କନକ ବ୍ୟୁରୋ : ପୁଣି ସାମ୍ନାକୁ ଆସିଛି ରସଗୋଲା ଯୁଦ୍ଧ । ଆଉ ଦୁଇପାଦ ଆଗକୁ ବଢିଛି ଓଡିଶା । ଗବେଷଣା ପରେ ମିଳିଛି ତଥ୍ୟ ପ୍ରମାଣ । ପଶ୍ଚିମବଙ୍ଗର ଦାବିିକୁ ଖଣ୍ଡନ କରି ଏକ ରିପୋର୍ଟ ବିଜ୍ଞାନ କାରିଗରୀ ମନ୍ତ୍ରୀଙ୍କୁ ଦିଆଯାଇଛି । ଆଉ ରିପୋର୍ଟ ପାଇବା ପରେ ରସଗୋଲାର ଜିଆଇ ଟ୍ୟାଗ ହାସଲ କରିବାକୁ ସରକାରୀ ତତ୍ପରତା ଆରମ୍ଭ ହୋଇଛି।
Kanak News is now on WhatsApp
Join and get latest news updates delivered to you via WhatsApp
ନଜର ପକାନ୍ତୁ କଣ ରହିଥିଲା ପଶ୍ଚିମବଙ୍ଗର ଦାବି ଆଉ କେମିତି ଓଡିଶା ଏହାକୁ ଖଣ୍ଡନ କରିଛି ।
ପଶ୍ଚିମବଙ୍ଗର ଯୁକ୍ତି : ୧୮୬୮ ମସିହାରେ ଏହାର ଉତ୍ପତି ହୋଇଥିଲା ।
ଓଡିଶାର ଦାବି : ଷୋଡଶ ଶତାଦ୍ଦୀର ବଳରାମ ଦାସଙ୍କ ରଚିତ ‘ଦାଣ୍ଡି ରାମାୟଣ’ରେ ରସଗୋଲା ବିଷୟରେ ବର୍ଣ୍ଣନା ରହିଛି । ତେଣୁ ଓଡିଶାରେ ରସଗୋଲାର ଇତିହାସ ପ୍ରାୟ ୫୦୦ ବର୍ଷର ।
ପଶ୍ଚିମବଙ୍ଗର ଯୁକ୍ତି : ଛେନାର ବ୍ୟବହାର ବେଙ୍ଗଲୀ ମିଠା କାରିଗର ପର୍ତୁଗୀଜଙ୍କଠାରୁ ଶିଖିଥିଲେ ।
ଓଡିଶାର ଦାବି : ପର୍ତୁଗୀଜ ଭାରତ ଆସିବା ପୂର୍ବାରୁ ଛେନାର ବ୍ୟବହାର ଦାଣ୍ଡି ରାମାୟଣରେ ବର୍ଣ୍ଣିତ ହୋଇଛି ।
ପଶ୍ଚିମବଙ୍ଗର ଯୁକ୍ତି : ଶ୍ରୀମନ୍ଦିର ସତ୍ତ୍ୱଲିପିରେ ରସଗୋଲା ଭୋଗ ସମ୍ପର୍କରେ କୌଣସି ଉଲ୍ଲେଖ ନାହିଁ ।
ଓଡିଶାର ଦାବି : ନିଳାଦ୍ରୀ ବିଜେ ସମୟରେ ରସଗୋଲାକୁ ହିଁ ପାରମ୍ପରିକ ଭୋଗ ଭାବେ ଦର୍ଶାଯାଇଛି। ଶ୍ରୀକ୍ଷେତ୍ରରେ ବିଭିନ୍ନ ମଠ ପକ୍ଷରୁ ଭୋଗ ହେଉଥିବାର ପ୍ରମାଣ ମଧ୍ୟ ମିଳିଛି।
ପଶ୍ଚିମବଙ୍ଗର ଯୁକ୍ତି: ଶ୍ରୀଚୈତନ୍ୟଙ୍କ ପ୍ରଭାବରେ ପୁରୀର ଶ୍ରୀଜଗନ୍ନାଥ ମନ୍ଦିରରେ ଛେନା ଓ ଛେନାରୁ ପ୍ରସ୍ତୁତ ଭୋଗ ପ୍ରଚଳିତ ହୋଇଥିଲା ।
ଓଡିଶାର ଦାବି: ମାଦଳା ପାଞ୍ଜି ଏବଂ ଶ୍ରୀ ଜଗନ୍ନାଥ ମନ୍ଦିର ‘କର୍ମାଙ୍ଗୀ’ର ପ୍ରମାଣ ବଳରେ ବଙ୍ଗଳାର ଯୁକ୍ତି ଖଣ୍ଡନ ।
ପଶ୍ଚିମବଙ୍ଗର ଯୁକ୍ତି: ପଶ୍ଚିମବଙ୍ଗର ପ୍ରାଚୀନ ନାମ ଗୌଡ ଦେଶ ଥିଲା। ଗୁଡ, ଚିନିରେ ପରିପୂର୍ଣ୍ଣ ଥିଲା। ତେଣୁ ରସଗୋଲାର ଉତ୍ପତ୍ତି ବଙ୍ଗଳାରେ।
ଓଡିଶାର ଦାବି: ୧୮୨୪ରେ ଏସିଆରେ ପ୍ରଥମ ଚିନିକଳ ଅସ୍କାଠାରେ ସ୍ଥାପିତ ହୋଇଥିଲା । ତେଣୁ ଚିନି ଦ୍ୱାରା ପ୍ରସ୍ତୁତ ରସଗୋଲାର ଉତ୍ପତି ଓଡିଶାରେ।