ଆଜି ଲଦାଖ୍ ଯିବେ ରାଷ୍ଟ୍ରପତି !
କନକ ବ୍ୟୁରୋ : ରାଷ୍ଟ୍ରପତି ରାମନାଥ କୋବିନ୍ଦ ଆଜି ଲେହ ଓ ଲଦାଖ ଗସ୍ତରେ ଯିବେ । ବାୟୁସେନାର ସ୍ୱତନ୍ତ୍ର ବିମାନ ଯୋଗେ ଯିବେ ରାମନାଥ । ସେ ଲେହର ବାୟୁସେନାର ଷ୍ଟେସନରେ ଅବତରଣ କରିବା ପରେ ସେଠାରେ ତାଙ୍କୁ ଗାର୍ଡ ଅଫ୍ ଅନର ପ୍ରଦାନ କରାଯିବ । ଲଦାଖରେ ଆୟୋଜିତ ଏକ କାର୍ଯ୍ୟକ୍ରମରେ ଉଲେଖନୀୟ ସେବା ପାଇଁ ସ୍କାଉଟ୍ ରେଜିମେଂଟାଲ ସେଂଟରକୁ ରାଷ୍ଟ୍ରପତି କଲର୍ସ ପ୍ରଦାନ କରିବେ ।
Kanak News is now on WhatsApp
Join and get latest news updates delivered to you via WhatsApp
ଏହାଛଡ଼ା ରାଷ୍ଟ୍ରପତି ସୀମାରେ ଥିବା ଭାରତୀୟ ସେନାର କେତେକ ଆଗୁଆ ଘାଟି ମଧ୍ୟ ପରିଦର୍ଶନ କରିବାର କାର୍ଯ୍ୟକ୍ରମ ରହିଛି । ଏହା ସହିତ ଯବାନମାନଙ୍କ ସହ ରାଷ୍ଟ୍ରପତି ଚା ପିଇବାର କାର୍ଯ୍ୟକ୍ରମ ରହିଛି । ଦୁଇ ଦିନ ପୂର୍ବରୁ ଲଦାଖ ଗ୍ରସ୍ତରେ ଯାଇ ଗତକାଲିଠାରୁ ଲେହରେ ପହଁଚିଛନ୍ତି । ରାୱତ ସେନା କମାଣ୍ଡରଙ୍କ ସହ ସୀମା ପରିସ୍ଥିତି ସମ୍ପର୍କରେ ଆଲୋଚନା କରିଛନ୍ତିି । ଲଦାଖରେ ଚୀନ ସେନାର ଅନୁପ୍ରବେଶ ଉଦ୍ୟମ ଓ ସ୍ଥିତି ନେଇ ରାଷ୍ଟ୍ରପତିଙ୍କୁ ରାୱତ ଅବଗତ କରାଇବେ ବୋଲି ଜଣାପଡିଛି ।
ସ୍ୱାଧୀନତା ଦିବସ ଦିନ ଲଦାଖରେ ଚୀନ୍ ସେନା ଜୋରଜବରଦସ୍ତି ଭାରତ ସୀମାକୁ ପଶିବାକୁ ଉଦ୍ୟମ କରିଥିଲା । ଏପରିକି ଉଭୟ ସେନା ମଧ୍ୟରେ ହାତାହାତି ସହ ଧସ୍ତାଧସ୍ତି ହୋଇଥିଲା । ପରେ ଭାରତୀୟ ଯବାନଙ୍କ ଉପରକୁ ଚୀନ ସେନା ପଥର ଫିଙ୍ଗିଥିଲା । ଏସବୁ ଘଟଣା ପରେ ରାଷ୍ଟ୍ରପତିଙ୍କ ଏହି ଗସ୍ତ ଭାରତୀୟ ଯବାନଙ୍କ ମନୋବଳ ବୃଦ୍ଧି କରିବ । ଦିଲ୍ଲୀ ବାହାରକୁ ନବନିର୍ବାଚିତ ରାଷ୍ଟ୍ରପତିଙ୍କ ଏହା ପ୍ରଥମ ଗସ୍ତ ।