ଖୁବଶୀଘ୍ର ସିଲଭର ସ୍କ୍ରିନକୁ କମବ୍ୟାକ କରିବାକୁ ଯାଉଛନ୍ତି ବଲିଉଡ ବ୍ୟୁଟି ରାଣୀ ମୁଖାର୍ଜୀ । ପୁଣି ଥରେ ରାଣୀଙ୍କ ଚୁଲବୁଲି ଅନ୍ଦାଜକୁ ଦେଖିବାକୁ ପାଇବେ ଦର୍ଶକେ । ସିନେମା ମେକର ସିଦ୍ଧାର୍ଥ ପି ମଲହୋତ୍ରାଙ୍କ ଆଗାମୀ ସିନେମାରେ ରାଣୀ ମୁଖାର୍ଜୀ ନଜର ଆସିବେ ବୋଲି ସୂଚନା ମିଳିଛି ।

ଯଦିଓ ଏନେଇ ଅଧିକ କିଛି ସୂଚନା ମିଳିପାରି ନାହିଁ ତେବେ ୟଶରାଜ୍ ବ୍ୟାନରରେ ପ୍ରସ୍ତୁତ ହେବାକୁ ଥିବା ଏକ ସିନେମାଟିରେ ରାଣୀ ମୁଖ୍ୟ ଭୂମିକାରେ ନଜର ଆସିବେ । ବିବାହ ପରେ ସିଲଭର ସ୍କ୍ରିନରୁ ଦୂରେଇ ଯାଇଥିଲେ ରାଣୀ । ସିନେମା ମର୍ଦ୍ଦନୀରେ ଶେଷ ଥର ପାଇଁ ରାଣୀ ମୁଖାର୍ଜୀ ନଜର ଆସିଥିଲେ ।