ବାହୁବଳୀର ରେକର୍ଡ ଭାଙ୍ଗିଲା ସଂଜୁ । ପ୍ରଥମ ଦିନର କଲେକ୍ସନ ଦେଖି ସମସ୍ତେ ହୋଇଗଲେ ଆଶ୍ଚର୍ଯ୍ୟ
ରିଲିଜ ହୋଇଛି ବହୁ ପ୍ରତିକ୍ଷିତ ବଲିଉଡ ସିନେମା ତଥା ବଲିଉଡ ଅଭିନେତା ସଂଜୟ ଦତ୍ତଙ୍କ ଜୀବନ ଅଉପରେ ଆଧାରୀ ସିନେମା “ସଂଜୁ” । ତେବେ ସିନେମାଟି ରିଲିଜ୍ ପୂର୍ବରୁ ଯେତିକି ଚର୍ଚ୍ଚାରେ ରହିଥିଲା ପରଦାକୁ ଆସିଲା ପରେ ତାହା ଆହୁରୀ ଚର୍ଚ୍ଚିତ ହୋଇଯାଇଛି । ସିନେମାରେ ସଂଜୁଙ୍କ ଭୂମିକାରେ ରଣବୀର ଯେପରି ଦର୍ଶକଙ୍କୁ ଚକିତ କରିଦେଇଛନ୍ତି ଠିକ୍ ସେହିପରି ଗୋଟିଏ ଦିନରେ ସିନେମାର ରେକର୍ଡ କରିଦେଇଛି ସବୁସୀମା ପାର୍ । ଆପଣ ଜାଣି ଆଶ୍ଚର୍ଯ୍ୟ ହେବେ କି ରଣବୀରଙ୍କ ଆଧାରିତ ସିନେମା ସଂଜୁ ଭାଙ୍ଗିଦେଇଛି ପ୍ରଭାସଙ୍କ ଅଭିନିତ ସିନେମା ବାହୁବଳୀର ରେକର୍ଡ । ଖାଲି ଏତିକି ନୁହେଁ ୨୦୧୮ ମଧ୍ୟରେ ରିଲିଜ ହୋଇଥିବା ସଂଜୁ ପୂର୍ବରୁ ରେକର୍ଡ଼ କରିଥିବା ଫିଲ୍ମକୁ ପଛରେ ପକାଇ ଦେଇଛି । ତେବେ ବକ୍ସ ଅଫିସରେ ସଂଜୁ ଏବେ ରେକର୍ଡ଼ ବ୍ରେକର ଭାବରେ ତାଜ ଜିତି ପାରିଛି ।
Kanak News is now on WhatsApp
Join and get latest news updates delivered to you via WhatsApp
ଆଉ ଏହିସବୁ ଭିତରେ ରାଜମୈଲୀଙ୍କ ନିର୍ଦ୍ଦେଶୀତ ସିନେମା ତଥା ବାହୁବଳୀକୁ ବି ରାଜକୁମାର ହିରାନୀଙ୍କ ନିର୍ଦ୍ଦେଶିତ ସିନେମା ସଂଜୁ ପଛରେ ପକାଇଦେଇଛି । ଏହା ସହିତ ପଦ୍ମାବତ,ରେସ-ଥି ଓ ବାଘୀ-ଟୁ ଭଳି ଫିଲ୍ମକୁ ପଛରେ ପକାଇ ବହୁ ଆଗକୁ ମାଡ଼ିଯାଇଛି ରଣବୀରଙ୍କ ଅଭିନୀତ ସିନେମା ସଂଜୁ । ଓପନିଙ୍ଗ ୱିକେଣ୍ଡରେ ୧୨୦ କୋଟିର ଇନକମ କରି ଇତିହାସ ରଚି ସାରିଛି ରାଜକୁମାର ହିରାନୀଙ୍କ ସଂଜୁ । କିନ୍ତୁ ବଡ କଥା ହେଲା କି, ରଣବୀର ବକ୍ସ ଅଫିସରେ ଅମୀର ଏବଂ ସଲମାନଙ୍କ ଭଳି ବାଦଶାହଙ୍କୁ ଟକ୍କର ଦେଇଛନ୍ତି । ସଂଜୁ ପ୍ରଥମ ଦିନରେ ୩୪ କୋଟି ରୋଜଗାର କରିଥିଲା । ଦ୍ୱିତୀୟ ଦିନରେ ୧୫ ପ୍ରତିଶତ ବଢିଥିଲା,ଯାହା ୩୮.୬୦ କୋଟି ଥିଲା । ଫିଲ୍ମ ଖୁବଶୀଘ୍ର ୨୦୦ କୋଟି କ୍ଲବରେ ପହଂଚିଯିବ ବୋଲି ଆଶା କରାଯାଉଛି ।