ରଣବୀରଙ୍କୁ ଭାରୀ ପଡିଲା ପିଲାଳିଆମି ! ପ୍ରଶଂସକ କହିଲେ , ପିଲାଳିଆମି ଛାଡି ବଡ ହୁଅ ରଣବୀର ।
ବଲିଉଡ୍ ଅଭିନେତା ରଣବୀର ସିଂହ ନିଜ ଫିଲ୍ମ ‘ଗଲି ବଏ’ କୁ ନେଇ ଏବେ ଚର୍ଚ୍ଚାରେ ଥିବାବେଳେ ସିନେମାଟି ଫେବୃଆରୀ ୧୪ ତାରିଖରେ ରିଲିଜ୍ ହେବାକୁ ଯାଉଛି । ରିଲିଜ୍ ଡେଟ୍ ନିକଟରେ ଥିବାରୁ ରଣବୀର ପ୍ରମୋସନ୍ ରେ ଲାଗି ପଡିଛନ୍ତି । ନିକଟରେ ସେ ଲାକମି ଫ୍ୟାସନ୍ ୱିକ୍ ୨୦୧୯ ର ଫ୍ୟାସନ ଉତ୍ସବରେ ଯୋଗ ଦେଇଥିଲେ ଯେଉଁଠାରେ ତାଙ୍କ ଉପରେ ଫ୍ୟାନ୍ସ ପୁରା ଖପ୍ପା ହୋଇଯାଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ରଣବୀରଙ୍କୁ ଦେଖିବା ପାଇଁ ଯେତେବେଳେ ଫ୍ୟାନ୍ସଙ୍କ ଗହଳି ଜମିଲା ସେତେବେଳେ ରଣବୀର ଷ୍ଟେଜ୍ ଉପରୁ ଫ୍ୟାନ୍ସଙ୍କ ଭିଡ ଉପରକୁ ଡେଇଁ ପଡିଥିଲେ । ଏଥିରେ ସେଠାରେ ଉପସ୍ଥିତ ଥିବା କିଛି ଯୁବତୀ ତଳେ ପଡି ଯାଇଥିଲେ । ଝିଅଙ୍କ ତଳେ ପଡିଯିବାକୁ ନେଇ ଫ୍ୟାନ୍ସ ତାଙ୍କ ଉପରେ ରାଗି ଯାଇଥିଲେ । ଟ୍ୱିଟରରେ କିଛି ଲୋକ ରଣବୀରଙ୍କ ଏଭଳି ପିଲାଳିଆମି ପାଇଁ ତାଙ୍କ ଉପରେ ରାଗିବା ସହ ପିଲାଳିଆମି ଛାଡିବାକୁ କହିଛନ୍ତି । ତେବେ ଏହା କେବଳ ପ୍ରଥମ ନୁହଁ ଏହା ପୂର୍ବରୁ ମଧ୍ୟ ‘ସିମ୍ବା’ ପ୍ରମୋସନରେ ମଧ୍ୟ ସେ ଫ୍ୟାନ୍ସଙ୍କ ଉପରକୁ ଡେଇଁ ପଡିଥିଲେ ।