ପର୍କୀୟ ଡାକ୍ତରଖାନା କର୍ତ୍ତୃପକ୍ଷଙ୍କୁ ଅଭିଯୋଗ କିରିବା ସେମାନେ କଥାକୁ ନଶୁଣି ଅଣଦେଥା କରିଥିବା ଅଭିଯୋଗ ରହିଛି ।
Kanak News is now on WhatsApp
Join and get latest news updates delivered to you via WhatsApp
ସୂଚନାଯୋଗ୍ୟ ୧୫ ଦିନ ପୂର୍ବରୁ ଥାନେ ନିବାସୀ ୨୭ ବର୍ଷିୟ ପରବିନ୍ଦର ଗୁପ୍ତାଙ୍କୁ ବେସରକାରୀ ଡାକ୍ତରଖାନରୁ ଏଠାକୁ ସ୍ଥାନାନ୍ତର କରାଯାଇଥିଲା । ଆଉ ତା’ରେ ରୋଗୀ ଜଣକ କୋମାକୁ ପଳାଇ ଯାଇଥିଲେ । ମୁଣ୍ଡରେ ଗଭୀର ଆଘାତ ଯୋଗୁଁ ତାଙ୍କର ଚିକିତ୍ସା କରାଯାଇଥିଲା । ପରବିନ୍ଦରଙ୍କ ବାପାଙ୍କ ଅନୁସାରେ ତାଙ୍କ ପରିବାରର ଜଣେ ଲୋକ ପରବିନ୍ଦରଙ୍କ ମୁଣ୍ଡ ପାଖରୁ ଏକ ମୂଷା ବୁଲୁଥିବାର ଦେଖିଥିଲେ । ଆଉ ତା’କୁ ହଟାଇବା ପରେ ସମସ୍ତେ ଶୋଇଯାଇଥିଲେ । ତେବେ ସକାଳେ ନିଦ ଭାଙ୍ଗିବା ପୂର୍ବରୁ ପରବିନ୍ଦରଙ୍କ ଡାହାର ଆଖିରୁ ରକ୍ତ ବାହାରୁଥିବାର ଦେଖିବା ପାଇଁ ମିଳିଲା । ଯାଂଚ ପରେ ଜଣାପଡ଼ିଲା କି ମୂଷା ପରବିନ୍ଦରଙ୍କ ଆଖି କାଟିଦେଇଛି । ତେବେ ଡାକ୍ତରଖାନା କର୍ତ୍ତୃପକ୍ଷ ଏକଥାକୁ ଅସ୍ୱୀକାର କରୁଛନ୍ତି । ପରବିନ୍ଦରଙ୍କ ଜଣେ ସମ୍ପର୍କୀୟ କହିଛନ୍ତି, ତାଙ୍କ ଭାଇଙ୍କ ଆଖି ଡ଼ୋଲା ମୂଷା ସମ୍ପୂର୍ଣ୍ଣ ରୂପେ କାଟି ଦେଇଛି । ଆଉ ଏଥିପାଇଁ ଡାକ୍ତରଖାନା କର୍ତ୍ତୃପକ୍ଷଙ୍କ ପାଖରେ ବାରମ୍ବାର ଅଭିଯୋଗ ସତ୍ୱେ ସେମାନେ ଘଟଣାକୁ ଚପାଇବା ପାଇଁ ଚେଷ୍ଟା କରୁଛନ୍ତି ।