ରସଗୋଲା କାହାର : ମୁହାଁମୁହିଁ ପଶ୍ଚିମବଙ୍ଗ ଏବଂ ଓଡ଼ିଶା ସରକାର
ଭୁବନେଶ୍ୱର ବ୍ୟୁରୋ, କନକ ନ୍ୟୁଜ୍ : ରସଗୋଲା କାହାର । ପଶ୍ଚିମବଙ୍ଗ ର ନା ଓଡିଶାର । ଏହି ବିବାଦକୁ ନେଇ ପଶ୍ଚିମବଙ୍ଗ ଓ ଓଡିଶା ସରକାର ମୁହାଁମୁହିଁ । ହେଲେ ବିବାଦର ଅଙ୍କ ଛିଣ୍ଡିବାରେ ଲାଗୁନି, କିନ୍ତୁ ରସଗୋଲା କମିଟି ପକ୍ଷରୁ ସରକାର ତଥା ଉଚ୍ଚଶିକ୍ଷାମନ୍ତ୍ରୀଙ୍କୁ ଏକ ବଳିଷ୍ଠ ପ୍ରମାଣ ଭିତିକ ନଥିପତ୍ର ପ୍ରଦାନ କରାଯାଇଛି । ଯାହାର ପୌରାଣିକ ଓ ପ୍ରମାଣ ଭିତିକ ତଥ୍ୟ କହୁଛି ରସଗୋଲା ଓଡିଶାର । ପଶ୍ଚିମବଙ୍ଗର ବହି ମିଛ ଉପରେ ଆଧାରିତ । ରସଗୋଲା କମିଟି ପକ୍ଷରୁ ଜି.ଆଇ ମାନ୍ୟତା ପାଇଁ ଦାବି କରାଯାଇଛି । ରସଗୋଲା ଓଡିଶାର ବୋଲି ଦାବି କରାଯାଇଛି ।
Kanak News is now on WhatsApp
Join and get latest news updates delivered to you via WhatsApp
ସରକାରଙ୍କ ପକ୍ଷରୁ ଏହି ୧୫୦ ପୃଷ୍ଠା ବିଶିଷ୍ଠ ନଥିପତ୍ରର ତଦନ୍ତ କରାଯିବ ଏବଂ ଯଥା ଶୀଘ୍ର କାମ ଆରମ୍ଭ ହେବ ବୋଲି ଉଚ୍ଚଶିକ୍ଷାମନ୍ତ୍ରୀ ପ୍ରଦୀପ ପାଣିଗ୍ରାହୀ କହିଛନ୍ତି । ପୁସ୍ତକପ୍ରଦାନ କରିଥିବା କମିଟିକୁ ମଧ୍ୟ ଧନ୍ୟବାଦ ଜଣାଇଛନ୍ତି ମନ୍ତ୍ରୀ । ୨୦୧୫ ମଧ୍ୟଭାଗରେ ଓଡିଶା ସରକାର ପାହାଳ ରସଗୋଲା ପାଇଁ ଜି.ଆଇ ଭୈାଗୋଳିକ ମାନ୍ୟତା ଉଦ୍ୟମ ନିମନ୍ତେ ପ୍ରସ୍ତୁତି ଆରମ୍ଭ କରିଥିଲେ । ପଂଚଦଶ ଷୋଡଶ ଶତାଦ୍ଦୀରେ ବଳରାମ ଦାସଙ୍କ ଦାଣ୍ଡି ରାମାୟଣରେ ରସଗୋଲା ସମ୍ବନ୍ଧରେ ତଥ୍ୟ ଅଛି । ଏଣୁ ଓଡିଶାରେ ରସଗୋଲା ଇତିହାସ ଅନ୍ୟୁନ ୫୦୦ ବର୍ଷର । ଅଧିକ ତଥ୍ୟ ରହିଛି ଏହି ଭିଡିଓରେ :